Ay Dil e Bekhabar Abhi Kya Hai



Ay Dil e Bekhabar Abhi Kya Hai

Janta Bhi Hai Ashqi Kya Hai

Sabab Jor-e-berukhi Kya Hai

Kuch Kaho Wajh-e-barhami Kya Hai

Jaane Wala Chala Gaya Ab To

Nig-he-shauq Dekhti Kya Hai

Yaad-e-monis Hai Gam Gusar Hai Dil

Shaam-e-furqat Me Bekasi Kya Hai

Jee Raha Hun Tere Bagair Magar



Ek Musibat Hai Zindagi Kya Hai

Juz Tere Kya Talab Karun Tujh Se

Mujh Ko Tere Sewa Kami Kya Hai

Partawe Husn Roo-e-dost Hai Yeh

Maah-o-anjum Mein Roshni Kya Hai

Dosti Mere Bakht Se Hai Tujhe

Mujh Se Ai Neend Dushmani Kya Hai

Apne Bas Hi Ki Jab Nahi Akhtar

Haai Aisi Bhi Zindagi Kya Hai..!!!

Tags: , , , , , ,
Latest Comments
  1. Naghman May 13, 2017

Leave a Reply

Your email address will not be published. Required fields are marked *