Barabar se bachakar guzar jane wale – Jigar Moradabadi



Barabar se bachakar guzar jane wale
ye nale nahi be-asar jane wale

muhabbat mein hum to jiye hain jiyenge
wo honge koi aur mar jane wale

mere dil ke betabiyan bhi liye ja
dabe paon munh pher ke jane wale



nahi janate kuch ki jana kahan hai
chale ja rahe hain magar jane wale

tere ik ishare pe sakit khade hain
nahi kah ke sab se guzar jane wale

 

Poet of the Poem / Ghazal or Nazam : Jigar Moradabadi

Tags: , , ,

Leave a Reply

Your email address will not be published. Required fields are marked *