Dard Ke Phuul Bhii Khilate Hain



Dard Ke Phuul Bhii Khilate Hain Bikhar Jaate Hain
Zakhm Kaise Bhii Hon Kuchh Roz Men Bhar Jaate Hain

Raastaa Roke Khadii Hai Yahii Uljhan Kab Se
Ko_Ii Puuchhe To Kahen Kyaa Ki Kidhar Jaate Hain



Chhat Ki Khidakiyon Se Utarate Hain Mere Khvaab Magar
Merii Diivaaron Se Takaraa Ke Bikhar Jaate Hain

Narm Aavaaz Bhalii Baaten Mohazzab Lahaje
Pahalii Baarish Men Hii Ye Rang Utar Jaate Hain

Us Dariiche Men Bhii Ab Ko_Ii Nahiin Aur Ham Bhii
Sar Jhukaaye Huye Chup-Chaap Guzar Jaate Hain

Latest Comments
  1. Liaqat Ali Bhutta August 24, 2011
  2. Kashif_Sahil August 25, 2011
  3. abdul August 25, 2011

Leave a Reply

Your email address will not be published. Required fields are marked *