dhundhane us ko chala hun jise pa bhi na sakun -Ameer Minai



us ke hasrat hai jise dil se mita bhi na sakun
dhundhane us ko chala hun jise pa bhi na sakun

dal kar khak mere khoon pe qatil ne kaha
kuch yeh mehandi nahi meri ke mita bhi na sakun
zabt kambakht ne aur aa ke gala ghonta hai
ke use hal sunaun to suna bhi na sakun

us ke pehlu mein jo leja ke sula dun dil ko
neend aisi use aaye ke jaga bhi na sakun



naqsh-e-pa dekh to lun lakh karunga sajade
sar mera arsh nahi hai ki jhuka bhi na sakun
bevafa likhate hain wo apni kalam se mujh ko
ye wo qismat ka likha hai jo mita bhi na sakun
is tarah soye hain sar rakh ke mere zanon par
apni soi hui qismat ko jaga bhi na sakun

Poet of  the Poems / Ghazal or Nazam :Ameer Minai

Tags: , , ,
Latest Comments
  1. Naresh May 26, 2012
  2. AFTAB KHAN June 8, 2014
  3. shahidanjum February 22, 2015
  4. U,,U,,U,sif March 16, 2015

Leave a Reply

Your email address will not be published. Required fields are marked *