Mujhko Uski Zaat Se Koi Gilla Nahin Tha



Mujhko Uski Zaat Se Koi Gilla Nahin Tha
Garche Zubaan Ka Talkh Tha Dil Ka Burra Nahin Tha

Jo Jhuk Gaya Khada Hai Vo Aandhi Ke Baad Bhi
Toota Hai Vo Shajar Jo Zara Bhi Jhuka Nahin Tha

Jiski Uraan Dekh Kar Sab Danggh Reh Gaye
Be-Baal-O-Par Laga Tha Jab Tak Urra Nahin Tha



Paani Ki Boond Boond Ko Tarsa Tha Har Bashar
Kaise Mein Maan Lu Yeh Azaab-E-Khuda Nahin Tha

Mehdood Kar Gaya Hai Mujhe Meri Zaat Mein
Samjah Tha Jis Ko Mein Ke Vo Mujh Se Juda Nahin Tha

“Naaz” Kis Tarah Se Manaaugi Ab Usse
Rootha Hai Mujh Se Vo Jo Kabhi Roothta Nahin Tha

Tags:
Latest Comments
  1. Romesh kantyal April 30, 2013
  2. Romesh kantyal April 30, 2013

Leave a Reply

Your email address will not be published. Required fields are marked *