Valentines day sms ,April fool sms 2014, Easter sms Wishes, Love quotes sayings, Romantic sms messages poetry & Sad text messages in Urdu and Hindi

Guzri messages

Guzri Shayari in Urdu for your friends. Guzri poetry , ghazal , poem and sher o shayari in Hindi. Best 1 line , 2 line and 4 line Guzri shayari Collection Online. All latest Guzri & Urdu Shayari, Hindi Shayari 2015, Urdu Poetry, SMS, Sad Shayari, Romantic Poetry sms, Ghazals & Shair o Shayari SMS on Paperpk.com/Shayari

Ye tasalli hai ki hain nashad sab – Javed Akhtar

Posted in Guzri by Anila

Ye tasalli hai ki hain nashad sab
main akela hi nahi barabad sab
sab ke khatir hai yahan sab ajanabi
aur kahane ko hain ghar aabad sab
bhool ke sab ranjishen sab ek hain
main bataun sab ko hoga yaad sab
sab ko dava-e-vafa sab ko yaqin
is adakari mein hain ustad sab
shahar ke hakim ka ye faraman hai
qaid mein kahalayenge aazad sab
char lafzon mein kaho jo bhi kaho
us ko kab furasat sune fariyad sab
talkhiyan kaise na ho ashar mein
hum pe jo guzri hai hum ko yaad sab

Poet of the Poem / Ghazal or Nazam : Javed Akhtar

Kare dariya na pul mismar mere – Mehshar Badayuni

Posted in dariya,Guzri by Anila

Kare dariya na pul mismar mere
abhi kuch log hain us par mere

bahut din guzri ab dekh aaun ghar ko
kahenge kya dar-o-divar mere
waheen suraj ke nazaren thin ziyada
jahan the ped sayadar mere
wohi ye shahar hai to shahar valo
kahan hai kucha-o-bazar mere
tum apna hal-e-mahajuri sunao
mujhe to kha gaye aazar mere

jinhen samajha tha janparavar main ab tak
wo sab nikle kafan bardar mere

guzarate ja rahe hain din hawa se
rahen zinda salamat yar mere
daba jis se usi pathar mein dhal kar
bike chehare sar-e-bazar mere

daricha kya khula meri gazal ka
havayen le udi ashar mere

Poet of the Poem / Ghazal or Nazam : Mehshar Badayuni

Kaheen umeed si hai dil ke nihankhane mein – Ahmed Mushtaq

Posted in Dil Shayari,Guzri by Anila

Kaheen umeed si hai dil ke nihankhane mein
abhi kuch waqt lagega ise samajhane mein
mausam-e-gul ho ki patajhad ho bala se apni
hum ki shamil hain na khilane mein na murjhane mein
hum se makhfi nahi kuch rahguzar-e-shauq ka hal
hum ne ik umr guzri hai havakhvane mein
hai yun hi ghumate rahane ka maza hi kuch aur
aisi lazzat na pahunchane mein na reh jane mein
naye divanon ko dekhen to khushi hoti hai
hum bhi aise hi the jab aaye the virane mein
mausamon ka koi meharam ho to us se pucho
kitne patajhad abhi baqi hain bahar aane mein

Poet of the Poem / Ghazal or Nazam : Ahmed Mushtaq

Kaheen dekhi hai shayad teri surat is se pahale bhi – Hafeez Hoshiarpuri

Posted in Afasana,Guzri by Anila

Kaheen dekhi hai shayad teri surat is se pahale bhi
ki guzri hai mere dil pe ye halat is se pahale bhi
na jane kitne jalve pesh-rau the tere jalvon ke
tujhi se barha ke hai mohabbat is se pahale bhi
sunati hain koi afasana teri sahamagin nazaren
hui hai mujhase gustakhana jur’at is se pahale bhi
meri qismat ki main is daur mein badanam hun warna
vafadari thi shart-e-adamiyat is se pahale bhi

Poet of the Poem / Ghazal or Nazam : Hafeez Hoshiarpuri