Valentines day sms ,April fool sms 2014, Easter sms Wishes, Love quotes sayings, Romantic sms messages poetry & Sad text messages in Urdu and Hindi

Qasam messages

Qasam Shayari in Urdu for your friends. Qasam poetry , ghazal , poem and sher o shayari in Hindi. Best 1 line , 2 line and 4 line Qasam shayari Collection Online. All latest Qasam & Urdu Shayari, Hindi Shayari 2015, Urdu Poetry, SMS, Sad Shayari, Romantic Poetry sms, Ghazals & Shair o Shayari SMS on Paperpk.com/Shayari

Sitam hi karana jafa hi karana nigah-e-lutf kabhi na karana -DaaG Dehlvi

Posted in Dosti Shayari,Qasam by Anila

Sitam hi karana jafa hi karana nigah-e-lutf kabhi na karana
tumhen qasam hai hamare sar ke hamare haq mein kami na karana
kahan ka aana kahan ka jana wo jante hi nahi ye rasmen
vahan hai wade ke bhi ye surat kabhi to karana kabhi na karana
hamari mayyat pe tum jo aana to char aansu baha ke jana
zara rahe pas-e-abaru bhi kaheen hamari hansi na karana
wo ik hamara tariq-e-ulfat ki dushmanon se bhi mil ke chalana
ye ek sheva tera sitamagar ki dost se dosti na karana

Poet of the Poem / Ghazal or Nazam : DaaG Dehlvi

Sara aalam gosh bar aavaz hai – Majaz Lucknawi

Posted in Dil Shayari,Qasam by Anila

Sara aalam gosh bar aavaz hai
aj kin hathon mein dil ka saz hai
han zara jurrat dikha ae jazb-e-dil
husn ko parde pe apne naz hai
kamnashin dil ke haqiqat kya kahun
soz mein duba hua ik saz hai
aap ke makhmur aankhon ke qasam
meri maikhvari abhi tak raz hai
hans diye wo mere rone par magar
un ke hans dene mein bhi ek raz hai
chup gaye wo saz-e-hasti ched kar
ab to bas aavaz hi aavaz hai
husn ko nahaq pasheman kar diya
ae junun ye bhi koi andaz hai
sari mahafil jis pe jhum utthi ‘majaz’
wo to aavaz-e-shikast-e-saz hai

Poet of the Poem / Ghazal or Nazam :Majaz Lucknawi

chod na khali mere paimane ko – Qadeer

Posted in Qasam,saqiya by Anila

saqiya
chod na khali mere paimane ko
itni hi de de ke ho jaye qasam khane ko
saqi ye ahad-e-shikan is mein bigadana kaisa
koi paiman ko tode koi paimane ko
kuch to ho jati hai kam sifat-e-taubashikani
pi ke hum tod diya karte hain paimane ko
jitne muh utani hi baten hain bade q na junun
sab ne divana bana rakha hai divane ko

Poet of the Poem / Ghazal or Nazam :Qadeer

saqi ke har nigah pe bal kha ke pi gaya – Jigar Moradabadi

Posted in Ishq Shayari,Qasam by Anila

saqi ke har nigah pe bal kha ke pi gaya
laharon se khelata hua lehra ke pi gaya
bekaifiyon ke kaif se ghabara ke pi gaya
tauba ko tod tad ke tharra ke pi gaya
zahid ye meri shokhi-e-rindana dekhana
rahamat ko baton baton mein bahala ke pi gaya
sarmasti-e-azal mujhe jab yaad aa gai
duniya-e-aitabar ko thukra ke pi gaya
aazurdagi-e-khatir-e-saqi ko dekh kar ae rahamat-e-tamam meri har khata mua’af
main intaha-e-shauq mein ghabara ke pi gaya
pita begair izan ye kab thi meri majal
dar-parda chashm-e-yar ke shah pa ke pi gaya
us jan-e-mayakada ke qasam barha “jigar”
kul aalam-e-bisat pe main cha ke pi gaya

Poet of the Poem / Ghazal or Nazam :Jigar Moradabadi

Khatir se ya lihaz se main man to gaya – DaaG Dehlvi

Posted in Dil Shayari,Qasam by Anila

Khatir se ya lihaz se main man to gaya
jhuthi qasam se aap ka iman to gaya
dil leke muft kahate hain kuch kam ka nahi
ulati shikayaten rahi ehsaan to gaya
ab shay-e-raz-e-ishq go zillaten hui
lekin use jata to diya, jan to gaya
dekha hai butakade mein jo ae shekh kuch na kuch
iman ke to ye hai ki iman to gaya
darta hun dekh kar dil-e-be-arazu ko main
sun-san ghar ye q na ho mehaman to gaya
go namabar se khush na hua par hazar shukr
mujh ko wo mere naam se pehchan to gaya
hosh-o-havas-o-tab-o-tavan “dag” ja chuke
ab hum bhi jane wale hain saman to gaya

Poet of the Poem / Ghazal or Nazam : DaaG Dehlvi

Marate hain tere pyar se hum aur ziyada – Ibrahim Zauq

Posted in Dil Shayari,Qasam by Anila

marate hain tere pyar se hum aur ziyada
tu lutf mein karta hai sitam aur ziyada
den kyon ki na wo dag-e-alam aur ziyada
qimat mein badhe dil ke diram aur ziyada

kya hovega do char qadah se mujhe saqi
main lunga tere sar ke qasam aur ziyada

wo dil ko churakar jo lage aankh churane
yaron ka gaya un pe bharam aur ziyada
kyon main ne kaha tujh sa khudai mein nahi aur
magarur hua ab wo sanam aur ziyada
lete hain samar shakh-e-samaravar ko jhukakar
jhukate hain sakhi vaqt-e-karam aur ziyada

jo kunj-e-qana’at mein hain taqadir pe shakir
hai “zauq” barabar unhen kam aur ziyada

Poet of the Poem / Ghazal or Nazam :Ibrahim Zauq

aj mere shab-e-furqat ke sahar aayi hai – Shamim Jaipuri

Posted in mere,Qasam by Anila

aj mere shab-e-furqat ke sahar aayi hai
muddaton bad teri rahaguzar aayi hai

dekh to lijiye mere khun-e-tamanna ki bahar
jis ke surkhi meri aankhon mai utar aayi hai

tune to tark-e-muhabbat ke qasam khai thi
kyon teri aankh mujhe dekh ke bhar aayi hai

un ke pairahan-e-rangin ke mahak hai is mai
aj kya bad-e-saba hoek udhar aayi hai

is mai kuch un ke jafayen bhi to shamil hain ‘shamim’
bevafai ke jo tohamat mere sar aayi hai
 

 
Poet of the Poem / Ghazal or Nazam : Shamim Jaipuri