Ye intazar galat hai ki sham ho jaye
jo ho sake to abhi daur-e-jam ho jaye
khuda-na khvasta pine lage jo waiz bhi
hamare vaste pina haram ho jaye
mujh jaise rind ko bhi tu ne hashr mein ya rab
bula liya hai to kuch intazam ho jaye
wo sahan-e-bag mein aaye hain may-kashi ke liye
khuda kare ke har ik phul jam ho jaye
mujhe pasand nahi is pe gam-zan hona
wo rah-guzar jo guzar-gah-e-am ho jaye

Poet of the Poem / Ghazal or Nazam :Naresh Kumar Shad

Zindan mein bhi khinche rahe dar-o-rasan se hum
rehte hain sarkashon mein bahut bankhpan se hum
gul-dosti ne khar ka khugar bana diya
misl-e-nasim shad hain sare chaman se hum
agyar mahar-o-mah se aage nikal gaye
ulajhe huye hain subah ke pahali kiran se hum
past-o-buland-e-dahar se aasan guzar gaye
choote na qaid-e-zulf-e-shikan-dar-shikan se hum
nikle jo gamkade se to surat khizan ke thi
aaye bahar ban ke teri anjuman se hum
ye lutf kam nahi hai gam-e-ashiqi tera
hain hain beniyaz dahar ke ranj-o-mehan se hum

Poet of the Poem / Ghazal or Nazam : Sikander Ali Wajd

Sham ko subah-e-chaman yaad aayi
kis ke khushbu-e-badan yaad aayi
jab khayalon mein koi mod aaya
tere gesu ke shikan yaad aayi
yaad aaye tere paikar ke khatoot
apni kotahi-e-fan yaad aayi
chand jab dur ufaq par duba
tere lahaje ke thakan yaad aayi
din shuaon se ulajhate guzra
raat aayi to kiran yaad aayi

Poet of the Poem / Ghazal or Nazam : Ahmed Nadeem Qasmi

Na jane ashk se aankhon mein kyon hai aaye hue
guzar gaya zamana tujhe bhulaye hue
jo manzilen hain to bas raharavan-e-ishq ke hain
wo sans ukhadi hui panv dagmagaye hue
na rahzanon se ruke raste mohabbat ke
wo kafile nazar aaye lute lutaye hue
ab is ke bad mujhe kuch khabar nahi un ke
gham aashana hue apne hue paraye hue
ye iztirab sa kya hai ki muddaten guzri
tujhe bhulaye hue teri yaad aaye hue

Poet of the Poem / Ghazal or Nazam : Firaq Gorakhpuri

na ganvao navak-e-nim-kash, dil-e-reza reza ganva diya
jo bache hain sang samet lo, tan-e-dag daag luta diya
mere charagar ko naved ho, saf-e-dushmanan ko khabar karo
wo jo qarz rakhte the jan par, wo hisab aj chuka diya
karo kaj jabin pe sar-e-kafan, mere qatilon ko guman na ho
ki gurur-e-ishq ka bankapan, pas-e-marg hum ne bhula diya
udhar ek harf ki kushtani, yahan lakh uzr tha guftani
jo kaha to sun ke uda diya, jo likha to pad ke mita diya
jo ruke to koh-e-garan the ham, jo chale to jan se guzar gaye
rah-e-yar hum ne qadam qadam, tujhe yadagar bana diya

Poet of the Poem / Ghazal or Nazam : Faiz Ahmed Faiz

nama gaya koi na koi namabar gaya
teri khabar na aayi zamana guzar gaya
hansata hun yun ki hijr ke raten guzar gain
rota hun yun ki lutf-e-dua-e-sahar gaya
ab mujh ko hai qarar to sab ko qarar hai
dil kya thahar gaya ki zamana guzar gaya
ya rab nahi main vaqif-e-rudad-e-zindagi
itna hi yaad hai ki jiya aur mar gaya

Poet of the Poem / Ghazal or Nazam : Seemab Akbarabadi

Khud se hum ik nafas hile bhi kahan
us ko dhundhen to wo mile bhi kahan
khema-khema guzar le ye shab
subah-dam ye qafle bhi kahan
ab ta’mul na kar dil-e-khudkam
ruth le phir ye silsile bhi kahan
aao aapas mein kuch gile kar lain
warna yun hai ke phir gile bhi kahan
khush ho sine ke in kharashon par
phir tanaffus ke ye sile bhi kahan

Poet of the Poem / Ghazal or Nazam :  Jaun Eliya

Khizan ke rang mein abhi bahar baqi hai
chirag-e-sahar hai par intazar baqi hai
hamen salam karo ae havadis-e-dauran
tumhare sath hain phir bhi qarar baqi hai
guzar chuka hai ummidon ka qafila kab ka
rah-e-yaqin pe ab bhi gubar baqi hai
hamen pukar lo jab chaho hum milenge waheen
mile hain khak mein lekin vaqar baqi hai

Poet of the Poem / Ghazal or Nazam : Azra Adil Rashid

Kamal-e-ishq hai divana ho gaya hun main
ye kis ke hath se daman chuda raha hun main

tumhin to ho jise kahati hai nakhuda duniya
bacha sako to bacha lo ki dubata hun main

ye mere ishq ke majaburiyan ma’az-ALLAH
tumhara raz tumhin se chupa raha hun main

is ik hijab pe sau be-hijabiyan sadaqe
jahan se chahata hun tumko dekhata hun main

batane wale waheen par batate hain manzil
hazar bar jahan se guzar chuka hun main
kabhi ye zom ki tu mujh se chup nahi sakata
kabhi ye vaham ki khud bhi chupa hua hun main

mujhe sune na koi mast-e-bada-e-isharat
‘majaz’ tute huye dil ke ik sada hun main

Poet of the Poem / Ghazal or Nazam : Majaz Lucknawi

Kaheen to karavan-e-dard ke manzil thahar jaye
kinare aa lage umr-e-ravan ya dil thahar jaye
aman kaisi ki mauj-e-khun abhi sar se nahi guzri
guzar jaye to shayad bazu-e-qatil thahar jaye
koi dam badaban-e-kashti-e-sahaba ko tah rakho
zara thaharo gubar-e-khatir-e-mahafil thahar jaye
hamari khamoshi bas dil se lab tak ek vaqfa hai
ye tufan hai jo pal bhar bas lab-e-sahil thahar jaye
nigah-e-muntazir kab tak karegi aainabandi
kaheen to dasht-e-gam mein yar ka mahamil thahar jaye

Poet of the Poem / Ghazal or Nazam : Faiz Ahmed Faiz

Kabhi jo nikhat-e-zulf-e-nigar aayi hai
faza-e-murda-e-dil mein bahar aayi hai
zarur teri gali se guzar hua hoga
ki aj bad-e-saba beqarar aayi hai
koi dimag tasavvur bhi jin ka kar na sake
ye jan-e-zar wo lamahen guzar aayi hai
khuda gavah ki un ke firaq mein “kausar”
jo sans aayi hai wo sogavar aayi hai

Poet of the Poem / Ghazal or Nazam : Kausar Niyazi

Dayar-e-gair mein koi jahan na apna ho
shadid karb ke ghadiyan guzar chukane par
kuch ittefaq ho aisa ki ek sham kaheen
kisi ek aisi jagah se ho yun hi mera guzar
jahan hujum-e-gurezan mein tum nazar aa jao
aur ek ek ko hairat se dekhata rahe

Poet of the Poem / Ghazal or Nazam : Akhtar ul Iman

Ishq mein lajavab hain hum log
mahatab aafatab hain hum log
garche ahal-e-sharab hain hum log
ye na samajho kharab hain hum log
sham se aa gaye jo pine par
subah tak aafatab hain hum log
naz karati hai khana-virani
aise khana-kharab hain hum log
tu hamara javab hai tanaha
aur tera javab hain hum log
khub hum janate hain qadr apni
kitne nakamayab hain hum log
har haqiqat se jo guzar jayen
wo sadaqat-m’ab hain hum log
jab mili aankh hosh kho baithe
kitne hazir-javab hain hum log

Poet of the Poem / Ghazal or Nazam : Jigar Moradabadi

Is ka gila nahi ki dua be-asar gai
ik aah ke thi wo bhi kaheen ja ke mar gai
ae ham-nafas na puch javani ka majara
mauj-e-nasim thi, idhar aai, udhar gai
dam-e-gam-e-hayat mein ulajha gai umid
hum ye samajh rahe the ki ehsaan kar gai
is zindagi se hum ko na duniya mili na din
taqadir ka mushahida karte guzar gai
bas itna hosh tha mujhe roz-e-vida-e-dost
virana tha nazar mein jahan tak nazar gai
har mauj aab-e-sindh hui vaqf-e-pech-o-tab
“mehroom” jab vatan mein hamari khabar gai

Poet of the Poem / Ghazal or Nazam : Tilok Chand Mehroom

Ilahi kash gam-e-ishq kam kar jaye
jo kal guzarani hai mujh pe abhi guzar jaye
tamam umr rahe hum to khair kanton mein
khuda kare tera daman gulon se bhar jaye
zamana ahal-e-khirad se to ho chuka mayus
ajab nahi koi divanakam kar jaye
hamara hashr jo kuch hua, hua lekin
dua ye hai ki teri aaqabat sanvar jaye
nigah-e-shauq wohi hai nigah-e-shauq “shamim”
jo ek bar rukh-e-yar par thahar jaye

Poet of the Poem / Ghazal or Nazam : Shamim Jaipuri