jab bhi us gul-badan ke yaad aayi
ho gai pur-bahar tanhai
chaunk uthe hadasat duniya ke
mere honton pe jab hansi aayi
jab kisi ne tumhara naam liya
jane q mujh ko apni yaad aayi
dekh ae shekh mere sagar mein
apni jannat ke jalva-faramai
hosh mein “shad” jab tujhe paya
tujh mein hum ne teri kami pai
Poet of the Poem / Ghazal or Nazam :Naresh Kumar ‘Shad’
jate jate wo mujhe achi nishani de gaya
umr bhar doharaunga aisi kahani de gaya
us se main kuch pa sakun aisi kahan umeed thi
gham bhi wo shayad bara-e-meharabani de gaya
sab havayen le gaya mere samandar ke koi
aur mujh ko ek karati badabani de gaya
khair main pyasa raha par us ne itna to kiya
meri palkon ke kataron ko wo pani de gaya
Poet of the Poem / Ghazal or Nazam :Javed Akhtar
husn ko be-hijab hona tha
shauq ko kamayab hona tha
hijr mein kaif-e-iztarab na puch
khun-e-dil bhi sharab hona tha
tere jalvon mein ghir gaya aakhir
zarre ko aafatab hona tha
kuch tumhari nigah kafir thi
kuch mujhe bhi kharab hona tha
raat taron ka tutana bhi ‘majaz’
bais-e-iztarab hona tha
Poet of the Poem / Ghazal or Nazam :Majaz Lucknawi
hui takhir to kuch bais-e-takhir bhi tha
aap aate the magar koi inangir na tha
tum se beja hai mujhe apni tabahi ka gila
us mein kuch shaib-e-khubi-e-taqadir bhi tha
tu mujhe bhool gaya ho to pata batala dun
kabhi fitarak mein tere koi nakhchir bhi tha
qaid mein hai tere vahashi ko wohi zulf ke yaad
han kuch ek ranj-e-garanbari-e-zanjir bhi tha
bijli kaund gai aankhon ke aage, to kya
baat karate, ke main lab tashna-e-taqarir bhi tha
yusuf us ko kahun aur kuch na kahe, khair hui
gar bigag baithe to main layaq-e-ta’zir bhi tha
dekh kar gair ko q ho na kaleja thanda
nala karta tha wale talib-e-tasir bhi tha
peshe mein aib nahin, rakhiye na farhad ko naam
hum hi aashufta-saron mein wo jawan ‘meer’ bhi tha
hum the marane ko khade pas na aaya na sahi
aakhir us shaukh ke tarakash mein koi tir bhi tha
pakade jate hain farishton ke likhe par nahak
aadmi koi hamara dam-e-taharir bhi tha
rekhta ke tumhin ustad nahi ho “ghalib”
kahate hain agale zamane mein koi ‘mir’ bhi tha
Poet of the Poem / Ghazal or Nazam : Mirza Ghalib
hoti hai agarche kahane se yaron parai baat
par hum se to thami na kabhu muh pe aai baat
kahate the us se milate to kya-kya na kahate lek
wo aa gaya to samane us ke na aai baat
bul-bul ke bolane mein sab andaz hain mere
poshida kya rahi hai kisu ke udai baat
ik din kaha tha ye ke khamoshi mein hai vaqar
so mujh se hi sukhan nahi main jo batai baat
ab mujh zaif-o-zar ko mat kuch kaha karo
jati nahi hai mujh se kisu ke uthai baat
Poet of the Poem / Ghazal or Nazam : Meer Taqi Meer
hazar gham the meri zindagi akeli thi
khushi jahan ke mere vaste paheli thi
wo aj bach ke nikalate hain mere saye se
ki main ne jin ke liye gham ke dhup jheli thi
juda hui na kabhi mujh se gardish-e-dauran
meri hayat ke bachpan se ye saheli thi
chadha rahe hain wo hi aj aastin mujh par
ki jin ke pith pe kal tak meri hatheli thi
ab un ke qabr pe jalta nahi diya koi
ki jin ke dahar mein roshan bahut haveli thi
wo jhuk ke phir meri turbat pe kar rahe hain salam
isi ada ne to “mahir” ke jan le li thi
Poet of the Poem / Ghazal or Nazam :Mahir Ratlami
hamare daramiyan aisa koi rishta nahi tha
tere shanon pe koi chat nahi thi
mere zimme koi aangan nahi tha
koi wada teri zanjir-e-pa banane nahi paya
kisi iqarar ne meri kalai ko nahi thama
hava-e-dasht ke manind
tu aazad tha
raste teri marzi ke tabe the
mujhe bhi apni tanhai pe
dekha jaye to
pura tasarruf tha
magar jab aj tu ne
rasta badala
to kuch aisa laga mujh ko
ke jaise tu ne mujh se bevafai ke
Poet of the Poem / Ghazal or Nazam :Parveen Shakir