Kabhi Aa Shab e Tanhai Ki Mehfil Mein Jaan e Nida
Deikh Zaalim Tera Binna Kitnaa Adhoora Hoon..!!!

Sakhtiyan karta hun dil par gair se gafil hun main
hay kya achi kahi zalim hun main jahil hun main
** gafil also means negligent/careless as used in the next sher**
hai meri zillat hi kuch meri sharafat ke dalil
jis ke gafalat ko malak rote hain wo gafil hun main
bazm-e-hasti apni aaraish pe tu nazan na ho
tu to ik tasvir hai mahafil ke aur mahafil hun main
dhundhata phirta hun ae “iqbal” apne aap ko
aap hi goya musafir aap hi manzil hun main

Poet of the Poem / Ghazal or Nazam : Sir Mohammed Iqbal

Zalim tha wo aur zulm ke aadat bhi bahut thi
majabur the hum us se muhabbat bhi bahut thi
us but ke sitam sah ke dikha hi diya hum ne
go apni tabiyat mein bagavat bhi bahut thi
vaqif hi na tha ramz-e-muhabbat se wo warna
dil ke liye thodi si inayat bhi bahut thi
yun hi nahi mashur-e-zamana mera qatil
us shakhs ko is fan mein maharat bhi bahut thi
kya daur-e-gazal tha ke lahu dil mein bahut tha
aur dil ko lahu karne ke fursat bhi bahut thi
har sham sunate the hasinon ko gazal hum
jab mal bahut tha to sakhavat bhi bahut thi
bulava ke hum ‘ajiz’ ko pasheman bhi bahut hain
kya kijiye kambakht ke shoharat bhi bahut thi

Poet of the Poem / Ghazal or Nazam : Kaleem Ajiz

Phir is duniya se ummid-e-vafa hai
tujhe ae zindagi kya ho gaya hai
badi zalim nihayat bevafa hai
ye duniya phir bhi kitni khush-numa hai
har ik apne hi gham mein mubtila hai
kisi ke dard se kon aashna hai
mere naqqad meri shayari to
mere tute huye dil ke sada hai
kahan hun “shad” main to shad sa hun
wo shad-e-khush-nava to mar chuka hai

Poet of the Poem / Ghazal or Nazam : Naresh Kumar Shad

Tadap uthun bhi to zalim teri duhai na dun
main zakhm zakhm hun phir bhi tujhe dikhai na dun
tere badan mein dhadakane laga hun dil ke tarah
ye aur baat ke ab bhi tujhe sunai na dun
khud apne aap ko parakha to ye nadamat hai
ke ab kabhi use ilzam-e-bevafai na dun

mujhe bhi dhundh kabhi mahv-e-ainadari
main tera aqs hun lekin tujhe dikhai na dun

Poet of the Poem /  Ghazal or Nazam: Ahmed Faraz

Khoon mein lat-pat ho gaye saye bhi ashjar ke
kitne gehare var the khushbu ke talvar ke
ik lambi chup ke siva basti mein kya reh gaya
kab se hum par band hain daravaze izhar ke
aao uttho kuch karen sahara ke janib chalen
baithe baithe thak gaye saye mein dildar ke
raste sune ho gaye divane ghar ko gaye
zalim lambi raat ke tariki se har ke
bilkul banjar ho gai dharati dil ke dasht ke
rukhsat kab ke ho gaye mausam sare pyar ke

Poet of the Poem / Ghazal or Nazam : Shahryar

Kah rahi hai hashr mein wo aankh sharmai hui
haye kaise is bhari mahafil mein ruswai hui
aaine mein har ada ko dekh kar kahate hain wo
aj dekha chahiye kis kis ke hai aayi hui
kah to ae gulchin asiran-e-qafas ke vaste
tod lun do char kaliyan main bhi murjhai hui
main to raz-e-dil chupaun par chipa rahane bhi de
jan ke dushman ye zalim aankh lalchai hui
gamza-o-naz-o-ada sab mein hai haya ka lagao
haye re bachpan ke shokhi bhi hai sharmai hui
vasl mein khali hui raqibon se mahafil to kya
sharm bhi jaye to janun ke tanhai hui
gard udi aashiq ke turbat se to jhunjhala ke kaha
vah sar chadhane lagi panv ke thukarai hui

Poet of the Poem / Ghazal or Nazam : Ameer Minai

mar hi dal mujhe chasm-e-ada se pahale
apni manzil ko pahunch jaun qaza se pahale
ik nazar dekh lun aa jao qaza se pahale
tum se milane ke tamanna hai khuda se pahale
hashr ke roz main puchunga khuda se pahale
tu ne roka nahi q mujhko khata se pahale
ae meri maut thahar unko zara aane de
zeher ka jam na de mujhko dawa se pahale
hath pahunche bhi na the zulf dota tak “momin”
hathakadi dal di zalim ne khata se pahale

Poet of the Poem / Ghazal or Nazam :Momin Khan Momin

Is soch mein baitha hun kya gham use pahuncha hai
bikhari hui zulfen hain utara hua chehara hai
jis phul ko titali ne chuma meri janib se
zalim ne us kali ko masala nahi raunda hai
halan ki pukara tha tum hi ne mujhe lekin
mahasus hua jaise koyal ne pukara hai
mud kar bhi nahi dekha jhonkon ke tarah us ne
wo mere barabar se hansata hua guzra hai

Poet of the Poem / Ghazal or Nazam : Poet Unknown

Dur hai manzil rahen mushkil aalam hai tanahai ka
aj mujhe ehasas hua hai apni shikastapai ka
dekh ke mujh ko duniya wale kahane lage hain divana
aj vahan hai ishq jahan kuch khauf nahi rusavai ka
chod den rasm-e-khudnigari ko tod den apana iman
khatm kiye deta hai zalim rup teri angadai ka
note: peenaz masani sinsg this as:
chod de rasm-e-khudnigari ko chod de apana hath yahan
khak kiye deta hai zalim rup teri angadai ka
main ne ziya husn ko bakhshi us ka to koi zikr nahi
lekin ghar ghar mein charcha hai aj teri ranai ka
ahal-e-havas ab ghabarate hain dub ke behar-e-gam mein “shakeel”
pahale na tha becharon ko andaza geharai ka

Poet of the Poem / Ghazal or Nazam : Shakeel Badayuni

hijr ke shab hai aur ujala hai
kya tasavvur bhi lutane vala hai
gham to hai ain zindagi lekin
gamgusaron ne mar dala hai
ishq majabur-o-namurad sahi
phir bhi zalim ka bolbala hai
dekh kar barq ke pareshani
aashiyan khud hi phunk dala hai
kitne ashkon ko kitni aahon ko
ik tabassum mein us ne dhala hai
teri baton ko main ne ae waiz
ahatarama hansi mein tala hai
maut aaye to din phire shayad
zindagi ne to mar dala hai
sher nazmen shaguftagi masti
gham ka jo rup hai nirala hai
lagzishen muskurai hain kya kya
hosh ne jab mujhe sambhala hai
dam andhere mein ghut raha hai khumar
aur charon taraf ujala hai

 
Poet of the Poem / Ghazal or Nazam : Qateel Shifai

hazaron khvahishen aisi ki har khvaish pe dam nikle
bahut nikle mere arman lekin phir bhi kam nikle
dare q mera qatil kya rahega usaki gardan par
wo khoon jo chashm-e-tar se umr bhar yun dam-ba-dam nikle
nikalana khuld se aadam ka sunate aaye hain lekin
bahut be-abaru hokar tere kuche se hum nikle
bharam khul jaye zalim tere qamat ke darazi ka
agar is turra-e-purapech-o-kham ka pech-o-kham nikle
magar likhavaye koi usako khat to hum se likhavaye
hui subah aur ghar se kan par rakkhar qalam nikle
hui is daur mein mansub mujhase bada-ashami
phir aaya wo zamana jo jahan se jam-e-jam nikle
hui jinase tavaqqo khastagi ke dad pane ke
wo hum se bhi ziyada khasta-e-teg-e-sitam nikle
muhabbat mein nahi hai farq jine aur marane ka
usi ko dekh kar jite hain jis kafir pe dam nikle
zara kar jor sine par ki tir-e-pursitam nikle
jo wo nikle to dil nikle jo dil nikle to dam nikle
khuda ke vaste parda na kabe se utha zalim
kaheen aisa na ho yan bhi wohi kafir sanam nikle
kahan maikhane ka daravaza ‘ghalib’ aur kahan waiz
par itna janate hain kal wo jata tha ke hum nikle

 
Poet of the Poem / Ghazal or Nazam : Mirza Ghalib

Dost ban kar bhi nahi sath nibhanevala
wohi andaz hai zalim ka zamanevala
ab ise log samajhate hain giraftar mera
sakht nadim hai mujhe dam mein lanevala
kya kahen kitne marasim the hamare is se
wo jo ik shakhs hai muh pher ke janevala
tere hote hue aa jati thi sari duniya
aj tanha hun to koi nahi aanevala
muntazir kis ka hun tuti hui dahaliz pe main
kon aayega yahan kon hai aanevala
main ne dekha hai baharon mein chaman ko jalate
hai koi khwab ke tabir batanevala
kya khabar thi jo meri jan mein ghula hai itna
hai wohi mujh ko sar-e-dar bhi lane vala
tum taqalluf ko bhi ikhalas samajhate ho ‘faraz’
dost hota nahi har hath milanevala

Poet of the Poem / Ghazal or Nazam : Ahmed Faraz

har ek jalva-e-rangin meri nigah mein hai
gam-e-firaq ke duniya dil-e-tabah mein hai
kisi ke yad-e-karam uf are ma’azALLAH
tabah hoke bhi zalim dil-e-tabah mein hai
hazar pardon mein o chupanevale ye sun le
tera jamal mere daman-e-nigah mein hai
jahan mein mujhe bhi nakam-e-arazu kam hai
na rang aah mein hai aur na soz aah mein hai

Poet of the Poem / Ghazal or Nazam : Akhtar Shirani

hans ke faramate hain wo dekh kar halat meri
kyon tum aasan samajhate the muhabbat meri
bad marane ke bhi chodi na rafaqat meri
meri turbat se lagi baithi hai hasrat meri
main ne aagosh-e-tasavvur mein bhi khencha to kaha
pis gai pis gai bedard nazakat meri
aaina subah-e-shab-e-vasl jo dekha to kaha
dekh zalim ye thi sham ko surat meri
yar pehlu mein hai tanhai hai kah do nikle
aj kyon dil mein chupi baithi hai hasrat meri
husn aur ishq hamagosh nazar aa jate
teri tasvir mein khainch jati jo hairat meri
kis dhitai se wo dil chin ke kahate hain ‘ameer’
wo mera ghar hai rahe jis mein muhabbat meri
 
Poet of the Poem / Ghazal or Nazam :Ameer Minai

Ameer Minai