Abr-e-bahar ne – Parveen Shakir
abr-e-bahar ne
phul ka chehara
apne banafshi hath mein lekar
aise chuma
phul ke sare dukh
khushbu ban kar bah nikle hain
Poet of the Poem / Ghazal or Nazam :Parveen Shakir
raat messages
raton mein gar na ashk bahaun to kya karun- Murad Lucknawi
raton mein gar na ashk bahaun to kya karun
ik pal bhi us ko bhool na paun to kya karun
main ne suna hai un ko andhere nahi pasand
rahon mein ab main dil na jalaun to kya karun
tumhin kaho ki chod de jab zindagi bhi sath
phir maut ko gale na lagaun to kya karun
socha to tha ki chod dun us ke gali ‘murad’
lekin kaheen qarar na paun to kya karun
Poet of The Poem / Ghazal or Nazam : Murad Lucknawi
raat behad chup hai aur us ka andhera surmagin-Munir Niazi
raat behad chup hai
aur us ka andhera surmagin
sham padate hi damakate the jo rangon ke nagin
dur tak bhi ab kaheen
us ka nishan milta nahi
ab to badhata aayega
ghanghor badal chah ka
us mein bahati aayegi
ek madbhari mithi sada
dil ke sune shahar mein gunjega nagma chah ka
raat ke parde mein chup kar khoon rulati chahato
is qadar kyon dur ho
mujh se zara ye to kaho
mere pas aakar kabhi meri kahani bhi suno
siskiyan leti havayen kah rahihain – ‘chup raho’
Poet of The Poem / Ghazal or Nazam :Munir Niazi
raat sunsan dasht-o-dar khamosh – Himayat Ali Shair
raat sunsan dasht-o-dar khamosh
chand sitare shajar hajar khamosh
koi aavaz-e-pa na bang-e-jaras
karavan aur is qadar khamosh
har taraf ek muhib sannata
dil dhadakata to hai magar khamosh
huye jate hain kis liye aakhir
hamsafar baat baat par khamosh
hain ye aadab-e-rahguzar ke kahuf
rahrau chup hain rahabar khamosh
mukhtasar ho na ho shab-e-tarik
hum ko jalana hai raat bhar khamosh
jane kya baat kar rahe the ki hum
ho gaye ek naam par khamosh
Poet of The Poem / Ghazal or Nazam :Himayat Ali Shair
raat ke khwab sunayen kis ko raat ke khwab suhane the -Ibne Insha
raat ke khwab sunayen kis ko raat ke khwab suhane the
dhundhale dhundhale chehare the par sab jane pahachane the
ziddi vahashi alhad chanchal mithe log raseele log
honth un ke ghazlon ke misre aankhon mein afsane the
ye ladaki to in galiyon mein roz hi ghuma karati thi
is se un ko milana tha to is ke lakh bahane the
hum ko sari raat jagaya jalate bujhate taron ne
hum q un ke dar pe utre kitne aur thikane the
vahshat ke unvan hamari in mein se jo nar bani
dekhenge to log kahenge ‘insha’ jee diivane the
Poet of The Poem / Ghazal or Nazam :Ibne Insha
raat bhi neend bhi kahani bhi – Firaq Gorakhpuri
raat bhi neend bhi kahani bhi
haye kya cheez hai javani bhi
ek paigam-e-zindagani bhi
aashiqi marg-e-nagahani bhi
is ada ka teri javab nahi
meharabani bhi saragarani bhi
dil ko apne bhi gham the duniya mein
kuch balayen thi aasmani bhi
mansab-e-dil khushi lutata hai
gam-e-pinhan bhi pasabani bhi
dil ko sholon se karati hai sairab
zindagi aag bhi hai pani bhi
shad-kamon ko ye nahi taufiq
dil-e-gamagin ke shadamani bhi
lakh husn-e-yaqin se bad kar hai
in nigahon ke badagumani bhi
tangana-e-dil-e-malal mein hai
behr-e-hasti ke bekarani bhi
ishq-e-nakam ke hai parachai
shadamani bhi kamarani bhi
dekh dil ke nigar-khane mein
zakhm-e-pinhan ke hai nishani bhi
khalq kya-kya mujhe nahi kahati
kuch sunun main teri zabani bhi
aaye tarikh-e-ishq mein sau bar
maut ke daur-daramiyani bhi
apni masumiyon ke parde mein
ho gai wo nazar sayani bhi
din ko suraj-mukhi hai wo naugul
raat ko wo hai rat-rani bhi
dil-e-badanam tere bare mein
log kahate hain ik kahani bhi
nazm karte koi nai duniya
ki ye duniya hui purani bhi
dil ko aadab-e-bandagi bhi na aaye
kar gaye log hukmarani bhi
jaur-e-kam-kam ka shukriya bas hai
aap ke itni meharabani bhi
dil mein ik huk bhi uthe ae dost
yaad aayi teri javani bhi
sar se pa tak sapurdagi ke ada
ek andaz-e-turkamani bhi
pas rahana kisi ka raat ke raat
mehamani bhi mezabani bhi
jo na aks-e-jabin-e-naz ki hai
dil mein ik nur-e-kahakashani bhi
zindagi ain did-e-yar “firaq”
zindagi hijr ke kahani bhi
Poet of The / Ghazal or Nazam :Firaq Gorakhpuri
phir chali hai rel isteshan se laharati hui – Majaz Lucknawi
phir chali hai rel isteshan se laharati hui
nim-shab ke khamoshi mein zer-e-lab gati hui
dag-magati, jhumati, siti bajati, khelati
vadi-o-kohasar ke thandi hawa khati hui
tez jhonkon mein wo cham cham ka sarod-e-dil-nashin
aandhiyon mein meh barasane ke sada aati hui
jaise maujon ka tarannum jaise jal-pariyon ke geet
ik-ik lay mein hazaron zam-zamen gati hui
naunihalon ko sunati mithi mithi loriyan
naz-ninon ko sunahare khwab dikhalati hui
thokaren khakar, lachakati, gunagunati, jhumati
sar-khushi mein ghungharuon ke tal par gati hui
naz se har mod par khati hui sau pech-o-kham
ik dulhan apni ada se aap sharmati hui
Poet of The / Ghazal or Nazam :Majaz Lucknawi
raat aayi hai balaon se rihai degi -Anwar Masood
raat aayi hai balaon se rihai degi
ab na divar na zanjir dikhai degi
waqt guzra hai pa mausam nahi badala yaro
aisi gardish hai zamin khud bhi duhai degi
ye dhundalaka sa jo hai us ko ganimat jano
dekhana phir koi surat na sujhai degi
dil jo tutega to ik turfa tamasha hoga
kitne aainon mein ye shaql dikhai degi
sath ke ghar mein bada shor barpa hai ‘anwar’
koi aayega to dastak na sunai degi
Poet of The / Ghazal or Nazam : Anwar Masood
Ishq ke shole ko bhadakao ke kuch raat kate – Makhdoom Mohiuddin
Ishq ke shole ko bhadakao ke kuch raat kate
dil ke angar ko dahakao ke kuch raat kate
hijr mein milane shab-e-mah ke gham aaye hain
charasazon ko bhi bulavao ke kuch raat kate
chashm-o-rukhsar ke azagar ko jari rakho
pyar ke nagme ko doharao ke kuch raat kate
koh-e-gam aur garan aur garan aur garan
gamza-o-tesh ko chamakao ke kuch raat kate
Poet of the Poem / Ghazal or Nazam : Makhdoom Mohiuddin
Akhlaq na bartenge mudara na karenge – Jaun Eliya
akhlaq na bartenge mudara na karenge
ab hm kisi shakhs ki paravah na karenge
kuch log kai lafz galat bol rahe hain
isalah magar hum bhi ab isalah na karenge
kamgoi ki ek vasf-e-himaqat hai bahar to
kamgoi ko apanayenge chahaka na karenge
ab sahal pasandi ko banayenge vatira
ta der kisi bab mein socha na karenge
gussa bhi hai tahazib-e-ta’lluq ka talabagar
hum chup hain bahare baithe hain gussa na karenge
kal raat bahut gur kiya hai so hum ae “jaun”
tay kar ki uthe hain ki tamanna na karenge
Poet of the Poem / Ghazal or Nazam : Jaun Eliya