Ho Gyi Rukhsaat Ghaata – Ahmed Faraz

Ho Gyi Rukhsat Ghaata Barish Ky Baad
1 Diya Jalta Raha Barish Ky Baad

Mery Behty Hue Aansoon Ko Dikh Kr
Ro Paari Thandi Hwwa Barish Ky Baad

Meri Tanhyi Ka Damaan Thaam Kr
Kuch Udasi Ny Kaha Barish Ky Baad

Yaad Teri Odh Kr Mein So Gyi
Khawab K Daar Khul Giya Baarish Ky Baad

Chand Dekh Kar Badlon Ki Qaid Mein
1 Sitara Ro Diya Barish Ky Baad

Apny Ghar Ki Hr Kachi Diwaar Pr
Naam Tera Likh Diya Barish Ky Baad….!!!

Ye kya ke sab se bayan dil ke halaten karani
‘faraz’ tujh ko na aain muhabbaten karani
ye qurb kya hai ke tu samane hai aur hamen
shumar abhi se judai ke sa’aten karani
koi khuda ho ke pathar jise bhi hum chahen
tamam umr usi ke ibadaten karani
sab apne apanee qarine se muntazir us ke
kisi ko shukr kisi ko shikayaten karani
hum apne dil se hain majabur aur logon ko
zara si baat pe barpa qayamaten karani
milen jab un se to mubaham si guftagu karana
phir apne aap se sau-sau vazahaten karani
ye log kaise magar dushmani nibhaten hain
hamin ko ras na aain muhabbaten karani
kabhi ‘faraz’ naye mausamon mein ro dena
kabhi talash purani raqabaten karani

Poet of the Poem / Ghazal or Nazam : Ahmed Faraz

Ye meri gazalen ye meri nazmen tamam teri hikayaten hain
ye tazkiren teri lutf ke hain ye sher teri shikayaten hain
main sab teri nazr kar raha hun ye un zamanon ke s’aten hain
jo zindagi ke naye safar mein tujhe kisi roz yaad aayen
to ek ek harf jee uthega pahan ke anfas ke qabayen
udas tanahaiyon ke lamhon mein nach uthengi ye apasarayen

mujhe teri dard ke alava bhi aur dukh the, ye janata hun
hazar gham the jo zindagi ke talash mein the, ye janata hun
mujhe khabar hai ki teri aanchal mein dard ke ret chanata hun
magar har ek bar tujh ko chu kar ye ret rang-e-hina bani hai
ye zakhm gulzar ban gaye hain ye aahen-sozan ghata bani hai
ye dard mauj-e-saba hua hai ye aag dil ke sada bani hai
aur ab ye sari mata-e-hasti ye phul ye zakhm sab tere hain
ye dukh ke nauhe ye sukh ke naghmay jo kal mere the wo ab tere hain
jo teri qurbat teri judai mein kat gaye roz-o-shab tere hain
wo tera shayar tera muganni wo jis ke baten ajeeb si thi
wo jis ke andaz khusro-vana the aur adayen garib si thin
wo jis ke jine ke khvahishen bhi khud us ke apne nasib si thin

na puch us ka ki wo divana bahut dinon ka ujad chuka hai
wo kohakan to nahi tha lekin kadi chattanon se lad chuka hai
wo thak chuka hai aur us ka tesha usi ke sine mein gad chuka hai

Poet of the Poem / Ghazal or Nazam : Ahmed Faraz

Tu pas bhi ho to dil beqarar apna hai
ke hum ko tera nahi intazar apna hai
mile koi bhi tera zikr ched dete hain
ke jaise sara jahan razdar apna hai
wo dur ho to baja tark-e-dosti ka khayal
wo samane ho to kab ikhtiyar apna hai
zamane bhar ke dukhon ko laga liya dil se
is aasre pe ke ik gamgusar apna hai
‘faraz’ rahat-e-jan bhi wohi hai kya kije
wo jis ke hath se sinafigar apna hai

Poet of the Poem / Ghazal or Nazam : Ahmed Faraz

Ye tabiyat hai to khud aazar ban jayenge hum
charagar royenge aur gamkhvar ban jayenge hum
hum sar-e-chak-e-vafa hain aur tera dast-e-hunar
jo bana dega hamen ae yar ban jayenge hum
kya khabar thi ae nigar-e-sher tere ishq mein
dilbaran-e-shahar ke dildar ban jayenge hum
sakht jan hain par hamari ustavari par na ja
aise tutenge tera iqarar ban jayenge hum
aur kuch din baithane do ku-e-janan mein hamen
rafta rafta saya-e-divar ban jayenge hum
is qadar aasan na hogi har kisi se dosti
aashnai mein tera mayar ban jayenge hum
mir-o-galib kya ke ban paye nahi faiz-o-firaq
zam ye tha rumi-o-atar ban jayenge hum
dekhane mein shakh-e-gul lagate hain lekin dekhana
dast-e-gulchin ke liye talvar ban jayenge hum
hum chiragon ko to tariki se ladana hai ‘faraz’
gul hue par subah ke aasar ban jayenge hum

Poet of the Poem / Ghazal or Nazam : Ahmed Faraz

vahashat-e-dil sila-e-abalapai le le
mujh se ya rab mere lafzon ke kamai le le
aql har bar dikhati thi jale hath apne
dil ne har bar kaha aag parai le le
main to us subah-e-darakhshan ko tavangar janun
jo mere shahar se kashkol-e-gadai le le
tu gani hai magar itni hain sharayat meri
ye mohabbat jo hamen ras na aayi le le
apne divan ko galiyon me liye phirta hun
hai koi jo hunar-e-zakhmnumai le le

Poet of the Poem / Ghazal or Nazam :Ahmed Faraz

vafa ke khwab muhabbat ka aasara le ja
agar chala hai to jo kuch mujhe diya le ja
maqam-e-sud-o-ziyan aa gaya hai phir janan
ye zakhm mere sahi tir to utha le ja
yahi hai qismat-e-sahara yahi karam tera
ki bund bund ata kar ghata ghata le ja
gurur-e-dost se itna bhi dilshikasta na ho
phir uth ke samane daman-e-iltaja le ja
nadamaten hon to sar bar-e-dosh hota hai
‘faraz’ jan ke evaz aabaru bacha le ja

Poet of the Poem / Ghazal or Nazam :Ahmed Faraz

wafa ke bhes mein koi raqib-e-shahar bhi hai
hazar! ke shahar ke qatil tabib-e-shahar bhi hai
wohi sipah-e-sitam khemazan hai charon taraf
jo mere bakht mein tha ab nasib-e-shahar bhi hai
udhar ke aag idhar bhi pahunch na jaye kaheen
hawa bhi tez hai jangal qarib-e-shahar bhi hai
ab us ke hijr mein rote hain us ke ghayal bhi
khabar na thi ke wo zalim habib-e-shahar bhi hai
ye raz nara-e-mansur hi se hum pe khula
ke chub-e-mimbar-e-masjid salib-e-shahar bhi hai
kadi hai jang ke ab ke muqabile pe ‘faraz’
amir-e-shahar bhi hai aur khatib-e-shahar bhi hai

Poet of the Poem / Ghazal or Nazam :Ahmed Faraz

Tum bhi khafa ho log bhi beraham hain dosto
ab ho chala yaqin ke bure hum hain dosto
kis ko hamare hal se nisbat hai kya karen
aankhen to dushmanon ke bhi purnam hain dosto
apne siva hamare na hone ka gham kise
apni talash mein to hum hi hum hain dosto
kuch aj sham hi se hai dil bhi bujha bujha
kuch shahar ke chirag bhi maddham hain dosto
is shahar-e-arazu se bhi bahar nikal chalo
ab dil ke raunaqen bhi koi dam hain dosto
sab kuch sahi ‘faraz’ par itna zarur hai
duniya mein aise log bahut kam hain dosto

Poet of the Poem / Ghazal or Nazam : Ahmed Faraz

Shola tha jal-bujha hun havayen mujhe na do
main kab ka ja chuka hun sadayen mujhe na do
jo zeher pi chuka hun tumhin ne mujhe diya
ab tum to zindagi ke duayen mujhe na do
aisa kaheen na ho ke palatakar na aa sakun
har bar dur ja ke sadayen mujhe na do
kab mujh ko aiteraf-e-muhabbat na tha ‘faraz’
kab main ne ye kaha tha sazayen mujhe na do

Poet of the Poem / Ghazal or Nazam : Ahmed Faraz

Teri baten hi sunane aaye
dost bhi dil hi dukhane aaye
phul khilate hain to hum sochate hain
tere aane ke zamane aaye
aisi kuch chup si lagi hai jaise
hum tujhe hal sunane aaye
ishq tanha hai sar-e-manzil-e-gam
kon ye bojh uthane aaye
ajanabi dost hamen dekh ke hum
kuch tujhe yaad dilane aaye
dil dhadakata hai safar ke hangam
kash phir koi bulane aaye
ab to rone se bhi dil dukhata hai
shayad ab hosh thikane aaye
kya kaheen phir koi basti ujadi
log q jashn manane aaye
so raho maut ke pehlu mein ‘faraz’
neend kis waqt na jane aaye

Poet of the Poem / Ghazal or Nazam : Ahmed Faraz

Tere hote hue mahafil mein jalate hain chirag
log kya sada hain suraj ko dikhate hain chirag
apni maharumiyon pe sharminda hain
khud nahi rakhte to auron ke bujhate hain chirag
bastiyan chand sitaron pe basane wale
kurra-e-arz bujhate jate hain chirag
kya khabar hai un ko ke daman bhi bhadak uthate hain
jo zamane ke hawaon se bachate hain chirag
aisi tarikiyan aankhon mein basi hain ‘faraz’
raat to raat hum din ko jalate hain chirag

Poet of the Poem / Ghazal or Nazam : Ahmed Faraz

us ko aana hai aur be-naqab aayega
jab tamanna pe mere shabab aayega
zulmaton ke pujari kahan jayenge
jab chamakata hua aafatab aayega
aj kal mujhase wo baat karta nahi
aur ab kya zamana kharab aayega
rand layega jab khoon mazalum ka
wo zamana bhi jaldi janab aayega
malik-e-maikada rind ho jayenge
maikade mein naya inqalab aayega
sath us ke siva koi dega nahi
jab “saba” ka zamana kharab aayega

 poet of the poem / ghazal or nazam : Ahmed faraz

Zakhm ko phul to sar sar ko saba kahate hain
jane kya daur hai kya log hain kya kahate hain
kya qayamat hai ke jin ke liye ruk ruk ke chale
ab wohi log hamen aabalapa kahate hain
koi batalao ke ik umr ka bichada mahbub
ittefaqan kaheen mil jaye to kya kahate hain
ye bhi andaz-e-sukhan hai ke jafa ko teri
gamza-o-ishva-o-andaz-o-ada kahate hain
jab talak dur hai tu teri parastish kar lain
hum jise chu na saken us ko khuda kahate hain
kya ta’ajjub hai ke hum ahl-e-tamanna ko ‘faraz’
wo jo maharum-e-tamanna hain bura kahate hain

Poet of the Poem / Ghazal or Nazam : Ahmed Faraz

us ko juda hue bhi zamana bahut hua
ab kya kahen ye qissa purana bahut hua
dhalati na thi kisi bhi jatan se shab-e-firaq
ae marg-e-nagahan tera aana bahut hua
hum khuld se nikal to gaye hain par ae khuda
itane se vaqaye ka fasana bahut hua
ab hum hain aur sare zamane ke dushmani
us se zara rabt badhana bahut hua
ab kyon na zindagi pe muhabbat ko var den
is aashiqi mein jan se jana bahut hua
ab tak to dil ka dil se tarruf na ho saka
mana ki us se milana milana bahut hua
kya kya na hum kharab hue hain magar ye dil
ae yad-e-yar tera thikana bahut hua
kehta tha nasehon se mere muh na aaio
phir kya tha ek hu ka bahana bahut hua
lo phir tere labon pe usi bevafa ka zikr
ahmad ‘faraz’ tujh se kaha na bahut hua

Poet of the Poem / Ghazal or Nazam : Ahmed Faraz