Valentines day sms ,April fool sms 2014, Easter sms Wishes, Love quotes sayings, Romantic sms messages poetry & Sad text messages in Urdu and Hindi

Akhtar Shirani Poetry messages

Akhtar Shirani Poetry in Urdu for your friends. Akhtar Shirani Poetry poetry , ghazal , poem and sher o shayari in Hindi. Best 1 line , 2 line and 4 line Akhtar Shirani Poetry shayari Collection Online. All latest Akhtar Shirani Poetry & Urdu Shayari, Hindi Shayari 2015, Urdu Poetry, SMS, Sad Shayari, Romantic Poetry sms, Ghazals & Shair o Shayari SMS on Paperpk.com/Shayari

Wo kahate hain ranjish ke baten bhula den – Akhtar Shirani

Posted in shamaen,sitaron by Anila

Wo kahate hain ranjish ke baten bhula den
muhabbat karen khush rahen muskura den
javani ho gar javidani to ya rab
teri sada duniya ko jannat bana den
shab-e-vasl ke bekhudi cha rahi hai
kaho to sitaron ke shamaen bujha den
tum afsana-e-qais kya puchate ho
idhar aao hum tum ko laila bana den
baharen simat aayen khil jayen kaliyan
jo hum tum chaman mein kabhi muskura den
wo aayenge aj ae bahar-e-muhabbat
sitaron ke bistar mein kaliyan bicha den

Poet of the Poem / Ghazal or Nazam : Akhtar Shirani

Meri sham-e-gam ko wo bahala rahe hain – Akhtar Shirani

Posted in dard,Zamana by Anila

meri sham-e-gam ko wo bahala rahe hain
likha hai ye khat mein ki hum aa rahe hain
thahar ja zara aur dard-e-furqat
hamare tasavvur mein wo aa rahe hain

gam-e-aqabat hai na fikr-e-zamana
piye ja rahe hain jiye ja rahe hain

nahi shikava-e-tashnagi mayakashon ko
wo aankhon se maikhane barasa rahe hain
wo rashk-e-bahar aanevala hai “akhtar”
kanval hasaraton ke khile ja rahe hain

Poet of the Poem / Ghazal or Nazam : Akhtar Shirani

Mastana piye ja yun hi mastana piye ja – Akhtar Shirani

Posted in Dil Shayari,Divana by Anila

mastana piye ja yun hi mastana piye ja
paimana to kya cheez hai maikhana piye ja
kar garq may-o-jam gam-e-gardish-e-ayyam
ab ae dil-e-nakam tu maikhana piye ja

may-noshi ke aadab se aagah nahi tu
jis tarah kahe saqi-e-maikhana piye ja

is basti mein hai vahashat-e-masti hi se hasti
divana ban aur bada-e-divana piye ja
maikhane ke hangamen hain kuch der ke mehaman
hai subah qarib “akhtar” divana piye ja

Poet of the Poem / Ghazal or Nazam :Akhtar Shirani

Main aarazu-e-jan likhun ya jan-e-arazu – Akhtar Shirani

Posted in Aankhein Shayari on Eyes,Dil Shayari by Anila

main aarazu-e-jan likhun ya jan-e-arazu
tu hi batade naz se iman-e-arazu
iman-o-jan nisar teri ik nigah par
tu jan-e-arazu hai tu iman-e-arazu
ik wo ke aarazuon pe jite hain umr bhar
ik hum ke hain abhi se pasheman-e-arazu
aankhon se ju-e-khun hai ravan dil hai daag daag
dekhe koi bahar-e-gulistan-e-arazu

Poet of the Poem / Ghazal or Nazam :Akhtar Shirani

Kam aa sakin na apni vafayen to kya karen – Akhtar Shirani

Posted in Bewafa,Dil Shayari by Anila

Kam aa sakin na apni vafayen to kya karen
ik bevafa ko bhool na jayen to kya karen
mujh ko ye etaraf duaon mein hai asar
jaye na arsh par jo duayen to kya karen

ik din ke baat ho to use bhool jayen hum
nazil hon roz dil pe balayen to kya karen

shab bhar to un ke yaad mein tare gina kiye
tare-se din ko bhi nazar aayen to kya karen

ahad-e-tarab ke yaad mein roya kiye bahut
ab muskura ke bhool na jayen to kya karen

ab jee mein hai ki un ko bhula kar hi dekh lain
wo bar bar yaad jo aayen to kya karen
tark-e-vafa bhi jurm-e-muhabbat sahi “akhtar”
milane lagen wafa ke sazayen to kya karen

Poet of the Poem / Ghazal or Nazam : Akhtar Shirani

Jo bhi bura bhala hai ALLAH janata hai – Akhtar Shirani

Posted in Dil Shayari,kismat by Anila

jo bhi bura bhala hai ALLAH janata hai
bande ke dil mein kya hai ALLAH janata hai
ye farsh-o-arsh kya hai ALLAH janata hai
pardon mein kya chupa hai ALLAH janata hai
jakar jahan se koi vapas nahi hai aata
wo kon si jagah hai ALLAH janata hai
neki-badi ko apne kitna hi tu chupaye
ALLAH ko sab pata hai ALLAH janata hai
ye dhup-chaon dekho ye subah-sham dekho
sab q ye ho raha hai ALLAH janata hai
kismat ke naam ko to sab janate hain lekin
kismat mein kya likha hai ALLAH janata hai

Poet of the Poem / Ghazal or Nazam :Akhtar Shirani

Har ek jalva-e-rangin meri nigah mein hai – Akhtar Shirani

Posted in Dil Shayari,Zalim by Anila

har ek jalva-e-rangin meri nigah mein hai
gam-e-firaq ke duniya dil-e-tabah mein hai
kisi ke yad-e-karam uf are ma’azALLAH
tabah hoke bhi zalim dil-e-tabah mein hai
hazar pardon mein o chupanevale ye sun le
tera jamal mere daman-e-nigah mein hai
jahan mein mujhe bhi nakam-e-arazu kam hai
na rang aah mein hai aur na soz aah mein hai

Poet of the Poem / Ghazal or Nazam : Akhtar Shirani

 

Dil-o-dimag ko ro lunga aah kar lunga – Akhtar Shirani

Posted in Javani,Maharum by Anila

Dil-o-dimag ko ro lunga aah kar lunga
tumhare ishq mein sab kuch tabah kar lunga
agar mujhe na milin tum tumhare sar ke qasam
main apni sari javani tabah kar lunga
mujhe jo dair-o-haram mein kaheen jagah na mili
tere khayal hi ko sajdagah kar lunga

jo tum se kar diya maharum aasman ne mujhe
main apni zindagi sarf-e-gunah kar lunga

raqib se bhi milunga tumhare hukm pe main
jo ab talak na kiya tha ab aah kar lunga

tumhari yaad mein main kat dunga hashr ke din
tumhare hijr mein raten siyah kar lunga
harim-e-hazarat-e-salama ke simt jata hun
hua na zabt to chupke se aah kar lunga
ye naubahar ye abr-o-hava ye rang-e-sharab
chalo jo ho so ho ab to gunah kar lunga
kisi hasina ke masum ishq mein “akhtar”
javani kya hai main sab kuch tabah kar lunga

Poet of the Poem / Ghazal or Nazam : Akhtar Shirani