Valentines day sms ,April fool sms 2014, Easter sms Wishes, Love quotes sayings, Romantic sms messages poetry & Sad text messages in Urdu and Hindi

Akhtar ul Iman Shayari messages

Akhtar ul Iman Shayari shayari sms in Urdu for your friends. Akhtar ul Iman Shayari poetry , ghazal , poem and sher o shayari in Hindi. Best 1 line , 2 line and 4 line Akhtar ul Iman Shayari shayari Collection Online.

Phir wohi mange hue lamhe, phir wohi jam-e-sharab – Akhtar ul Iman

Posted in Aankhen,Sharab by Anila

Phir wohi mange hue lamhe, phir wohi jam-e-sharab
phir wohi tarik raton mein khayal-e-mahtab
phir wohi taron ke peshani pe rang-e-lazaval
phir wohi bhuli hui baton ka dhundhala sa khayal
phir wo aankhen bhigi bhigi daman-e-shab mein udas
phir wo ummidon ke madafan zindagi ke aas-pas
phir wohi farda ke baten phir wohi mithe sarab
phir wohi bedar aankhen phir wohi bedar khwab
phir wohi varaftagi tanhai afasanon ka khel
phir wohi rukhsar wo aagosh wo zulf-e-siyah
phir wohi shahar-e-tamanna phir wohi tarik reh
zindagi ke bebasi uff waqt ke tarik jal
dard bhi chinane laga umeed bhi chinane lagi
mujh se meri aarazu-e-did bhi chinane lagi
phir wohi tarik mazi phir wohi bekaif hal
phir wohi besoz lamhen phir wohi jam-e-sharab
phir wohi tarik raton mein khayal-e-mahtab

Poet of the Poem / Ghazal or Nazam : Akhtar ul Iman

tum se berangi-e-hasti ka gila karana tha – Akhtar ul Iman

Posted in Chand Sitare,Dil Shayari by Anila

tum se berangi-e-hasti ka gila karana tha
dil pe anbar hai khungashta tamannaon ka
aj tute hue taron ka khayal aaya hai
ek mela hai pareshan si ummidon ka
chand pazmurda baharon ka khayal aaya hai
panv thak thak ke reh jate hain mayusi mein
purmahan rahguzaron ka khayal aaya hai
saqi-o-bada nahi jam-o-lab-e-ju bhi nahi
tum se kahana tha ki ab aankh mein aansu bhi nahi

Poet of the Poem / Ghazal or Nazam :Akhtar ul Iman

Dabi hui hai mere labon mein kaheen pe wo aah bhi jo ab tak – Akhtar ul Iman

Posted in Ghuti,Nazar by Anila

Dabi hui hai mere labon mein kaheen pe wo aah bhi jo ab tak
na shola ban ke bhadak saki hai na ashk-e-besud ban ke nikali
ghuti hui hai nafas ke had mein jala diya jo jala saki hai
na shama ban kar pighal saki hai na aj tak dud ban ke nikali
diya hai beshak meri nazar ko wo paratau jo dard bakhshe
na mujh par galib hi aa saki hai na mera masjud ban ke nikali

Poet of the Poem / Ghazal or Nazam : Akhtar ul Iman

Dayar-e-gair mein koi jahan na apna ho – Akhtar ul Iman

Posted in Guzar,Nazar by Anila

Dayar-e-gair mein koi jahan na apna ho
shadid karb ke ghadiyan guzar chukane par
kuch ittefaq ho aisa ki ek sham kaheen
kisi ek aisi jagah se ho yun hi mera guzar
jahan hujum-e-gurezan mein tum nazar aa jao
aur ek ek ko hairat se dekhata rahe

Poet of the Poem / Ghazal or Nazam : Akhtar ul Iman

Tumhare lahaje mein jo garmi-o-halavat hai – Akhtar ul Iman

Posted in Andheron,Nazar by Anila

Tumhare lahaje mein jo garmi-o-halavat hai
ise bhala sa koi naam do wafa ke jagah
ganim-e-nur ka hamala kaho andheron par
dayar-e-dard mein aamad kaho masiha ke
ravan-davan hue khushbu ke qafile har su
khala-e-subah mein gunji sahar ke shahanai
ye ek kohara sa ye dhundh si jo chai hai
is iltahab mein surmagin ujale mein
siva tumhare mujhe kuch nazar nahi aata
hayat naam hai yadon ka talkh aur shirin
bhala kisi ne kabhi rang-o-bu ko pakada hai
shafaq ko qaid mein rakha saba ko band kiya
har ek lamaha gurezan hai jaise dushman hai
na tum milogi na main hum bhi donon lamhe hain
wo lamhen jake jo vapas kabhi nahi aate

 

Poet of the Poem / Ghazal or Nazam : Akhtar ul Iman

Sham hoti hai sahar hoti hai ye vaqt-e-ravan – Akhtar ul Iman

Posted in Himala,Mizshgan by Anila

Sham hoti hai sahar hoti hai ye vaqt-e-ravan
jo kabhi mere sar pe sang-garan ban ke gira
rah mein aaya kabhi meri himala ban kar
jo kabhi ukda bana aisa ki hal hi na hua
ashk ban kar meri aankhon se kabhi tapaka hai
jo kabhi khun-e-jigar ban ke mizshgan par aaya
aj bevasta yun guzara chala jata hai
jaise main kashmakash-e-zist mein shamil hi nahi

 

Poet of the Poem / Ghazal or Nazam : Akhtar ul Iman

Aao ki jashn-e-marg-e-muhabbat manayen hum – Akhtar ul Iman

Posted in Ishq Shayari,Muhabbat by Anila

aao ki jashn-e-marg-e-muhabbat manayen hum

aati nahi kaheen se dil-e-zinda ke sada
sune pade hain kucha-o-bazar ishq ke
hai shama-e-anjuman ka naya husn-e-jan gudaz
shayad nahi rahe wo patangon ke valvale
taza na rakh sakegi rivayat-e-dasht-o-dar
wo fitnasar gaye jinhen kanten aziz the

ab kuch nahi to nind se aankhen jalayen hum
aao ki jashn-e-marg-e-muhabbat manayen hum

socha na tha ki aayega ye din bhi phir kabhi
ik bar hum mile hain zara muskura to lain
kya jane ab na ulfat-e-derina yad aaye
is husn-e-ikhtiyar pe aankhen jhuka to lain
barasa labon se phul teri umr ho daraz
sanbhale hue to hain par zara dagamaga to lain

Poet of the Poem / Ghazal or Nazam : Akhtar ul Iman