Valentines day sms ,April fool sms 2014, Easter sms Wishes, Love quotes sayings, Romantic sms messages poetry & Sad text messages in Urdu and Hindi

Athar Nafees Poetry messages

Athar Nafees Poetry in Urdu for your friends. Athar Nafees Poetry poetry , ghazal , poem and sher o shayari in Hindi. Best 1 line , 2 line and 4 line Athar Nafees Poetry shayari Collection Online. All latest Athar Nafees Poetry & Urdu Shayari, Hindi Shayari 2015, Urdu Poetry, SMS, Sad Shayari, Romantic Poetry sms, Ghazals & Shair o Shayari SMS on Paperpk.com/Shayari

Wo ishq jo hum se ruth gaya ab us ka hal batayen kya – Athar Nafees

Posted in Dil Shayari,khwab by Anila

Wo ishq jo hum se ruth gaya ab us ka hal batayen kya
koi mehar nahi koi qahar nahi phir sacha sher sunayen kya
ik hijr jo hum ko lahak hai ta der use doharayen kya
wo zeher jo dil mein utar liya phir us ke naz uthayen kya
ik aag gam-e-tanhai ke jo sare badan mein phail gai
jab jism hi sara jalta ho phir daman-e-dil ko bachayen kya
hum nagmasara kuch ghazlon ke hum suratgar kuch khwabon ke
bejazba-e-shauq sunayen kya koi khwab na ho to batayen kya
Poet of the Poem / Ghazal or Nazam : Athar Nafees

Sochate aur jagate sanson ka ik dariya hun main – Athar Nafees

Posted in dariya,Waqt Shayari by Anila

Sochate aur jagate sanson ka ik dariya hun main
apne gumgashta kinaron ke liye bahata hun main

jal gaya sara badan in mausamon ke aag mein
ek mausam ruh ka hai jis mein ab zinda hun main
mere honton ka tabassum de gaya dhokha tujhe
tune mujhko bag jana dekh le sehra hun main
dekhiye meri pazirai ko ab aata hai kon
lamha bhar ko waqt ke dahaliz par aaya hun main

Poet of the Poem / Ghazal or Nazam : Athar Nafees

Kabhi saya hai kabhi dhup muqaddar mera – Athar Nafees

Posted in Bewafa,Muqaddar by Anila

Kabhi saya hai kabhi dhup muqaddar mera
hota rehta hai yun hi qarz barabar mera
toot jate hain kabhi mere kinare mujh mein
dub jata hai kabhi mujh mein samandar mera
kisi sahara mein bichad jayenge sab yar mere
kisi jangal mein bhatak jayega lashkar mera
bavafa tha to mujhe puchane wale bhi na the
bevafa hun to hua naam bhi ghar ghar mera
kitne hanste hue mausam abhi aate lekin
ek hi dhup ne kumhala diya manzar mera
aakhiri jur’a-e-purkaif ho shayad baqi
ab jo chalaka to chalak jayega sagar mera

Poet of the Poem / Ghazal or Nazam : Athar Nafees

Lamhon ke aazab sah raha hun – Athar Nafees

Posted in Khushbu,Zindagi Shayari by Anila

Lamhon ke aazab sah raha hun
main apne vajud ke saza hun
zakhmon ke gulab khil rahe hain
khushbu ke hujum mein khada hun
is dasht-e-talab mein ik main bhi
sadiyon ke thaki hui sada hun
benam-o-numud zindagi ka
ik bojha uthaye phir raha hun
ik aisa chaman hai jis ke khushbu
sanson mein basaye phir raha hun
ik aisi zamin hai jis ko chukar
takadis-e-haram se aashna hun
ae mujh ko fareb dene wale
main tujh par yaqin kar chuka hun
main tere qarib aate aate
kuch aur bhi dur ho gaya hun

Poet of the Poem / Ghazal or Nazam : Athar Nafees

Itane dinon ke bad tu aaya hai aj – Athar Nafees

Posted in Aasaman,Qurbat by Anila

Itane dinon ke bad tu aaya hai aj
sochata hun kis tarah tujh se milun
mere andar jag uthi ik chandani
main zamin se aasaman tak ek ang hun
aur ujala ho gaya qurbat ka chand
aur gahara ho gaya tera fusun
ae sarapa rang-o-nikahat tu bata
kis dhanak se tera pairahan bunun
sare gulbute tar-o-taza hue
dur tak pahunchi hai meri mauj-e-khun
kar rahe hain lamhe lamhe ka hisab
mil ke phir baithe hain yaran-e-junun
dasht-e-gam ke dhup mein mujh par khula
main khud apna saya-e-divar hun
naz kar khud par ki tu hai beshumar
qadr kar meri ki main bas ek hun

 

Poet of the Poem / Ghazal or Nazam : Athar Nafees