Na shivale na kalisa na haram jhuthe hain
bas yahi sach hai ke tum jhuthe ho hum jhuthe hain
hum ne dekha hi nahi bolate un ko ab tak
kon kehta hai ke pathar ke sanam jhuthe hain
un se miliye to khushi hoti hai un se milakar
shahar ke dusare logon se jo kam jhuthe hain
kuch to hai baat jo tahariron mein tasir nahi
jhuthe fankar nahi hain to qalam jhuthe hain
Poet of the Poem / Ghazal or Nazam : Ayaz Jhanswi
Dekha to mera saya bhi mujh se juda mila
socha to har kisi se mera silsila mila
shahar-e-vafa mein ab kise ahal-e-vafa kahen
hum se gale mila to wo hi bevafa mila
fursat kise thi jo meri halat puchata
har shakhs apne bare mein kuch sochata mila
us ne to khair apanon se moda tha muh haye
main ne ye kya kiya ki main gairon se ja mila
Poet of the Poem / Ghazal or Nazam : Ayaz Jhanswi
Bebasi jurm hai hausala jurm hai
zindagi teri ik-ik ada jurm hai
ae sanam tere bare mein kuch soch kar
apne bare mein kuch sochana jurm hai
yad rakhana tujhe mera ek jurm tha
bhool jana tujhe dusara jurm hai
kya sitam hai ke tere hasin shehar mein
har taraf gaur se dekhana jurm hai
Poet of the Poem / Ghazal or Nazam : Ayaz Jhanswi