wo behisab jo pi ke kal sharab aaya
agarche mast tha main par mujhe hijab aaya
idhar khayal mere dil mein zulf ka guzra
udhar wo khata hua dil mein pech-o-tab aaya
khayal kis ka samaya hai dida-o-dil mein
na dil ko chain mujhe aur na shab ko khwab aaya
poet of the poems/ghazal or nazam: abdul hameed adam
Poet of the Poems/Ghazal or Nazam:Bahadur Shah Zafar
Yar tha gulzar tha bad-e-saba thi main na tha
layaq-e-pa-bos-e-jan kya hina thi main na tha
hath kyon bandhe mere challa agar chori hua
ye sarapa shokhi-e-rang-e-hina thi main na tha
main ne pucha kya hua wo aap ka husn-o-shabab
hans ke bola wo sanam shan-e-khuda thi main na tha
main sisakata reh gaya aur mar gaye farahad-o-qais
kya unhin donon ke hisse mein qaza thi main na tha
Poet of the Poem / Ghazal or Nazam : Bahadur Shah Zafar
Ya mujhe afsar-e-shaha na banaya hota
ya mera taj gadaya na banaya hota
khaksari ke liye garache banaya tha mujhe
kash khak-e-dar-e-janan na banaya hota
nasha-e-ishq ka gar zarf diya tha mujh ko
umr ka tang na paimana banaya hota
apna divana banaya mujhe hota tune
kyon khiradmand banaya na banaya hota
shola-e-husn chaman mein na dikhaya us ne
varana bulbul ko bhi paravana banaya hota
roz-e-mamura-e-duniya mein kharabi hai ‘zafar’
aisi basti se to virana banaya hota
Poet of the Poem / Ghazal or Nazam :Bahadur Shah Zafar
The kal jo apne ghar mein wo mahaman kahan hain
jo kho gaye hain ya rab wo ausan kahan hain
aankhon mein rote rote naam bhi nahi ab to
the maujazan jo pahale wo tufan kahan hain
kuch aur dhab ab to hamen log dekhte hain
pahale jo ae “zafar” the wo insan kahan hain
Poet of the Poem / Ghazal or Nazam : Bahadur Shah Zafar
pas-e-marg mere mazar par jo chirag kisi ne jala diya
use aah daman-e-bad ne sare sham hi se bujha diya
mujhe dafn karana tu jis ghadi to ye us se kahana ki ae pari
wo jo tera aashiq-e-zar tha tah-e-khak use daba diya
dam-e-gusl se mere peshtar use hamdamon ne ye soch kar
kaheen jave us ka na dil dahal meri lash par se hata diya
meri aankh jhapki thi ek pal mere dil ne chaha ki uth ke chal
dil-e-beqarar ne o miyan waheen chutaki leke jaga diya
zara un ke shokhi to dekhiye liye zulf-e-khamshuda hath mein
mere piche aaye dabe-dabe mujhe sanp kah ke dara diya
main ne dil diya main ne jan di magar aah! tune na qadr ke
kisi baat ko jo kaha kabhi use chutakiyon mein uda diya
Poet of the Poem / Ghazal or Nazam:Bahadur Shah Zafar
Na kisi ke aankh ka nur hun na kisi ke dil ka qarar hun
jo kisi ke kam na aa sake main wo ek musht-e-gubar hun
na to main kisi ka habib hun na to main kisi ka raqib hun
jo bigad gaya wo nasib hun jo ujad gaya wo dayar hun
mera rang-rup bigad gaya mera yar mujh se bichad gaya
jo chaman fizan mein ujad gaya main usi ke fasl-e-bahar hun
paye fateha koi aaye q koi char phul chadaye q
koi aake shamma jalaye q main wo bekasi ka mazar hun
main nahi hun nagma-e-janfishan mujhe sun ke koi karega kya
main bade barog ke hun sada main bade dukh ke pukar hun
Poet of the Poem / Ghazal or Nazam : Bahadur Shah Zafar
Khulata nahi hai hal kisi par kahe bagair
par dil ke jan lete hain dilbar kahe bagair
main kyunkar kahun tum aao ki dil ke kashish se wo
aayenge daude aap mere ghar kahe bagair
kya tab kya majal hamari ki bosa lain
lab ko tumhare lab se milakar kahe bagair
bedard tu sune na sune lek dard-e-dil
rehta nahi hai aashiq-e-muztar kahe bagair
taqdir ke siva nahi milta kaheen se bhi
dilavata ae “zafar” hai muqaddar kahe bagair
Poet of the Poem / Ghazal or Nazam : Bahadur Shah Zafar
Lagata nahi hai jee mera ujade dayar mein
kis ke bani hai aalam-e-napayedar mein
kah do in hasaraton se kaheen aur ja basen
itni jagah kahan hai dil-e-dagdar mein
umr-e-daraz mang kar laye the char din
do arazu mein kat gaye do intazar mein
kitna hai badnasib “zafar” dafn ke liye
do gaz zamin bhi na mili ku-e-yar mein
Poet of the Poem / Ghazal or Nazam : Bahadur Shah Zafar
ja kahiyo un se nasim-e-sahar mera chain gaya meri neend gai
tumhen meri na mujh ko tumhari khabar mera chain gaya meri neend gai
na haram mein tumhare yar pata na surag dair mein hai milta
kahan ja ke dekhun main jaun kidhar mera chain gaya meri neend gai
ae badashah-e-khuban-e-jahan teri mohini surat pe qurban
ke main ne jo teri jabin pe nazar mera chain gaya meri neend gai
hui bad-e-bahari chaman mein ayan gul buti mein baqi rahi na fiza
meri shakh-e-ummid na lai sanvar mera chain gaya meri neend gai
ae barq-e-tajalli bahar-e-khuda na jala mujhe hijr mein shamma sa
meri zist hai misl-e-chirag-e-sahar mera chain gaya meri neend gai
kehta hai yahi ro ro ke “zafar” meri aah-e-rasa ka hua na asar
teri hijr mein maut na aayi abhi mera chain gaya meri neend gai
yahi kahana tha shero ke aj “zafar” meri aah-e-rasa mein hua na asar
tere hijr mein maut na aai magar mera chain gaya meri neend gai
Poet of the Poem / Ghazal or Nazam :Bahadur Shah Zafar
hum ne duniya mein aake kya dekha
dekha jo kuch so khvab-sa dekha
hai to insan khak ka putala
lek pani ka bul-bula dekha
khub dekha jahan ke khuban ko
ek tujh sa na dusara dekha
ek dam par hawa na bandh habab
dam ko dam bhar mein yan hawa dekha
na huye teri khak-e-pa hum ne
khak mein aap ko mila dekha
ab na dije “zafar” kisi ko dil
ki jise dekha bevafa dekha
Poet of the Poem / Ghazal or Nazam : Bahadur Shah Zafar
hum to chalte hain lo khuda hafiz
butkada ka buton khuda hafiz
kar chuke tum nasihaten hum ko
jao bas naseho khuda hafiz
aj kuch aur tarah par un ke
sunate hain guftagu khuda hafiz
bar yahi hai hamesha zakhm pe zakhm
dil ka charagaron khuda hafiz
aj hai kuch ziyada betabi
dil-e-betab ko khuda hafiz
kyon hifazat hum aur ke dhundhen
har nafas jab ki hai khuda hafiz
chahe rukhsat ho rah-e-ishq mein aql
ae “zafar” jane do khuda hafiz
Poet of the Poem / Ghazal or Nazam :Bahadur Shah Zafar
Dil ke meri beqarari mujh se kuch pucho nahi
shab ke meri aah-o-zari mujh se kuch pucho nahi
bar-e-gam se mujh pe roz-e-hijr mein ik ik ghadi
kya kahun hai kaisi bhari mujh se kuch pucho nahi
meri surat hi se bas malum kar lo ham-damo
tum haqiqat meri sari mujh se kuch pucho nahi
sham se ta-subah jo bistar pe tum bin raat ko
main ne ke akhtar-shumari mujh se kuch pucho nahi
ae “zafar” jo hal hai mera karunga gar bayan
hogi un ke sharm-sari mujh se kuch pucho nahi
Poet of the Poem / Ghazal or Nazam : Bahadur Shah Zafar
Bich mein parda dui ka tha jo hayal uth gaya
aisa kuch dekha ke duniya se mera dil uth gaya
shama ne ro ro ke kati raat suli par tamam
shab ko jo mahafil se teri ae zeb-e-mahafil uth gaya
meri aankhon mein samaya us ka aisa nur-e-haq
shauq-e-nazzara ae badr-e-kamil uth gaya
ae zafar kya puchata hai begunah-o-bar-gunah
uth gaya ab jidhar ko vaste qatil uth gaya
Poet of the Poem / Ghazal or Nazam : Bahadur Shah Zafar
Bat karani mujhe mushkil kabhi aisi to na thi
jaisi ab hai teri mahafil kabhi aisi to na thi
le gaya chin ke q aj tera sabr-o-qarar
beqarari tujhe ae dil kabhi aisi to na thi
chashm-e-qatil meri dushman thi hamesha lekin
jaise ab ho gai qatil kabhi aisi to na thi
un ke aankhon ne khuda jane kiya kya jadu
ke tabiyat meri mail kabhi aisi to na thi
aks-e-rukh-e-yar ne kis se hai tujhe chamakaya
tab tujh mein mah-e-kamil kabhi aisi to na thi
kya sabab tu jo bigadata hai “zafar” se har bar
khu teri hur-e-shamail kabhi aisi to na thi
Poet of the Poem / Ghazal or Nazam : Bahadur Shah Zafar