Tumhare bulane ko jee chahata hai
muqaddar banane ko jee chahata hai
jo tum aao to sath khushiyan bhi aayen
mera muskurane ko jee chahata hai
tumhari muhabbat mein khoyi hui hun
tumhen ye sunane ko jee chahata hai
ye jee chahata hai ki tumhari bhi sun lun
khud apni sunane ko jee chahata hai
Poet of the Poem / Ghazal or Nazam : Behzad Lucknawi
Zinda hun is tarah ki gam-e-zindagi nahi
jalta hua diya hun magar roshani nahi
wo muddaten huin hain kisi se juda hue
lekin ye dil ki aag abhi tak bujhi nahi
aane ko aa chuka tha kinara bhi samane
khud usake pas meri hi nayya gai nahi
hoton ke pas aaye hansi , kya majal hai
dil ka muamala hai koi dillagi nahi
ye chand ye hawa ye fiza, sab hai mand mand
jo tu nahi to in mein koi dil-kashi nahi
Poet of the Poem / Ghazal or Nazam : Behzad Lucknawi
Tum nagma-e-mah ho anjum ho tum soz-e-tamanna kya jano
tum dard-e-muhabbat kya samajho tum dil ka tadapana kya jano
sau bar agar tum ruth gaye hum tum ko mana hi lete the
ik bar agar hum ruth gaye tum hum ko manana kya jano
takhrib-e-muhabbat aasan hai tamir-e-muhabbat mushkil hai
tum aag lagana sikh gaye tum aag bujhana kya jano
tum dur khade dekha hi kiye aur dubne vala dub gaya
sahil ko tum manzil samajhe tum lazzat-e-dariya kya jano
Poet of the Poem / Ghazal or Nazam : Behzad Lucknawi
un aankhon ka aalam gulabi gulabi
mere dil ka aalam sharabi sharabi
nigahon ne dekhi muhabbat ne mani
teri bemisali teri lajavabi
ye dud-dida nazaren ye raftar-e-nazuk
inhin ke badaulat hui hai kharabi
khuda ke liye apni nazron ko roko
tamanna bani ja rahi hai javabi
hai “behzad” unaki nigah-e-karam par
meri na-muradi meri kamayabi
Poet of the Poems / Ghazal or Nazam :Behzad Lucknawi
Diwana banana hai to diwana bana de
warna kaheen taqdir tamasha na bana de
aye dekhanewalon mujhe hans hans ke na dekho
tum ko bhi mohabbat kaheen mujh sa na bana de
main dhundh raha hun meri wo shamma kahan hai
jo bazm ke har cheez ko parwana bana de
aakhir koi surat bhi to ho khana-e-dil ke
kaba nahi banata hai to butkhana bana de
“behzad” har ek jam pe ek sajda-e-masti
har zarre ko sang-e-dar-e-janan na bana de
Poet of the Poem / Ghazal or Nazam : Behzad Lucknawi