Ye karen ya wo karen aisa karen vaisa karen
zindagi do din ke hai do din mein hum kya kya karen
jee mein aata hai ki den parde se parde ka javab
hum se wo parda karen duniya se hum parda karen
sun raha hun kuch lutere aa gaye hain shahar mein
aap jaldi band apne ghar ka daravaza karen
is purani bevafa duniya ka rona kab talak
aaiye mil-jhul ke ik duniya nai paida karen
Poet of the Poem / Ghazal or Nazam : Nazeer Banarasi
Ye bata de mujhe zindagi
pyar ke reh ke hamasafar
kis tarah ban gaye ajanabi
ye bata de mujhe zindagi
phul q sare murjha gaye
kis liye bujh gai chandani
ye bata de mujhe zindagi
kal jo bahon mein thi
aur nigahon mein thi
ab wo garmi kahan kho gai
na wo andaz hai
na wo aavaz hai
ab wo narmi kahan kho gai
ye bata de mujhe zindagi
bevafa tum nahi
bevafa hum nahi
phir wo jazbat kyon so gaye
pyar tum ko bhi hai
pyar hum ko bhi hai
fasale phir ye kya ho gaye
ye bata de mujhe zindagi
Poet of the Poem / Ghazal or Nazam : Javed Akhtar
Yahi halat ibtada se rahe
log hum se khafa khafa se rahe
bevafa tum kabhi na the lekin
ye bhi sach hai ki bevafa se rahe
in chiragon mein tel hi kam tha
kyon gila phir hamen hawa se rahe
bahas, shatranj sher mausiqi
tum nahi rahe to ye dilase rahe
usake bandon ko dekhakar kahiye
hamako umeed kya khuda se rahe
zindagi ke sharab mangate ho
hum ko dekho ki pi ke pyase rahe
Poet of the Poem / Ghazal or Nazam : Javed Akhtar
Tum ye kaise juda ho gaye
har taraf har jagah ho gaye
apna chehara na badala gaya
aaine se khafa ho gaye
jane wale gaye bhi kahan
chand suraj ghata ho gaye
bevafa to na wo the na hum
yun hua bas juda ho gaye
aadmi banana aasan na tha
shekh jee ???? ho gaye
Poet of the Poem / Ghazal or Nazam : Nida Fazli
Tod kar ahad-e-karam na-ashana ho jayiye
banda paravar jayiye acha khafa ho jayiye
reh mein miliye kabhi mujh se to azarah-e-sitam
honth apne kat kar fauran juda ho jayiye
jee mein aata hai ke us shokh-e-tagaful kesh se
ab na miliye phir kabhi aur bevafa ho jayiye
haye re be-ikhtiyari ye to sab kuch ho magar
us sarapa naz se q kar khafa ho jayiye
Poet of the Poem / Ghazal or Nazam : Hasrat Mohani
Saza ka hal sunaye jaza ke baat karen
khuda mila ho jinhen wo khuda ke baat karen
unhen pata bhi chalen aur wo khafa bhi na ho
is ehatiyat se kya maza ke baat karen
hamare ahad ke tahazib mein qaba hi nahi
agar qaba ho to band-e-qaba ke baat karen
har ek daur ka mazahab naya khuda lata
karen to hum bhi magar kis khuda ke baat karen
vafashiyar kai hain koi hasin bhi to ho
chalo phir aj usi bevafa ke baat karen
Poet of the Poem / Ghazal or Nazam : Sahir Ludhianvi
Payam aaye hain us yar-e-bevafa ke mujhe
jise qarar na aaya kaheen bhula ke mujhe
nashe se kahun to nahi yad-e-yar ka aalam
ke le uda hai koi dosh par hawa ke mujhe
judaiyan hon to aisi ki umr bhar na mile
fareb to do zara silsile bada ke mujhe
main khud ko bhool chuka tha magar jahan wale
udas chod gaye aaina dikhake mujhe
Poet of the Poem / Ghazal or Nazam : Ahmed Faraz
us bevafa ka shahar hai aur hum hain doston
ashk-e-ravan ke nahar hai aur hum hain doston
sham-e-alam dhali to chali dard ke hawa
raton ka pichala pahar hai aur hum hain doston
aankhon mein ud rahi hai luti mahafilon ke dhul
ibrat bara-e-dahar hai aur hum hain doston
ye ajanabi si manzilen aur raftagan ke yaad
tanhaiyon ka zeher hai aur hum hain doston
Poet of the Poems / Ghazal or Nazam :Munir Niazi
mujh ko shikast-e-dil ka maza yaad aa gaya
tum kyon udas ho kya yaad aa gaya
kahane ko zindagi thi bahut mukhtasar magar
kuch yun basar hui ke khuda yaad aa gaya
waiz salam le ke chala maikade ko main
firdaus-e-gumshuda ka pata yaad aa gaya
barase bagair hi jo ghata ghir ke khul gai
ek bevafa ka ahd-e-vafa yaad aa gaya
mangenge ab dua ke use bhool jayen hum
lekin jo wo bevaqt-e-dua yaad aa gaya
hairat hai tum ko dekh ke masjid mein ae ‘khumar’
kya baat ho gai jo khuda yaad aa gaya
Poet of the Poem / Ghazal or Nazam : Khumar Barabankvi
Kabhi saya hai kabhi dhup muqaddar mera
hota rehta hai yun hi qarz barabar mera
toot jate hain kabhi mere kinare mujh mein
dub jata hai kabhi mujh mein samandar mera
kisi sahara mein bichad jayenge sab yar mere
kisi jangal mein bhatak jayega lashkar mera
bavafa tha to mujhe puchane wale bhi na the
bevafa hun to hua naam bhi ghar ghar mera
kitne hanste hue mausam abhi aate lekin
ek hi dhup ne kumhala diya manzar mera
aakhiri jur’a-e-purkaif ho shayad baqi
ab jo chalaka to chalak jayega sagar mera
Poet of the Poem / Ghazal or Nazam : Athar Nafees
Kam aa sakin na apni vafayen to kya karen
ik bevafa ko bhool na jayen to kya karen
mujh ko ye etaraf duaon mein hai asar
jaye na arsh par jo duayen to kya karen
ik din ke baat ho to use bhool jayen hum
nazil hon roz dil pe balayen to kya karen
shab bhar to un ke yaad mein tare gina kiye
tare-se din ko bhi nazar aayen to kya karen
ahad-e-tarab ke yaad mein roya kiye bahut
ab muskura ke bhool na jayen to kya karen
ab jee mein hai ki un ko bhula kar hi dekh lain
wo bar bar yaad jo aayen to kya karen
tark-e-vafa bhi jurm-e-muhabbat sahi “akhtar”
milane lagen wafa ke sazayen to kya karen
Poet of the Poem / Ghazal or Nazam : Akhtar Shirani
Is se pahale ke bevafa ho jayen
kyon na ae dost hum juda ho jayen
tu bhi hire se ban gaya pathar
hum bhi kal kya se kya ho jayen
hum bhi majaburiyon ka uzr karen
aur kaheen aur mubtala ho jayen
ishq bhi khel hai nasibon ka
khak ho jayen kimiya ho jayen
ab ke gar tu mile to hum tujh se
aise lipaten teri qaba ho jayen
bandagi hum ne chod di hai ‘faraz’
kya karen log jab khuda ho jayen
Poet of the Poem / Ghazal or Nazam : Ahmed Faraz
har ek chehare ko zakhmon ka aaina na kaho
ye zindagi to hai rahamat ise saza na kaho
na jane kon si majaburiyon ka qaidi ho
wo sath chod gaya hai to bevafa na kaho
tamam shahar ne nezon pe q uchala mujhe
ye ittefaq tha tum is ko hadasa na kaho
ye aur baat ke dushman hua hai aj magar
wo mera dost tha kal tak use bura na kaho
hamare aib hamen ungaliyon pe ginvao
hamari pith ke piche hamen bura na kaho
main vaqiyat ke zanjir ka nahi qayal
mujhe bhi apne gunahon ka silsila na kaho
ye shahar wo hai jahan rakshas bhi hai “rahat”
har ek tarashe huye but ko devata na kaho
Poet of the Poem / Ghazal or Nazam : Rahat Indori
hum ne duniya mein aake kya dekha
dekha jo kuch so khvab-sa dekha
hai to insan khak ka putala
lek pani ka bul-bula dekha
khub dekha jahan ke khuban ko
ek tujh sa na dusara dekha
ek dam par hawa na bandh habab
dam ko dam bhar mein yan hawa dekha
na huye teri khak-e-pa hum ne
khak mein aap ko mila dekha
ab na dije “zafar” kisi ko dil
ki jise dekha bevafa dekha
Poet of the Poem / Ghazal or Nazam : Bahadur Shah Zafar
Dil liya jis ne bevafai ke
rasm hai kya ye dil-rubai ke
tum ko andesha-e-giraftari hai
yan tavaqqo nahi rihai ke
vasl mein kis tarah hun shadi-e-marg
mujh ko taqat nahi judai ke
ek din tere ghar mein aana hai
bakht-e-tale ne gar rasai ke
dil lagaya so nasahon ko kya
bat jo apne jee mein aai, ke
‘shefta’ wo ki jis ne sari umr
din-dari-o-parasai ke
Poet of the Poem / Ghazal or Nazam : Shefta