Tum se ulfat ke taqaze na nibahe jate
warna hum ko bhi tamanna thi ke chahe jate
dil ke maro ka na kar gham ki ye andohnasib
zakhm bhi dil mein na hota to karahe jate
di na mohalat hamen hasti ne wafa ke warna
aur kuch din gam-e-hasti se nibahe jate
Poet of the Poem / Ghazal or Nazam : Shan ul Haq Haqi
Tum pucho aur main na bataun aise to halat nahi
ek zara sa dil tuta hai aur to koi baat nahi
kis ko khabar thi sanvale badal bin barase ud jate hain
savan aaya lekin apni qismat mein barsat nahi
mana jivan mein aurat ek bar mohabbat karati hai
lekin mujhko ye to bata de kya tu aurat zat nahi
khatm hua mera afasana ab ye aansu ponch bhi lo
jis mein koi tara chamake aj ke raat wo raat nahi
mere gam-gin hone par ahabab hain yon hairan “qateel”
jaise main pathar hun mere sine mein jazbat nahi
Poet of the Poem / Ghazal or Nazam : Qateel Shifai
Thahar jao ke hairani to jaye
tumhari shakl pahachani to jaye
shab-e-gam tu hi mahaman ban ke aaja
hamare ghar ke virani to jaye
zara khul kar bhi ro lene do hum ko
ke dil ke aag tak pani ho jaye
bala se tod dalo aainon ko
kisi surat ye hairani to jaye
Poet of the Poem / Ghazal or Nazam : Mohsin Naqvi
Teri guftagu mein hai jo chashni jo tere labon mein halavaten
na surur wo fasl-e-bahar mein na gulon mein latafaten
kahan reh gain teri nigahaten wo saba kidhar ko nikal gai
teri aahaton ko taras gain mere jism-o-jan ke sama’aten
tere ang ang amin loch hai mere dil ke soz-o-gadaz ka
mere khun-e-dil se raqam huin tere rang-o-bu ke hikayaten
meri chashm-e-gam dil-e-muzatarib gam-e-arazu gam-e-justaju
liye phir raha hun nagar nagar kisi meheraban ke amanaten
Poet of the Poem / Ghazal or Nazam : Hasan Rizvi
apanaa Gam leke kahii.n aur na jaayaa jaaye
ghar me.n bikharii huii chiizo.n ko sajaayaa jaaye
jin chiraaGo.n ko havaao.n kaa koii Khauf nahii.n
un chiraaGo.n ko havaao.n se bachaayaa jaaye
baag me.n jaane ke aadaab huaa karate hai.n
kisii titalii ko na phuulo.n se u.Daayaa jaaye
Khudakushii karane kii himmat nahii.n hotii sab me.n
aur kuchh din yuu.N hii auro.n ko sataayaa jaaye
ghar se masjid hai bahut duur chalo yuu.N kar le.n
kisii rote hue bachche ko ha.Nsaaya jaaye
Poet of the Poem / Ghazal or Nazam : Nida Fazli