Ye intazar galat hai ki sham ho jaye
jo ho sake to abhi daur-e-jam ho jaye
khuda-na khvasta pine lage jo waiz bhi
hamare vaste pina haram ho jaye
mujh jaise rind ko bhi tu ne hashr mein ya rab
bula liya hai to kuch intazam ho jaye
wo sahan-e-bag mein aaye hain may-kashi ke liye
khuda kare ke har ik phul jam ho jaye
mujhe pasand nahi is pe gam-zan hona
wo rah-guzar jo guzar-gah-e-am ho jaye

Poet of the Poem / Ghazal or Nazam :Naresh Kumar Shad

Tu pas bhi ho to dil beqarar apna hai
ke hum ko tera nahi intazar apna hai
mile koi bhi tera zikr ched dete hain
ke jaise sara jahan razdar apna hai
wo dur ho to baja tark-e-dosti ka khayal
wo samane ho to kab ikhtiyar apna hai
zamane bhar ke dukhon ko laga liya dil se
is aasre pe ke ik gamgusar apna hai
‘faraz’ rahat-e-jan bhi wohi hai kya kije
wo jis ke hath se sinafigar apna hai

Poet of the Poem / Ghazal or Nazam : Ahmed Faraz

Ye na thi hamari qismat ke visal-e-yar hota
agar aur jite rehte yahi intazar hota
tere wade par jiye hum to ye jan jhooth jana
ke khushi se mar na jate agar aitabar hota
teri nazuki se jana ki bandha tha ahdboda
kabhi tu na tod sakata agar ustavar hota
koi mere dil se puche tere tir-e-nimakash ko
ye khalish kahan se hoti jo jigar ke par hota
ye kahan ke dosti hai ke bane hain dost naseh
koi charasaz hota, koi gamgusar hota
rag-e-sang se tapakata wo lahu ki phir na thamata
jise gham samajh rahe ho ye agar sharar hota
gham agarche jangusil hai, pe kahan bachen ke dil hai
gam-e-ishq gar na hota, gam-e-rozagar hota
kahun kis se main ke kya hai, shab-e-gam buri bala hai
mujhe kya bura tha marana agar ek bar hota
hue mar ke hum jo rusava, hue kyon na garq-e-dariya
na kabhi janaza uthata, na kaheen mazar hota
use kon dekh sakata ki yagana hai wo yakta
jo dui ke bu bhi hoti to kaheen do char hota
ye masail-e-tasavvuf, ye tera bayan ‘ghalib’
tujhe hum wali samajhate, jo na badakhvar hota

Poet of the Poem / Ghazal or Nazam : Mirza Ghalib

Subah-dam yun hi fasurda ho gaya
ae dil-e-nazuk tujhe kya ho gaya
sina-e-baranat se shola sa utha
gam-zadon ke dil ka nagma ho gaya
shukriya ae gardish-e-jam-e-sharab
main bhari mahafil mein tanha ho gaya
raat dil ko tha sahar ka intazar
ab ye gham hai kyon savera ho gaya
bujh gai kuch is tarah shama-e-“salam”
jaise ik bimar acha ho gaya

Poet of the Poem / Ghazal or Nazam : Salaam Machhli Shehri

Shamim-e-zulf-e-yar aaye na aaye
mere dil ko qarar aaye na aaye
abhi aaya hai hosh yad-e-janan
na tadapa, bar-bar aaye na aaye
chirag-e-zindagani bujh raha hai
wo jan-e-intazar aaye na aaye
kiya jo tum ne apne dil se pucho
hamara aitabar aaye na aaye
nigah-e-ahal-e-gulshan kah rahi hai
khizan jaye bahar aaye na aaye
badhega karavan manzil-ba-manzil
gubar-e-rahguzar aaye na aaye

Poet of the Poem / Ghazal or Nazam : Sikander Ali Wajd

Sata sata ke hamen ashkbar karati hai
tumhari yaad bahut beqarar karati hai

wo din jo sath guzri the pyar ke hum ne
talash un ko nazar bar bar karati hai
gila nahi jo nasibon ne kar diya hai juda
teri judai bhi ab hum ko pyar karati hai

kinare baith ke jis ke kiye the qaul-o-qarar
nadi wo ab bhi tera intazar karati hai

Poet of the Poem / Ghazal or Nazam : Wafa Roomani

Zahanaton ko kahan karb se farar mila
jise nigah mili usako intazar mila
wo koi reh ka pathar ho ya hasin manzar
jahan se rasta thahara waheen mazar mila
koi pukar raha tha khuli fizaon se
nazar uthai to charo taraf hisar mila
har ek sans na jane thi justaju kisaki
har ek dayar musafir ko bedayar mila
ye shahar hai ki numaish lagi hui hai koi
jo aadmi bhi mila banake ishtahar mila

Poet of the Poem / Ghazal or Nazam : Nida Fazli

Khud dil mein reh ke aankh se parda kare koi
han lutf jab hai pake bhi dhundha kare koi
tum ne to hukm-e-tark-e-tamanna suna diya
kis dil se aah tark-e-tamanna kare koi
duniya laraz gai dil-e-hiramannasib ke
is tarah saz-e-aish na cheda kare koi

mujh ko ye aarzoo wo uthayen naqab khud
un ko ye intazar taqaza kare koi
rangini-e-naqab mein gum ho gai nazar
kya be-hijabiyon ka taqaza kare koi
ya to kisi ko jurrat-e-didar hi na ho
ya phir meri nigah se dekha kare koi
hoti hai is mein husn ke tauhin ae ‘majaz’
itna na ahal-e-ishq ko rusava kare koi

Poet of the Poem / Ghazal or Nazam : Majaz Lucknawi

Khizan ke rang mein abhi bahar baqi hai
chirag-e-sahar hai par intazar baqi hai
hamen salam karo ae havadis-e-dauran
tumhare sath hain phir bhi qarar baqi hai
guzar chuka hai ummidon ka qafila kab ka
rah-e-yaqin pe ab bhi gubar baqi hai
hamen pukar lo jab chaho hum milenge waheen
mile hain khak mein lekin vaqar baqi hai

Poet of the Poem / Ghazal or Nazam : Azra Adil Rashid

Kon is reh se guzarata hai
dil yun hi intazar karta hai
dekh kar bhi na dekhane wale
dil tujhe dekh-dekh darta hai
shahar-e-gul mein kati hai sari raat
dekhiye din kahan guzarata hai
dhyan ke sidiyon pe pichale pahar
koi chupke se panv dharata hai
dil to mera udas hai ‘nasir’
shahar kyon sayen-sayen karta hai

Poet of the Poem / Ghazal or Nazam : Nasir Kazmi

justaju khoye huon ke umr bhar karte rahe
chand ke hamrah hum har shab safar karte rahe
raston ka ilm tha hum ko na simton ke khabar
shahar-e-namalum ke chahat magar karte rahe
hum ne khud se bhi chupaya aur sare shahar se
tere jane ke khabar dar-o-divar karte rahe
wo na aayega hamen malum tha us sham bhi
intazar us ka magar kuch soch kar karte rahe
aj aaya hai hamen bhi un udanon ka khayal
jin ko tere zaum mein be-bal-o-par karte rahe

Poet of the Poem / Ghazal or Nazam :Parveen Shakir

Kam aakhir jazba-e-beikhtiyar aa hi gaya
dil kuch is surat se tadapa un ko pyar aa hi gaya
jab nigahen uth gain ALLAH re meraj-e-shauq
dekhata kya hun wo jan-e-intazar aa hi gaya
hae ye husn-e-tasavvur ka fareb-e-rang-o-bu
main ne samajha jaise wo jan-e-bahar aa hi gaya
han saza de ae khuda-e-ishq ae taufiq-e-gam
phir zaban-e-be-adab par zikr-e-yar aa hi gaya
is tarah khush hun kisi ke vada-e-farda pe main
dar-haqiqat jaise mujh ko aitabar aa hi gaya
hae kafir dil ke ye kafir junun-angeziyan
tum ko pyar aaye na aaye mujh ko pyar aa hi gaya
dard ne karavat hi badali thi ki dil ke aad se
dafa’tan parda utha aur pardadar aa hi gaya
jan hi de di jigar ne aj pa-e-yar par
umr bhar ke beqarari ko qarar aa hi gaya

Poet of the Poem / Ghazal or Nazam : Jigar Moradabadi

Lagata nahi hai jee mera ujade dayar mein
kis ke bani hai aalam-e-napayedar mein
kah do in hasaraton se kaheen aur ja basen
itni jagah kahan hai dil-e-dagdar mein
umr-e-daraz mang kar laye the char din
do arazu mein kat gaye do intazar mein
kitna hai badnasib “zafar” dafn ke liye
do gaz zamin bhi na mili ku-e-yar mein

Poet of the Poem / Ghazal or Nazam : Bahadur Shah Zafar

jhuki jhuki si nazar beqarar hai ki nahi
daba daba sa sahi dil mein pyar hai ki nahi
tu apne dil ke jawan dhadakanon ko gin ke bata
meri tarah tera dil beqarar hai ki nahi
wo pal ke jis mein muhabbat jawan hoti hai
us ek pal ka tujhe intazar hai ki nahi
teri umeed pe thukra raha hun duniya ko
tujhe bhi apne pe ye aitabar hai ki nahi

Poet of the Poem / Ghazal or Nazam :Kaifi Azmi

Is daur-e-bejunun ke kahani koi likho
jismon ko barf khoon ko pani koi likho
koi kaho ki hath qalam kis tarah hue
q ruk gai qalam ke ravani koi likho
kyon ahal-e-shauq sar-va-gareban hain dosto
kyon khun-ba-dil hai ahad-e-javani koi likho
kyon surma-dar-gulu hai har ek tayar-e-sukhan
kyon gulsitan qafas ka hai sani koi likho
han taza sanehon ka kare kon intazar
han dil ke varadat purani koi likho

Poet of the Poem / Ghazal or Nazam : Ahmed Faraz