Barason ke bad dekha ik shakhs dilruba sa – Ahmed Faraz
Barason ke bad dekha ik shakhs dilruba sa
ab zahan mein nahi hai par nam tha bhala sa
abaru khinche khinche se aankhen jhuki jhuki si
baten ruki ruki si lahaja thaka thaka sa
alfaz the ke jugnu aavaz ke safar mein
ban jaye jangalon mein jis tarah rasta sa
khvabon mein khwab us ke yadon mein yad us ke
nindon mein ghul gaya ho jaise ke ratjaga sa
pahale bhi log aaye kitane hi zindagi mein
wo har tarah se lekin auron se tha juda sa
agali muhabbaton ne wo namuradiyan din
taza rafaqaton se dil tha dara dara sa
kuch ye ke muddaton se hum bhi nahi the roye
kuch zeher mein bujha tha ahabab ka dilasa
phir yun hua ke savan aankhon mein aa base the
phir yun hua ke jaise dil bhi tha aabala sa
ab sach kahen to yaro hum ko khabar nahi thi
ban jayega qayamat ik vaqia zara sa
tevar the berukhi ke andaz dosti ke
wo ajanabi tha lekin lagata tha aashna sa
hum dasht the ke dariya hum zeher the ke amrit
nahaq tha zonum hum ko jab wo nahi tha pyasa
hum ne bhi us ko dekha kal sham ittefaqan
apana bhi hal hai ab logo ‘faraz’ ka sa
Poet of the Poem / Ghazal or Nazam : Ahmed Faraz