Khud se hum ik nafas hile bhi kahan
us ko dhundhen to wo mile bhi kahan
khema-khema guzar le ye shab
subah-dam ye qafle bhi kahan
ab ta’mul na kar dil-e-khudkam
ruth le phir ye silsile bhi kahan
aao aapas mein kuch gile kar lain
warna yun hai ke phir gile bhi kahan
khush ho sine ke in kharashon par
phir tanaffus ke ye sile bhi kahan
Poet of the Poem / Ghazal or Nazam : Jaun Eliya
Khamoshi kah rahi hai kan mein kya
aa raha hai mere guman mein kya
ab mujhe koi tokata bhi nahi
yahi hota hai khanadan mein kya
bolate kyon nahi mere haq mein
aabale par gaye zuban mein kya
meri har baat be-asar hi rahi
nuqs hai kuch mere bayan mein kya
wo mile to ye puchana hai mujhe
abhi hun main teri aman mein kya
sham hi se dukan-e-did hai band
nahi nukasan tak dukan mein kya
yun jo takata hai aasaman ko tu
koi rehta hai aasaman mein kya
ye mujhe chain q nahi padta
ik hi shakhs tha jahan mein kya
Poet of the Poem / Ghazal or Nazam : Jaun Eliya
Dil ne wafa ke naam par kar-e-jafa nahi kiya
khud ko halak kar liya khud ko fida nahi kiya
kaise kahen ke tujh ko bhi hum se hai vasta koi
tune to hum se aj tak koi gila nahi kiya
tu bhi kisi ke bab mein ahad-shikan ho galiban
main ne bhi ek shakhs ka qarz ada nahi kiya
jo bhi ho tum pe mautariz us ko yahi javab do
aap bahot sharif hain aap ne kya nahi kiya
jis ko bhi shekh-o-shah ne hukm-e-khuda diya qarar
hum ne nahi kiya wo kam han ba-khuda nahi kiya
nisbat-e-ilm hai bahot hakim-e-vaqt ko aziz
us ne to kar-e-jehl bhi be-ulama nahi kiya
Poet of the Poem / Ghazal or Nazam : Jaun Eliya
hum to jaise yahan ke the hi nahi
dhup the sayaban ke the hi nahi
raste karavan ke sath rahe
marhale karavan ke the hi nahi
ab hamara makan kis ka hai
hum to apne makan ke the hi nahi
in ko aandhi mein hi bikharana tha
bal-o-par yahan ke the hi nahi
us gali ne ye sun ke sabr kiya
jane wale yahan ke the hi nahi
ho teri khak-e-astan pe salam
hum tere aastan ke the hi nahi
Poet of the Poem / Ghazal or Nazam : Jaun Eliya
akhlaq na bartenge mudara na karenge
ab hm kisi shakhs ki paravah na karenge
kuch log kai lafz galat bol rahe hain
isalah magar hum bhi ab isalah na karenge
kamgoi ki ek vasf-e-himaqat hai bahar to
kamgoi ko apanayenge chahaka na karenge
ab sahal pasandi ko banayenge vatira
ta der kisi bab mein socha na karenge
gussa bhi hai tahazib-e-ta’lluq ka talabagar
hum chup hain bahare baithe hain gussa na karenge
kal raat bahut gur kiya hai so hum ae “jaun”
tay kar ki uthe hain ki tamanna na karenge
Poet of the Poem / Ghazal or Nazam : Jaun Eliya