Ye to nahi ke gham nahi
han meri aankh naam nahi
tum bhi to tum nahi ho aj
hum bhi to aj hum nahi
ab na khushi ke hai khushi
gham ka bhi ab to gham nahi
maut agarche maut hai
maut se zist kam nahi
Poet of the Poem / Ghazal or Nazam : Firaq Gorakhpuri
Wo kon hai duniya mein jise gham nahi hota
kis ghar mein khushi hoti hai matam nahi hota
aise bhi hain duniya mein jinhen gham nahi hota
ek hum hain hamara gham kabhi kam nahi hota
kya surma-bhari aankhon se aansu nahi behte
kya mehandi lage hathon se matam nahi hota
kuch aur bhi hoti hain bigadane ke adayen
par meri samajh ye ek aalam nahi hota
Poet of the Poem / Ghazal or Nazam : Riaz Khairabadi
wafa ke shish mahal mein saja liya main ne
wo ek dil jise pathar bana liya main ne
ye soch kar ki na ho tak mein khushi koi
gamon ki ot mein khud ko chupa liya main ne
kabhi na khatm kiya main ne roshani ka muhaz
agar chirag bujha, dil jala liya main ne
Poet of the Poem / Ghazal or Nazam :Qateel Shifai