Valentines day sms ,April fool sms 2014, Easter sms Wishes, Love quotes sayings, Romantic sms messages poetry & Sad text messages in Urdu and Hindi

Khwaja Mir Dard Poetry messages

Khwaja Mir Dard Poetry shayari sms in Urdu for your friends. Khwaja Mir Dard Poetry poetry , ghazal , poem and sher o shayari in Hindi. Best 1 line , 2 line and 4 line Khwaja Mir Dard Poetry shayari Collection Online.

Tum aj hanste ho hans lo mujh par ye aazamaish na bar bar hogi – Khwaja Mir Dard

Posted in Muhabbat,Zindagi Shayari by Anila

Tum aj hanste ho hans lo mujh par ye aazamaish na bar bar hogi
main jana ta hun mujhe khabar hai ki kal faza khushagavar hogi
rahe muhabbat mein zindagi bhar rahegi ye kashamakash barabar
na tumako qurabat mein jit hogi na mujhko furaqat mein har hogi
hazar ulfat sataye lekin mere iradon se hai ye mumakin
agar sharafat ko tumane cheda to zindagi tum pe var hogi

Poet of the Poem / Ghazal or Nazam : Khwaja Mir Dard

Tujhi ko jo yan jalwa farma na dekha – Khwaja Mir Dard

Posted in Dil Shayari,duniya by Anila

Tujhi ko jo yan jalwa farma na dekha
barabar hai duniya ko dekha na dekha
mera guncha-e-dil hai woh dil-girifata
ke jis ko kaso ne kabhi wa na dekha
aziat, musibat, malamat, balayen
tere ishq mein hum ne kya kya na dekha
kiya mujh ko dagon sarv-e-chiragan
kabho tu ne aakar tamasha na dekha
tagaful ne tere ye kuch din dikhaye
idhar tu ne lekin na dekha, na dekha
hijab-e-rukh-e-yar the aap hi hum
khuli aankh jab, koi parada na dekha
shab-o-roz aye “dard” darapai hun us ke
kaso ne jise yan samajha na dekha

Poet of the Poem / Ghazal or Nazam : Khwaja Mir Dard

Tohamaten chand apne zimme dhar chale – Khwaja Mir Dard

Posted in Dil Shayari,Zakhm,Zindagi Shayari by Anila

Tohamaten chand apne zimme dhar chale
jis liye aaye the so hum kar chale
zindagi hai ya koi tufan hai
hum to is jine ke hathon mar chale
kya hamen kam is gulon se ae saba
ek dam aaye idhar udhar chale
dosto dekha tamasha yan ka sab
tum raho khush hum to apne ghar chale
aah bas jee mat jala tab janiye
jab koi afsun tera us par chale
shama ke manind hum is bazm mein
chashm-nam aaye the daman-tar chale
dhundhate hain aap se usako pare
shekh sahib chod ghar bahar chale
hum jahan mein aaye the tanhavale
sath apne ab use lekar chale
jun sharar ae hasti-e-bebud yan
bare hum bhi apni bari bhar chale
ek main dil resh hun vaisa hi dost
zakhm kitanon ka suna hai bhar chale
hum na jane paye bahar aap se
wo bhi aade aa gaya jidhar chale
saqiya yan lag raha hai chal chalao
jab talak bas chal sake sagar chale
“dard” kuch malum hai ye log sab
kis taraf se aaye the kidhar chale

Poet of the Poem / Ghazal or Nazam : Khwaja Mir Dard

Mera jee hai jab tak teri justaju hai – Khwaja Mir Dard

Posted in Aarzoo Shayari,dard,Dil Shayari,Nazar by Anila

mera jee hai jab tak teri justaju hai
zaban jab talak hai yahi guftagu hai
khuda jane kya hoga anjam is ka
main besabar itna hun wo tund khu hai
tamanna hai teri agar hai tamanna
teri aarzoo hai, agar aarzoo hai
kiya sair hum ne gulzar-e-duniya
gul-e-dosti mein ajab rang-o-bu hai
ganimat hai ye did wa did-e-yaran
jahan mund gayi aankh, main hun na tu hai
nazar mere dil ki padi “dard” kis par
jidhar dekhata hun wahi ru-ba-ru hai

Poet of the Poem / Ghazal or Nazam :Khwaja Mir Dard

Jag mein aakar idhar udhar dekha – Khwaja Mir Dard

Posted in aashiq,dard,Nazar by Anila

jag mein aakar idhar udhar dekha
tu hi aaya nazar jidhar dekha
jan se ho gaye badan khali
jis taraf tune aankh bhar ke dekha
nala fariyad aah aur zari
aap se ho saka so kar dekha
un labon ne ke na masihai
hum ne sau -sau tarah se mar dekha
zor aashiq mizaj hai koi
“dard” ko qisa-e-mukhtasar dekha

Poet of the Poem / Ghazal or Nazam :Khwaja Mir Dard

Duniya mein kon kon na yak bar ho gaya – Khwaja Mir Dard

Posted in dard,Zamane by Anila

Duniya mein kon kon na yak bar ho gaya
par muh phir is tarf na kiya us ne jo gaya
phirati hai meri khak saba dar-ba-dar liye
aye chashm-e-ashkabar ye kya tujh ko ho gaya
aagah is jahan mein nahiin gair be khudan
jaga wahi idhar se jo mund aankh so gaya
tufan-e-noah ne to dubai zamin faqat
main nang-e-khalq sari khudai dubo gaya
baraham kaheen na ho gul-o-bulbul ke aashati
darta hun aj bag mein wo tund khu gaya
waiz kise darawe hai yom-ulhisab se
giriyan mera to nama-e-amal dho gaya
phulenge is zaban mein bhi gulzar-e-marafat
yan main zamin-e-sher mein ye tukhm bo gaya
aaya na aitadal par haragiz mazaj-e-dahar
main garche garm-o-sard-e-zamana samo gaya
aye “dard” jis ke aankh khuli is jahan mein
shabanam ke tarah jan ko apni wo ro gaya

Poet of the Poem / Ghazal or Nazam : Khwaja Mir Dard

Apne tain to har ghadi gham hai, aalam hai, daag hai – Khwaja Mir Dard

Posted in Gham-Afsoos,Yaad Shayari by Anila

apne tain to har ghadi gham hai, aalam hai, daag hai
yaad kare hamen kabhi kab ye tujhe dimag hai
ji ki khushi nahi giro sabz-o-gul ki hath kuch
dil ho shagufta jis jagah wo hi chaman hai bag hai
kis ki ye chashm-e-mast ne bazm ko yun chaka diya
masl-e-habab sar nagun sharam se har ayag hai
jalate hi jalate subah tak guzari use tamam shab
dil hai ki shola hai koi, shama hai ya chirag hai
paiye kis jagah bata aye but-e-bewafa tujhe
umr-e-guzashta ki tarah gum hi sada surag hai
sair-e-bahar-o-bag se hum ko maf kijiye
us ki khayal-e-zulf se dard kise farag hai?

 
Poet of the Poem / Ghazal or Nazam : Khwaja Mir Dard

Chaman men subah ye kahati thi ho

Posted in Pyar,Urdu shayari,Urdu Shayari,Yaad Shayari by Anila

chaman me.n subah ye kahatii thii ho kar chashm-e-tar shabanam
bahaar-e-baaG to yuu.N hii rahii lekin kidhar shabanam

arq kii buu.nd us kii zulf se ruKhasaar par Tapakii
taajjub kii hai jaage ye pa.Dii Khurshiid par shabnam

hame.n to baaG tujh bin Khaanaa-e-maatam nazar ayaa
idhar gul phaarate the jeb, rotii thii udhar shabanam

kare hai kuchh na kuchh taasiir sohabat saaf taabo.n kii
huii aatish se gul ke baiThate rashq-e-sharar shabnam

bhalaa tuk subah hone do ise bhii dekh leve.nge
kisii aashiq ke rone se nahii.n rakhati Khabar shabnam

nahii.n asbaab kuchh laazim subak saaro.n ke uThane ko
gaiii u.D dekhate apane baGair az baal-o-par shabnam

na paayaa jo gayaa is baaG se hargiz suraaG usakaa
na palTii phir sabaa idhar, na phir aaii nazar shabnam

na samajhaa Dard hamane bhed yaa.N kii shaadii-o-Gam kaa
sahar khandaan hai kyo.N rotii hai kis ko yaak kar shabanam

Poet of the poem/ghazal or Nazam: Khwaja Mir Dard