Yaro mujhe mu’af karo main nashe mein hun
ab do to jam khali hi do main nashe mein hun
mazur hun jo paon mere betarah pade
tum sar-garan to mujh se na ho main nashe mein hun
ya hathon hath lo mujhe jaise ke jam-e-may
ya thodi dur sath chalo main nashe mein hun
Poet of the Poem / Ghazal or Nazam : Meer Taqi Meer
Yar bin talkh zindagani thi
dosti muddai-e-jani thi
sheb mein fayada ta’mmul ka
sochana tab tha hab javani thi
mere qisse se sab ke ninden gain
kuch ajab taur ke kahani thi
ku-e-qatil se bach ke nikala khizr
isi mein us ke zindagani thi
fitr par bhi tha ‘mir’ ke ik rang
kafani pahani to zafarani thi
Poet of the Poem / Ghazal or Nazam :Meer Taqi Meer
Tum nahi fitana-saz sach sahab
shahar pur-shor is gulam se hai
koi tujh sa bhi kash tujh ko mile
mudda hum ko intaqam se hai
sher mere hain sab khvas pasand
par mujhe guftagu aavam se hai
sahal hai ‘meer’ ka samajhana kya
har sukhan usaka ik maqam se hai
Poet of the Poem / Ghazal or Nazam : Meer Taqi Meer
Sher ke parde mein main ne gham sunaya hai bahut
marsiye ne dil ko mere bhi rulaya hai bahut
vadi-o-kohasar mein rota hun dhade mar-mar
dilbaran-e-shahar ne mujh ko sataya hai bahut
va nahi hota kisi se dil girifta ishq ka
zahira gam-gin use rahana khush aaya hai bahut
Poet of the Poem / Ghazal or Nazam : Meer Taqi Meer
Tha mustear husn se usake jo nur tha
khurshid mein bhi us hi ka zarra-e-zahur tha
pahuncha jo aap ko to main pahuncha khuda ke tain
malum ab hua ki bahot main bhi dur tha
kal panv ek kasa-e-sar par jo aa gaya
yak-sar wo istakhvan shikaston mein choor tha
kahane laga ke dekh ke chal reh be-khabar
main bhi kabhu kisu ka sar-e-pur-gurur tha
tha wo to rashk-e-hur-e-bahishti hamin mein ‘meer’
samajhe na hum to feham ka apne qasur tha
Poet of the Poem / Ghazal or Nazam : Meer Taqi Meer
Sahar gah-e-id mein daur-e-subu tha
par apne jam mein tujh bin lahu tha
jahan pur hai fasane se hamare
dimag-e-ishq hum ko bhi kabhu tha
gul-o-aina kya khurshid-o-mah kya
jidhar dekha udhar tera hi ru tha
Poet of the Poem / Ghazal or Nazam : Meer Taqi Meer
Na socha na samajha na sikha na jana
mujhe aa gaya khudbakhud dil lagana
zara dekh kar apna jalwa dikhana
simat kar yahin aa na jaye zamana
zuban par lagi hain wafaon ki muharen
khamoshi meri kah rahi hai fasana
gulon tak lagayi to aasan hai lekin
hai dushwar kanton se daman bachana
karo lakh tum matam-e-naujavani
pa ‘mir’ ab nahi aayega woh zamana
Poet of the Poem / Ghazal or Nazam : Meer Taqi Meer
rahi nagufta mere dil mein dastan meri
na is dayar mein samajha koi zaban meri
barang-e-saut-e-jaras tujh se dur hun tanaha
khabar nahi hai tujhe aah karavan meri
usi se dur raha asl-e-mudda jo tha
gai ye umr-e-aziz aah rayagan meri
tere firaq mein jaise khayal muflis ka
gai hai fikr-e-pareshan kahan kahan meri
diya dikhai mujhe to usi ka jalva “meer”
padi jahan mein ja kar nazar jahan meri
Poet of The Poem / Ghazal or Nazam :Meer Taqi Meer
ulati ho gain sab tadabiren, kuch na dawa ne kam kiya
dekha is bimari-e-dil ne aakhir kam tamam kiya
ahd-e-javani ro-ro kata, piri mein lin aankhen mund
yani raat bahot the jage subah hui aaram kiya
Poet of the Poems / Ghazal or Nazam :Meer Taqi Meer
kya kahun tum se main ke kya hai ishq
jan ka rog hai, bala hai ishq
ishq hi ishq hai jahan dekho
sare aalam mein bhar raha hai ishq
ishq mashuq ishq aashiq hai
yani apna hi mubtala hai ishq
ishq hai tarz-o-taur ishq ke tain
kaheen banda kaheen khuda hai ishq
kon maqsad ko ishq bin pahuncha
aarzoo ishq va mudda hai ishq
koyi khvahan nahi mohabbat ka
tu kahe jins-e-narawa hai ishq
meerji zard hote jate hain
kya kaheen tum ne bhi kiya hai ishq?
Poet of the poem/ghazal or Nazam: Meer Taqi Meer
mere sang-e-mazar par farahad
rakh ke tesha kahe hai ‘ya ustad’
hum se bin marg kya juda ho malal
jan ke sath hai dil-e-nashad
fikr-e-tamir mein na reh munim
zindagi ke kuch bhi hai buniyad
khak bhi sar pe dalane ko nahi
kis kharabe mein hum huye aabad
sunate ho tuk suno ki phir mujh bad
na sunoge ye nala-o-fariyad
har taraf hain asir ham-avaz
bag hai ghar tera to ae sayyad
hum ko marana ye hai ke kab hove
apni qaid-e-hayat se aazad
Poet of the Poem / Ghazal or Nazam : Meer Taqi Meer
mahar ke tujhase tavaqqo thi sitamagar nikala
mom samajahe the tere dil ko so paththar nikala
daag hun rashk-e-mohabbat se ke itna betab
kis ke taskin ke liye ghar se tu bahar nikala
jite jee aah tere kuche se koi na phira
jo sitamadida raha jake so mar kar nikala
dil ke aabadi ki is had hai kharabi ke na puch
jana jata hai ki is reh se lashkar nikala
ashk-e-tar, qatara-e-khun, lakht-e-jigar, para-e-dil
ek se ek adu aankh se bahatar nikala
hum ne jana tha likhega tu koi harf ae ‘meer’
par tera nama to ek shauq ka daftar nikala
Poet of the Poem / Ghazal or Nazam :Meer Taqi Meer
manind-e-shama majalis-e-shab ashkabar paya
al qissa ‘meer ko hum ne beikhtiyar paya
shahar-e-dil ek muddat ujada basa gamon mein
aakhir ujad dena usaka qarar paya
itna na dil se milate na dil ko kho ke rehte
jaisa kiya tha hum ne vaisa hi yar paya
kya aitabar yan ka phir us ko khvar dekha
jisne jahan mein aakar kuch aitabar paya
aahon ke shole jis jan uthe hain ‘meer’ se shab
van ja ke subah dekha musht-e-gubar paya
Poet of the Poem / Ghazal or Nazam :Meer Taqi Meer
Kabe mein janbalab the hum duri-e-butan se
aaye hain phir ke yaron ab ke khuda ke yan se
jab kaundhati hai bijli tab janib-e-gulistan
rakhati hai ched mere khashak-e-ashiyan se
kya khubi us ke muh ke ae guncha naql kariye
tu to na bol zalim bu aati hai vahan se
khamoshi mein hi hum ne dekhi hai masalahat ab
har ik se hal dil ka muddat kaha zaban se
itni bhi bad mizaji har lahaza ‘meer tum ko
ulajhav hai zamin se, jhagada hai aasman se
Poet of the Poem / Ghazal or Nazam : Meer Taqi Meer
jo tu hi sanam hum se bezar hoga
to jina hamen apna dushawar hoga
gam-e-hijr rakhega betab dil ko
hamen kudhate-kudhate kuch aazar hoga
jo afrat-e-ulfat hai aisa to aashiq
koi din mein barason ka bimar hoga
uchatati mulaqat kab tak rahegi
kabhu to tah-e-dil se bhi yar hoga
tujhe dekh kar lag gaya dil na jana
ke is sangdil se hamen pyar hoga
Poet of the Poem / Ghazal or Nazam :Meer Taqi Meer