Wo jo hum mein tum mein qarar tha tumhen yaad ho ke na yaad ho
wohi yani wada nibah ka tumhen yaad ho ke na yaad ho
wo naye gile wo shikayaten wo maze maze ke hikayaten
wo har ek baat pe ruthana tumhen yaad ho ke na yaad ho
koi baat aisi agar hui jo tumhare jee ko buri lagi
to bayan se pahale hi bhulana tumhen yaad ho ke na yaad ho
suno zikr hai kai saal ka, koi wada mujh se tha aap ka
wo nibahane ka to zikr kya, tumhen yaad ho ke na yaad ho
kabhi hum mein tum mein bhi chah thi, kabhi hum se tum se bhi reh thi
kabhi hum bhi tum bhi the aashna, tumhen yaad ho ke na yaad ho
hue ittefaq se gar baham, wo wafa jatane ko dam-ba-dam
gila-e-malamat-e-arqaba, tumhen yaad ho ke na yaad ho
wo jo lutf mujh pe the beshtar, wo karam ke hath mere hath par
mujhe sab hain yaad zara zara, tumhen yaad no ki na yaad ho
kabhi baithe sab hain jo ru-ba-ru to isharaton hi se guftagu
wo bayan shauq ka baramala tumhen yaad ho ki na yaad ho
wo bigadana vasl ke raat ka, wo na manana kisi baat ka
wo nahiin nahi ke har aan ada, tumhen yaad ho ki na yaad ho
jise aap ginte the aashna jise aap kahate the bavafa
main wohi hun “momin”-e-mubtala tumhen yaad ho ke na yaad ho

Poet of the Poem / Ghazal or Nazam : Momin Khan Momin. 

Share with us more Moman khan poetry or ghazal lyrics like “Wo jo hum mein tum mein qarar tha tumhen yaad ho ke na yaad ho” in comments section below.

Shab tum jo bazm-e-ghair mein aankhen chura gaye
khoye gaye hum aise ke agyar pa gaye
majalis mein us ne pan diya apne hath se
agyar sabz bakht the hum zeher kha gaye
gairon se ho wo pardanashin kyon na behijab
dam hay be-asar mere parda utha gaye
waiz ke zikr-e-mehar-e-qayamat ko kya kahun
aalam shab-e-vasl ke aankhon mein cha gaye
duniya hi se gaya main jo nahi naz se kaha
ab bhi guman-e-bad na gaye tere ya gaye
ae “momin” aap kab se hue banda-e-butan
bare hamare ??? mein hazarat bhi aa gaye

Poet of the Poem / Ghazal or Nazam : Momin Khan Momin

Thani thi dil mein ab na milenge kisi se hum
par kya kare ke ho gaye nachar jee se hum
hum se na bolo tum ise kya kahate hain bhala
insaf kije puchate hain aap hi se hum
kya gul khilega dekhiye hai fasl-e-gul to dur
aur su-e-dasht bhagte hain kuch abhi se hum
kya dil ko le gaya koi begana aashna
q apne jee ko lagate hain kuch ajanabi se hum

Poet of the Poem / Ghazal or Nazam : Momin Khan Momin

Roya karenge aap bhi paharon isi tarah
ataka kaheen jo aap ka dil bhi meri tarah
na tab hijr mein hai na aaram vasl mein
kamabakht dil ko chain nahi hai kisi tarah
gar chup rahen to gam-e-hijran se chut jayen
kahate to hain bhale ke wo lekin buri tarah
na jaye van bane hai na bin jaye chain hai
kya kijiye hamen to hai mushkil sabhi tarah
lagti hain galiyan bhi teri mujhe kya bhali
quraban tere, phir mujhe kah le isi tarah
hun janbalab butan-e-sitamagar ke hath se
kya sab jahan mein jite hain “momin” isi tarah

Poet of the Poem / Ghazal or Nazam :Momin Khan Momin

navak andaz jidhar dida-e-janan honge
nim-bismil kai honge kai bejan honge
tab-e-nazara nahi aaina kya dekhane dun
aur ban jayenge tasvir jo hairan honge
tu kahan jayegi kuch apna thikana kar le
hum to kal khvab-e-adam mein shab-e-hijaran honge
phir bahar aayi wohi dasht-e-navardi hogi
phir wohi paon wohi khar-e-mugelan honge
nasiha dil mein tu itna to samajh apne ke hum
lakh nadan huye kya tujh se bhi nadan honge
ek hum hain ke huye aise pasheman ke bas
ek wo hain ke jinhen chah ke arman honge
minnat-e-hazarat-e-isa na uthayenge kabhi
zindagi ke liye sharminda-e-ehasan honge
umr to sari kati ishq-e-butan mein “momin”
ab aakhiri waqt mein kya khak musalaman honge

Poet of the Poem / Ghazal or Nazam : Momin Khan Momin

mar hi dal mujhe chasm-e-ada se pahale
apni manzil ko pahunch jaun qaza se pahale
ik nazar dekh lun aa jao qaza se pahale
tum se milane ke tamanna hai khuda se pahale
hashr ke roz main puchunga khuda se pahale
tu ne roka nahi q mujhko khata se pahale
ae meri maut thahar unko zara aane de
zeher ka jam na de mujhko dawa se pahale
hath pahunche bhi na the zulf dota tak “momin”
hathakadi dal di zalim ne khata se pahale

Poet of the Poem / Ghazal or Nazam :Momin Khan Momin

jalta hun hijr-e-shahid-o-yad-e-sharab mein
shauq-e-savab ne mujhe dala azab mein
kahate hain tum ko hosh nahi iztarab mein
sare gile tamam hue ek javab mein
phaili shamim-e-yar mere ashk-e-surkh se
dil ko gazab fishar hua pech-o-tab mein
rehte hain jama kucha-e-janan mein khas-o-am
aabad ek ghar hai jahan-e-kharab mein
badanam mere giriya-e-rusava se ho chuke
ab uzr kya raha nigah-e-behijab mein
matalab ke justaju ne ye kya hal kar diya
hasrat bhi nahi dil-e-nakamayab mein
nakamiyon se kam raha umr bhar hamen
piri mein yas hai jo havas thi shabab mein
kya jalve yaad aaye ke apni khabar nahi
be-bada mast hun main shab-e-mahatab mein
paiham sajud pa-e-sanam par dam-e-vida
“momin” khuda ko bhool gaye iztarab mein

 
Poet of the Poem / Ghazal or Nazam : Momin Khan Momin

asar usako zara nahi hota
ranj rahat faza nahi hota
tum hamare kisi tarah na hue
varana duniya mein kya nahi hota
narasai se dam ruke to ruke
main kisi se khafa nahi hota
tum mere pas hote ho goya
jab koi dusara nahi hota
hal-e-dil yar ko likhun kyon kar
hath dil se juda nahi hota
kyon sune arz-e-muztarib ae ‘momin’
sanam aakhir khuda nahi hota

 
Poet of the Poem / Ghazal or Nazam : Momin Khan Momin

Dar to mujhe kiska hai ki main kuch nahi kehta
par hal ye afshan hai ki main kuch nahi kehta
naseh ye gila hai ki main kuch nahi kehta
tu kab meri sunata hai ki main kuch nahi kehta
kuch gair se honton mein kahe hai pe jo pucho
to waheen mukarata hai ki main kuch nahi kehta
naseh ko jo chahun to abhi thik bana dun
par khauf khuda ka hai ki main kuch nahi kehta
chupke se tere milane ka ghar valon mein tere
is vaste charcha hai ki main kuch nahi kehta
ae charagaro qabil-e-daraman nahi ye dard
varna mujhe sauda hai ki main kuch nahi kehta
har waqt hai dushnam har ek bat pe tana
phir is pe bhi kehta hai ki main kuch nahi kehta
“momin” ba-khuda sihar bayani ka jabhi tak
har ek ko dawa hai ki main kuch nahi kehta

Poet of the Poem / Ghazal or Nazam : Momin Khan Momin