wo ahad ahad hi kya jise nibhao bhi
hamare vada-e-ulfat ko bhool jao bhi
bhala kahan ke hum aise guman wale hain
hazar bar hum aayen hamen bulao bhi
bigad chala hai bahut rasm-e-khudkushi ka chalan
darne valo kisi roz kar dikhao bhi
tumhari neend mein dubi hui aankhon ke qasam
hamen ye zid hai ki jago bhi aur jagao bhi
Poet of the Poems/Ghazal or Nazam:Mustafa Zaidi
Rokata hai gam-e-izhar se pindar mujhe
mere ashkon se chupa le mere rukhsar mujhe
dekh ae dasht-e-junun bhed na khulane paye
dhundhane aaye hain ghar ke dar-o-divar mujhe
si diye honth usi shakh ke majboori ne
jis ke qurbat ne kiya maharam-e-asrar mujhe
meri aankhon ke taraf dekh rahe hain anjum
jaise pehchan gai ho shab-e-bedar mujhe
jins-e-virani-e-sahara meri dukan mein hai
kya kharidega tere shahar ka bazar mujhe
jaras-e-gul ne kai bar bulaya lekin
le gai reh se zanjir ke jhankar mujhe
navak-e-zulm utha dashna-e-andoh sambhal
lutf ke khanjar-e-benam se mat mar mujhe
sari duniya mein ghani raat ka sannata tha
sahan-e-zindan mein mile subah ke aasar mujhe
Poet of the Poem / Ghazal or Nazam :Mustafa Zaidi
aandhi chali to naqsh-e-kaf-e-pa nahi mila
dil jis se mil gaya wo dubara nahi mila
aavaz ko to kon samajhata ki dur dur
khamoshiyon ka dard-shanasa nahi mila
hum anjuman mein sab ke taraf dekhte rahe
apani tarah se koi akela nahi mila
kachche ghade ne jit li nadi chadhi hui
mazabut kashtiyon ko kinara nahi mila
Poet of the Poem / Ghazal or Nazam : Mustafa Zaidi