Na shikayaten na gila kare
koi aisa shakhs hua kare
jo mere liye hi saja kare
mujh hi se baten kiya kare
kabhi roye jaye wo bepanah
kabhi betahasha udas ho
kabhi chupke chupke dabe qadam
mere piche aa kar hansa kare
meri qurbaten meri chahaten
koi yaad kare qadam qadam
main tavil safar mein hun agar
meri vapasi ke dua kare
Poet of the Poem / Ghazal or Nazam : Amjad Islam Amjad
mashq-e-sitam faramate rahiye
yun hi mujhe tadapate rahiye
pyason ko tarasate rahiye
jam yun hi chalakate rahiye
qadmon mein aa jayega sahil
tufan se takarate rahiye
nazmen jahan ulajhe to ulajhe
zulfon ko sulajhate rahiye
fasl-e-baharan ruth na jaye
sahan-e-chaman mein aate rahiye
Poet of the Poem / Ghazal or Nazam :Saeed Shahidi
Kabhi to khul ke baras abr-e-meharaban ke tarah
mera vajud hai jalate hue makan ke tarah
bhari bahar ka sina hai zakhm zakhm magar
saba ne gaye hain lori shafiq man ke tarah
wo kon tha jo barahana badan chattanon se
lipat gaya tha kabhi bahr-e-bekaran ke tarah
sakut-e-dil to jazira hai barf ka lekin
tera khulus hai suraj ke sayeban ke tarah
main ik khwab sahi aap ke amanat hun
mujhe sambhal ke rakhiyega jism-o-jan ke tarah
kabhi to soch ke wo shakhs kis qadar tha buland
jo bich gaya tere qadmon mein aasman ke tarah
bula raha hai mujhe phir kisi badan ka basant
guzar na jaye ye rut bhi kaheen khizan ke tarah
lahu hai nisf sadi ka jis ke aabagine mein
na dekh “prem” use chashm-e-argavan ke tarah
Poet of the Poem / Ghazal or Nazam : Prem Warbartoni
Lutf wo ishq mein paye hain ki jee janata hai
ranj bhi itane uthaye hain kio jee janata hai
jo zamane ke sitam hain wo zamana jane
tune dil itane dukhaye hain ki jee janata hai
tum nahi janate ab tak ye tumhare andaz
wo mere dil mein samaye hain ki jee janata hai
inhin qadmon ne tumhare inhin qadmon ke qasam
khak mein itane milaye hain ki jee janata hai
dosti mein teri daraparda hamare dushman
is qadar apne paraye hain ki jee janata hai
Poet of the Poem / Ghazal or Nazam : DaaG Dehlvi
Bahut pahale se un qadamon ke aahat jan lete hain
tujhe ae zindagi hum dur se pahachan lete hain
meri nazaren bhi aise qatilon ka jan-o-iman hai
nigahen milate hi jo jan aur iman lete hain
tabiyat apani ghabarati hai jab sun-san raton mai
hum aise mai teri yadon ke chadar tan lete hain
khud apana faisala bhi ishq mai kafi nahi hota
use bhi kaise kar guzaren jo dil mai than lete hain
jise surat batate hain pata deti hai sirat ka
ibarat dekh kar jis taraha mani jan lete hain
tujhe ghata na hone denge karobar-e-ulfat mai
hum apne sar tera ae dost har ehasan lete hain
hamari har nazar tujhase nayi saugandh khati hai
to teri har nazar se hum naya paigam lete hain
‘firaq’ aksar badal kar bhes milta hai koi qafir
kabhi hum jan lete hain kabhi pahachan lete hain
Poet of the Poem / Ghazal or Nazam : Firaq Gorakhpuri
aj bhi hain mere qadamon ke nishan aavara
teri galiyon mai bhatakate the jahan aavara
tujh se kya bichade to ye ho gai apani halat
jaise ho jaye havaon mai dhuan aavara
mere sheron ke thi pahachan usi ke dam se
us ko kho kar hue benam-o-nishan aavara
jis ko bhi chaha use tut ke chaha “rashid”
kam milenge tumhen hum jaise yahan aavara
aap ke berukhi ka shikava kya
dil tha napaidar toot gaya
dekh li dil ne besabati-e-gul
phir tilism-e-bahar toot gaya
‘saif’ kya char din ke ranjish se
itani muddat ka pyar toot gaya
koi to bat chide aj bahut jee hai udas
kam se kam rahamat-e-agyar ke baten hi sahi
ab to tanhai ko ye karb na hoga bardasht
kuch nahi to dar-o-divar ke baten hi sahi
ye bhi kya kam hai unhen qurbat-e-gul to hai nasib
aj gul ke na sahi khar ke baten hi sahi
ye to tai hai ki jiye jayenge har hal mein hum
un ke lab par rasan-o-dar ke baten hi sahi
Poet of the Poem / Ghazal or Nazam : Mumtaz Rashid