Ye kah kar diye meri qismat mein nale
tumhari amanat tumhare havale
bas itni hai duri ye manzil hai ye main hun
kahan aake phute hain paon ke chale
karun aisa sajda wo ghabara ke kah den
khuda ke liye ab to sar ko utha le
mariz-e-shab-e-gam ke sans aakhiri hai
charag-e-sahar le raha hai sambhale
kabhi mar bhi chuk ae mariz-e-muhabbat
pareshan baithe hain ghar jane wale
qayamat hain zalim ke nichi nigahen
khuda jane kya ho jo nazaren utha le
“qamar main hun mukhtar tanzim-e-shab ka
hain mere hi bas mein andhere ujale

Poet of the Poem / Ghazal or Nazam : Qamar Jalalwi

Wo diya jis se mere qalb-o-nazar raushan the
main ne jab hath lagaya to jale hath mere
ghar ke takhti koi padhata hi nahi kya kije
koi ho jo ki mujhe shahar mein rusava kar de
mujhe ye dukh ki ye lazzat teri qismat mein nahi
aur tu khush ki kisi sanp ne kata na tujhe
teri qismat teri hathon ke lakiron mein nahi
dhundh kar la wo sitara ki jabin par chamake
dekhane kuch na diya dasht ke aage kya hai
ban gaye reh ke divar musafir kitne
vadi-e-marg hai ye shahar jo din ko khush tha
aap shab-khun ke tamanna mein kahan aa pahunche
mere hathon se ruka sail-e-hava ka rela
sang hun ya ki main aahan hun mujhe sochane de

Poet of the Poem / Ghazal or Nazam : Shehzad Ahmed

Tu mere sath chal na payegi
jab meri reh teri reh se milati hi nahi
phir mera sath nibhane ke zarurat kya hai
apni masum tamannaon ko rahabar na bana
khwab phir khwab hain labon ke haqiqat kya hai
ye nai reh tujhe ras nahi aayegi
main ne mana ki tujhe mujh se muhabbat hai magar
meri gurbat teri chahat ka sila kya degi
apni maharumi-e-qismat se pareshan hun main
bebasi ashk-e-nadamat ke siva kya degi
waqt ke dhup mein har cheez jhulas jayegi

Poet of the Poem / Ghazal or Nazam : Shamim Shahabadi

Tu kisi aur ke jagir hai ae jan-e-gazal
log tufan utha denge mere sath na chal
pahalehaq tha teri chahat ke chaman par mera
pahale haq tha teri khushbu-e-badan par mera
ab mera pyar tere pyar ka haqdar nahi
main tere gesu-o-rukhsar ka haqdar nahi
ab kisi aur ke shanon pe hai tera aanchal
main tere pyar se ghar apna basaun kaise
main teri mang sitaron se sajaun kaise
meri qismat mein nahi pyar ke khushbu shayad
mere hathon ke lakiron mein nahi tu shayad
apni taqdir bana mera muqaddar na badal
mujh se kahati hain ye khamosh nigahen teri
meri paravaz se unchi hain panahen teri
aur gairat-e-ehasas pe sharminda hun
ab kisi aur ke bahon mein hain bahen teri
ab kahan mera thikana hai kahan tera mahal

Poet of the Poem / Ghazal or Nazam : Zafar Kaleem

Tum pucho aur main na bataun aise to halat nahi
ek zara sa dil tuta hai aur to koi baat nahi
kis ko khabar thi sanvale badal bin barase ud jate hain
savan aaya lekin apni qismat mein barsat nahi
mana jivan mein aurat ek bar mohabbat karati hai
lekin mujhko ye to bata de kya tu aurat zat nahi
khatm hua mera afasana ab ye aansu ponch bhi lo
jis mein koi tara chamake aj ke raat wo raat nahi
mere gam-gin hone par ahabab hain yon hairan “qateel”
jaise main pathar hun mere sine mein jazbat nahi

Poet of the Poem / Ghazal or Nazam : Qateel Shifai

Tum ne tahariq mujhe di ki jao dekho
chand taron se pare aur duniyayen hain
tum ne hi mujh se kaha tha ki khabar le aao
mere dil mein waheen jane ke tamanayen hain
aur main chal diya gaur kiya kab is par
kitna mahadud hai insan ke quvvat ka tilism
bas yahi jee ko khayal aaya tumhen khush kar dun
ye na socha ki yun mit jayega rahat ka tilism
aur ab ham-dami-o-ishrat-e-rafta kaise
aah ab duri hai duri hai faqat duri hai
tum kaheen aur main kaheen ab nahi pahali halat
laut ke aa bhi nahi sakata ye hai majboori
meri qismat ki judai tumhen manzur hui
meri qismat ki pasand aayi na meri baten
ab nahi jalvagah-e-khilavat-e-shab afsane
ab to bas tira-o-tarik hai apni raten

Poet of the Poem / Ghazal or Nazam : Miraji

Na rasta na koi dagar hai yahan
magar sab ke qismat safar hai yahan
sunai na degi dilon ke sada
dimagon mein wo shor-o-shar hai yahan
hawaon ke ungali pakad kar chalo
vasila ik yahi motabar hai yahan
na is shahar-e-behis ko sehra kaho
suno ik hamara bhi ghar hai yahan
palak bhi jhapakate ho “makhmoor” q
tamasha bahut mukhtasar hai yahan

Poet of the Poem / Ghazal or Nazam : Makhmoor Saeedi

main unhen chedun aur kuch na kahen
chal nikalate jo mein piye hote
qahar ho ya bala ho, jo kuch ho
kash ke tum mere liye hote
meri qismat mein gham gar itna tha
dil bhi ya rab kai diye hote
aa hi jata wo reh par ‘ghalib’
koi din aur bhi jiye hote

 
Poet of the Poem / Ghazal or Nazam :Mirza Ghalib

phirate hain kab se darbadar ab is nagar ab us nagar
ek dusare ke hamsafar main aur meri aavaragi
na aashana har rahguzar na meharban hai ek nazar
jayen to ab jayen kidhar main aur meri aavaragi
hum bhi kabhi aabad the aise kahan barbad the
bifikr the aazad the masarur the dilshad the
wo chal aisi chal gaya hum bujh gaye dil jal gaya
nikle jala ke apna ghar main aur meri aavaragi
wo mah-e-vash wo mah-e-ruh wo mah-e-kamil hubahu
thin jis ke baten kubaku us se ajab thi guftagu
phir yun hua wo kho gai aur mujh ko zid si ho gai
layenge us ko dhund kar main aur meri aavaragi
ye dil hi tha jo sah gaya wo baat aisi kah gaya
kahane ko phir kya reh gaya ashkon ka dariya bah gaya
jab kah kar wo dilbar gaya tee liye main mar gaya
rote hain us ko raat bhar main aur meri aavaragi
ab gham uthayen kis liye ye dil jalayen kis liye
aansu bahayen kis liye yun jan gavayen kis liye
pesha na ho jis ka sitam dhundenge ab aisa sanam
honge kaheen to kargar main aur meri aavaragi
aasar hain sab khot ke imkan hain sab chot ke
ghar band hain sab kot ke ab khatm hai sab totake
qismat ka sab ye khel hai andher hi andher hai
aise hue hain beasar main aur meri aavaragi
jab hamdam-o-hamraz tha tab aur hi andaz tha
ab soz hai tab saz tha ab sharm hai tab naz tha
ab mujh se ho to ho bhi kya hai sath wo to wo bhi kya
ek behunar ek besabar main aur meri aavaragi

Poet of the Poem / Ghazal or Nazam :Javed Akhtar

mana ke un ke nezon pe ab sar nahi koi
kya un ke aastin mein bhi khanjar nahi koi
majaburiyon ne ghar se nikalne na diya
duniya samajh rahi hai mera ghar nahi koi
ab kya karenge hum naye surajki roshani
jab dekhane ke vaste manzar nahi koi
dil ho raha hai der se khamosh jhil sa
kya doston ke hath mein pathar nahi koi
qismat sabhi ke waqt ke hathon mein rahati hai
is daur mein kisi ka muqaddar nahi koi

Poet of the Poem / Ghazal or Nazam :Sagar Azmi

man mausam ka kaha, chai ghata, jam utha
aag se aag bujha, phul khila, jam utha
pi mere yar tujhe apni qasam deta hun
bhool ja shikava-gila, hath mila, jam utha
hath mein jam jahan aaya muqaddar chamaka
sab badal jayega qismat ka likha jam utha
ek pal bhi kabhi ho jata hai sadiyon jaisa
der kya karana yahan, hath bada, jam utha
pyar hi pyar hai sab log barabar hain yahan
maikade mein koi chota na bada, jam utha

Poet of the Poem / Ghazal or Nazam :Bashir Badr

aap bevajah pareshan-si kyon hain madam
log kahate hain to phir thik hi kahate honge
mere ehabab ne tahazib na sikhi hogi
mere mahaul mein insan na rehte honge
nur-e-saramaya se hai ru-e-tamaddun ke jila
hum jahan hain vahan tahazib nahi pal sakati
mufalisi hiss-e-latafat ko mita deti hai
bhuk aadab ke sanche mein nahi dhal sakati
log kahate hain to logon pe t’ajjub kaisa
sach to kahate hain ki nadaron ke izzat kaisi
log kahate hain – magar aap abhi tak chup hain
aap bhi kahiye garibon mein sharafat kaisi
nek madam! bahut jald wo daur aayega
jab hamen zist ke adavar parakhane honge
apni zillat ke qasam, aap ke azamat ke qasam
hamako ta’zim ke mear parakhane honge
hum ne har daur mein tazalil sahi hai lekin
hum ne har daur ke chehare ko ziya bakhshi hai
hum ne har daur mein mehanat ke sitam jhele hain
hum ne har daur ke hathon ko hina bakhshi hai
lekin in talkh mubahis se bhala kya hasil
log kahate hain to phir thik hi kahate honge
mere ehabab ne tahazib na sikhi hogi
mere mahaul mein insan na rehte honge

Poet of the Poem / Ghazal or Nazam :Sahir Ludhianvi

jalta nahi aur jal raha hun
kis aag mein main pighal raha hun
mafaluj hain hath-panv mere
phir zahan mein q chal raha hun

rai ka bana ke ek parvat
ab is pe khud hi phisal raha hun
kis hath se hath main milaun
ab apne hi hath mal raha hun
kyon aaina bar bar dekhun
main aj nahi jo kal raha hun
ab kon sa dar raha hai baqi
us dar se kyon main nikal raha hun
qadmon ke tale to kuch nahi hai
kis cheez ko main kuchal raha hun
ab koi nahi raha sahara
main aj se phir sambhal raha hun
ye barf hatao mere sar se
main aj kuch aur jal raha hun

Poet of the Poem / Ghazal or Nazam : Khalil ur Rahman Azmi

jahan ban ban ke aas dil ke tuti jati hai
waheen qismat khadi becharagi pe muskurati hai
gam-e-ulfat ke hathon jo mita be-asara ho kar
usi pamal-e-gam ko haye ab duniya satati hai
kahan rehta hai qabu phir dil-e-nakam par mujh ko
ke jab rah rah ke tanahai mein teri yaad aati hai
hava-e-gam ka muntazar hun vafur-e-shauq mein ‘yahya’
magar ab dekhiye un ke tajalli kya dikhati hai

Poet of the Poem / Ghazal or Nazam :Yahya Jasdanwalla

jab tere shahar se guzarata hun
dil bhi karta hai yaad chup ke tujhe
naam leti nahi zuban tera
ye bhi nahi mujhe malum
kis mohalle mein hai makan tera
kon si shakh-e-gul pe raqsan hai
rashk-e-firdaus aashiyan tera
jane kin vadiyon
mein thehara hai
girat-e-husn karavan tera
kis se puchunga main khabar teri
kon batalayega nishan tera
teri rusvaiyon se darta hun
jab tere shahar se guzarata hun
hal-e-dil bhi na kah saka garche
tu rahi muddaton qarib mere
kuch teri azmaton ka dar bhi tha
kuch khayalat the ajeeb mere
aakhir kar wo ghadi aayi
bar-e-dar ho gaye raqib mere
tu mujhe chod ke chali bhi gai
khair qismat meri nasib mere
ab main kyon tujh se pyar karta hun
jab tere shahar se guzarata hun
wo zamana teri muhabbat ka
ek bhuli hui kahani hai
tere kuche mein umr bhar na gaye
sari duniya ke khak chani hai
lazzat-e-qarb ho ke zakhm-e-firaq
jo bhi hai teri meharabani hai
kis tamanna se tujh ko chaha tha
kis muhabbat se har mani hai
apni qismat pe naz karta hun
jab tere shahar se guzarata hun

Poet of the Poem / Ghazal or Nazam :Saifuddin Saif