Zindagi Sirf Mohabbat Nahi Kuch Aur Bhi Hai
Zulf-O-Rukhsaar Ki Jannat Nahi Kuch Aur Bhi Hai<

Bhookh Aur Pyaas Ki Maari Hui Is Duniya Mein
Ishq Hi Ek Haqeeqat Nahi Kuch Aur Bhi Hai

Pyaar Par Bas To Nahi Hai Lekin Phir Bhi
Tu Bata De Ki Main Tujhe Pyaar Karoon Ya Na Karoon

+————–+

Nafraton ke jahan mein humko pyaar ki bastiyaan basaani hain
Door rehna koi kamaal nahi, paas aao to koi baat bane

Tumse Quwwat Lekar, Main Tumko Raah Dikhaaonga
Tum Parcham Lehrana Saathi, Main Barbat par Gaoonga.
Aaj se Mere Phan ka Maksad Zanjeere Pighlana Hai
Aaj se Main Shabnam ke Badle Angaare Barsaoonga.

Share with us more …Sahir ludhianvi shayari .in comments section below

Ye husn tera ye ishq mera
rangin to hai badnam sahi
mujh par to kai ilzam lage
tujh par bhi koi ilzam sahi
is raat ke nikhari rangat ko
kuch aur nikhar jane de zara
nazron ko bahak jane de zara
zulfon ko bikhar jane de zara
kuch der ke hi taskin sahi
kuch der ka hi aaram sahi
jazbat ke kaliyan chunana hai
aur pyar ka tohfa dena hai
logon ke nigahen kuch bhi kahen
logon se hamen kya lena hai
ye khas ta’alluq aapas ka
duniya ke nazar mein aam sahi
rusavai ke dar se ghabara kar
hum tark-e-vafa kab karte hain
jis dil ko basa lain pehlu mein
us dil ko juda kab karte hain
jo hashr hua hai lakhon ka
apna bhi wohi anjam sahi
ye husn tera ye ishq mera
rangin to hai badnam sahi
mujh par to kai ilzam lage
tujh par bhi koi ilzam sahi

Poet of the Poem / Ghazal or Nazam :Sahir Ludhianvi

Tumhari mast nazar agar idhar nahi hoti
nashe mein choor fiza is kadar nahi hoti
tumhin ko dekhane ke dil mein aarazuen hain
tamhare aage hi aur unchi nazar nahi hoti
khafa na hona agar bad ke tham lun daman
ye dil fareb khata jan kar nahi hoti
tumhare aane talak hum ko hosh rehta hai
phir usake bad hamen kuch khabar nahi hoti

Poet of the Poem / Ghazal or Nazam : Sahir Ludhianvi

Saza ka hal sunaye jaza ke baat karen
khuda mila ho jinhen wo khuda ke baat karen
unhen pata bhi chalen aur wo khafa bhi na ho
is ehatiyat se kya maza ke baat karen
hamare ahad ke tahazib mein qaba hi nahi
agar qaba ho to band-e-qaba ke baat karen
har ek daur ka mazahab naya khuda lata
karen to hum bhi magar kis khuda ke baat karen
vafashiyar kai hain koi hasin bhi to ho
chalo phir aj usi bevafa ke baat karen

Poet of the Poem / Ghazal or Nazam : Sahir Ludhianvi

Tera khayal dil se mitaya nahi abhi
bedard main ne tujh ko bhulaya nahi abhi
kal tune muskura ke jalaya tha khud jise
sine aa wo charag bujhaya nahi abhi
gardan ko aj bhi tere bahon ke yaad hai
chaukhat se teri sar ko uthaya nahi abhi
behosh hoke jald tujhe hosh aa gaya
main badanasib hosh mein aaya nahi abhi

Poet of the Poem / Ghazal or Nazam : Sahir Ludhianvi

Tang aa chuke hain kash-ma-kash-e-zindagi se hum
thukra na den jahan ko kaheen bedili se hum
mayusi-e-ma’al-e-mohabbat na puchiye
apanon se pesh aaye hain beganagi se hum
lo aj hum ne tod diya rishta-e-ummid
lo ab kabhi gila na karenge kisi se hum
ubharenge ek bar abhi dil ke val-vale
go dab gaye hain bar-e-gam-e-zindagi se hum
gar zindagi mein mil gaye phir ittafaq se
puchenge apna hal teri bebasi se hum
ALLAH re fareb-e-masahiyat ke aj tak
duniya ke zulm sahate rahe khamoshi se hum
hum gam-zada hain laye kahan se khushi ke geet
denge wahi jo payenge is zindagi se hum

Poet of the Poem / Ghazal or Nazam : Sahir Ludhianvi

wo subah kabhi to aayegi
in kali sadiyon ke sar se jab raat ka aanchal dhalakega
jab dukh ke badal pighalenge jab sukh ka sagar jhalakega
jab ambar jhum ke nachega jab dharati nagme gayegi
wo subah kabhi to aayegi
jis subah ke khatir jug jug se hum sab mar mar ke jite hain
jis subah ke amrit ke dhun mein hum zeher ke pyale pite hain
in bhuki pyasi ruhon par ik din to karam faramayegi
wo subah kabhi to aayegi
mana ke abhi tere mere aramanon ke qimat kuch bhi nahi
matti ka bhi hai kuch mol magar insanon ke qimat kuch bhi nahi
insanon ke izzat jab jhuthe sikkon mein na toli jayegi
wo subah kabhi to aayegi
daulat ke liye jab aurat ke ismat ko na becha jayega
chahat ko na kuchala jayega, izzat ko na becha jayega
apni kali karatuton par jab ye duniya sharmayegi
wo subah kabhi to aayegi
bitenge kabhi to din aakhir ye bhuk ke aur bekari ke
tutenge kabhi to but aakhir daulat ke ijaradari ke
jab ek anokhi duniya ke buniyad uthai jayegi
wo subah kabhi to aayegi
majabur budapa jab suni rahon ke dhul na phankega
masum ladakapan jab gandi galiyon mein bhik na mangega
haq mangane walon ko jis din suli na dikhai jayegi
wo subah kabhi to aayegi
faqon ke chitaon par jis din insan na jalaye jayenge
sine ke dahakate dozakh mein araman na jalaye jayenge
ye narak se bhi gandi duniya, jab swarg banai jayegi
wo subah kabhi to aayegi
jis subah ke khatir jug jug se hum sab mar mar ke jite hain
jis subah ke amrit ke dhun mein hum zeher ke pyale pite hain
wo subah na aaye aj magar, wo subah kabhi to aayegi
wo subah kabhi to aayegi

Poet of  the Poems / Ghazal or Nazam :Sahir Ludhianvi

chand kaliyan nashat ke chunakar
muddaton mahv-e-yas rehta hun
tera milana khushi ke baat sahi
tujhase mil kar udas rehta hun

Poet of The Poem / Ghazal or Nazam :Sahir Ludhianvi

Taj tere liye ik mazahar-e-ulfat hi sahi
tum ko is vadi-e-rangin se aqidat hi sahi
mere mahbub kaheen aur mila kar mujh se!
bazm-e-shahi mein garibon ka guzar kya mani
sabt jis reh pe hon satavat-e-shahi ke nishan
us pe ulfat bhari ruhon ka safar kya mani
meri mahbub pas-e-parda-e-tashir-e-vafa
tu ne satavat ke nishanon ko to dekha hota
murda shahon ke maqabir se bahalevali
apne tarik makanon ko to dekha hota
anaginat logon ne duniya mein muhabbat ke hai
kon kehta hai ki sadiq na the jazbe un ke
lekin un ke liye tashir ka saman nahi
q ke wo log bhi apni hi tarah mufalis the
ye imarat-o-maqabir ye fasilen, ye hisar
mutal-qulhukm shahanashahon ke azamat ke sutun
daman-e-dahar pe us rang ke gulakari hai
jis mein shamil hai tere aur mere ajadad ka khoon
meri mahabub! unhen bhi to muhabbat hogi
jinaki sannai ne bakhshi hai ise shakl-e-jamil
un ke pyaron ke maqabir rahe benam-o-namud
aj tak un pe jalai na kisi ne qandil
ye chamanazar ye jamuna ka kinara ye mahal
ye munaqqash dar-o-divar, ye maharab ye taq
ik shahanashah ne daulat ka sahara le kar
hum garibon ke muhabbat ka udaya hai mazak
mere mahbub kaheen aur mila kar mujhase!

Poet of the Poem / Ghazal or Nazam : Sahir Ludhianvi

mohabbat tark ke main ne gareban si liya main ne
zamane ab to khush ho zeher ye bhi pi liya main ne
abhi zinda hun lekin sochata rehta hun khalvat mein
ki ab tak kis tamanna ke sahare jee liya main ne
unhen apna nahi sakata magar itna bhi kya kam hai
ki kuch muddat hasin khwabon mein kho kar jee liya main ne
bas ab to daman-e-dil chod do bekar ummido
bahut dukh sah liye main ne bahut din jee liya main ne

Poet of the Poem / Ghazal or Nazam : Sahir Ludhianvi

Chalo ik bar phir se ajanabi ban jayen hum donon
na main tum se koi umeed rakhun dil navazi ke
na tum meri taraf dekho galat andaz nazron se
na mere dil ke dhadakan ladakhadaye meri baton mein
na zahir ho tumhari kashmakash ka raz nazron se
ta’arruf rog ho jaye to us ko bhulana behatar
ta’alluq bojh ban jaye to us ko todana acha
wo afsana jise takamil tak lana na ho mumakin
use ek khubasurat mod dekar chodana acha
chalo ik bar phir se ajanabi ban jayen hum donon

Poet of the Poem / Ghazal or Nazam : Sahir Ludhianvi

Khuddariyon ke khoon ko arzan na kar sake
hum apne jauharon ko numayan na kar sake
hokar kharab-e-may tere gham to bhula diye
lekin gam-e-hayat ka daraman na kar sake
tuta talism-e-ahad-e-mohabbat kuch is tarah
phir aarzoo ke shama furezan na kar sake
har shay qarib aake kashish apni kho gai
wo bhi ilaj-e-shauq-e-gurezan na kar sake
kis darja dil-shikan the mohabbat ke hadase
hum zindagi mein phir koi araman na kar sake
mayusiyon ne chin liye dil ke val-vale
wo bhi nishat-e-ruh ka saman na kar sake

Poet of the Poem / Ghazal or Nazam : Sahir Ludhianvi

mere sarakash tarane sun ke duniya ye samajhati hai
ki shayad mere dil ko ishq ke nagmon se nafarat hai
mujhe hangama-e-jang-o-jadal mein kaif milta hai
meri fitarat ko khunrezi ke afasanon se ragbat hai
meri duniya mein kuch vaq’at nahi hai raqs-o-nagmen ke
mera mahbub nagma shor-e-ahang-e-bagavat hai
magar ae kash! dekhen wo meri purasoz raton ko
main jab taron pe nazaren gadakar aasun bahata hun
tasavvur banake bhuli varadaten yaad aati hain
to soz-o-dard ke shiddat se paharon tilmilata hun
koi khwabon mein khvabida umangon ko jagti hai
to apni zindagi ko maut ke pehlu mein pata hun
main shayar hun mujhe fitarat ke nazzaron se ulfat hai
mera dil dushman-e-nagma-sarai ho nahi sakata
mujhe insaniyat ka dard bhi bakhsha hai qudarat ne
mera maqasad faqat shola navai ho nahi sakata
jawan hun main javani lagzishon ka ek tufan hai
meri baton mein rang-e-parasai ho nahi sakata
mere sarakash taranon ke haqiqat hai to itni hai
ki jab main dekhata hun bhuk ke mare kisanon ko
garibon ko, muflison ko, bekason ko, besaharon ko
sisakati nazaninon ko, tadapate naujavanon ko
hukumat ke tashaddud ko, amarat ke takabbur ko
kisi ke chithadon ko aur shahanshahi khazanon ko
to dil tab-e-nishat-e-bazm-e-ishrat la nahi sakata
main chahun bhi to khvab-avar tarane ga nahi sakata

Poet of the Poem / Ghazal or Nazam : Sahir Ludhianvi

mere khwabon ke jharokon ko sajane wali
tere khwabon mein kaheen mera guzar hai ki nahi
puchakar apni nigahon se batade mujhko
meri raton ke muqaddar mein sahar hai ke nahi
char din ke ye rafaqat jo rafaqat bhi nahi
umr bhar ke liye aazar hui jati hai
zindagi yun to hamesha se pareshan-si thi
ab to har sans giranbar hui jati hai
meri ujadi hui nindon ke shabistanon mein
tu kisi khwab ke paikar ke tarah aai hai
kabhi apni si kabhi gair nazar aati hai
kabhi ikhalas ke murat kabhi harajai hai
pyar par bas to nahi haimera lekin phir bhi
tu bata de ki tujhe pyar karun ya na karun
tune khud apne tabassum se jagaya hai jinhen
un tamannaon ka izahar karun ya na karun
tu kisi aur ke daman ke kali hai lekin
meri raten teri khushbu se basi rahati hain
tu kaheen bhi ho tere phul se aariz ke qasam
teri palaken meri aankhon pe jhuki rahati hain
tere hathon ke hararat tere sanson ke mahak
tairati rahati hai ehasas ke pahanai mein
dhundhati rahati hain takhail ke banhen tujh ko
sard raton ke sulagati hui tanahai mein
tera altaf-o-karam ek haqiqat hai magar
ye haqiqat bhi haqiqat mein fasana hi na ho
teri manus nigahon ka ye mohatat payam
dil ke khoon karne ka ek aur bahana hi na ho
kon jane meri imroz ka farda kya hai
qurbaten bad ke pasheman bhi ho jati hai
dil ke daman se lipatati hui rangin nazaren
dekhte dekhte anjan bhi ho jati hai
meri daramanda javani ke tamannaon ke
muzmahil khwab ke tabir bata de mujhko
tere daman mein gulistan bhi hai, virane bhi
mera hasil meri taqdir bata de mujhko

Poet of the Poem / Ghazal or Nazam :Sahir Ludhianvi

main zinda hun ye mushtahar kijiye
mere qatilon ko khabar kijiye
zamin sakht hai aasaman dur
basar ho sake to basar kijiye
sitam ke bahut se hain radd-e-amal
zaruri nahi chashm-e-tar kijiye
wohi zulm bar-e-digar hai to phir
wohi zulm bar-e-digar kijiye
qafas todana bad ke baat hai
abhi khvahish-e-bal-o-par kijiye

 
Poet of the Poem / Ghazal or Nazam :Sahir Ludhianvi