Valentines day sms ,April fool sms 2014, Easter sms Wishes, Love quotes sayings, Romantic sms messages poetry & Sad text messages in Urdu and Hindi

Shahryar Shayari messages

Shahryar Shayari shayari sms in Urdu for your friends. Shahryar Shayari poetry , ghazal , poem and sher o shayari in Hindi. Best 1 line , 2 line and 4 line Shahryar Shayari shayari Collection Online.

Ye kya jagah hai dosto ye kon sa dayar hai – Shahryar

Posted in Dil Shayari,Zindagi Shayari by Anila

Ye kya jagah hai dosto ye kon sa dayar hai
hadd-e-nigah tak jahan gubar hi gubar hai
ye kis mukam par hayat mujh ko leke aa gai
na bas khushi pe hai jahan na gham pe ikhtiyar hai
tamam umr ka hisab mangati hai zindagi
ye mera dil kahe to kya ye khud se sharmsar hai
bula raha kya koi chilamanon ke us taraf
mere liye bhi kya koi udas beqarar hai
na jis ke shakl hai koi na jis ka naam hai koi
ik aisi shai ka kyon hamen azal se intazar hai

Poet of the Poem / Ghazal or Nazam : Shahryar

Zindagi jaisi tamanna thi nahi kuch kam hai – Shahryar

Posted in Zindagi Shayari by Anila

Zindagi jaisi tamanna thi nahi kuch kam hai
har ghadi hota hai ehasas kaheen kuch kam hai
ghar ke tamir tasavvur hi mein ho sakati hai
apne naqshe ke mutabiq ye zamin kuch kam hai
bichde logon se mulaqat kabhi phir hogi
dil mein umeed to kafi hai yaqin kuch kam hai
ab jidhar dekhiye lagata hai ki is duniya mein
kaheen kuch cheez ziyada hai kaheen kuch kam
aj bhi hai teri duri hi udasi ka sabab
ye alag baat ki pahali si nahi kuch kam hai

Poet of the Poem / Ghazal or Nazam : Shahryar

Zindagi jab bhi teri bazm mein lati hai hamen – Shahryar

Posted in Yaad Shayari,Zindagi Shayari by Anila

Zindagi jab bhi teri bazm mein lati hai hamen
ye zamin chand se behatar nazar aati hai hamen
surkh phoolon se mahak uthati hain dil ke rahen
din dhale yun teri aavaz bulati hai hamen
yaad teri kabhi dastak kabhi saragoshi se
raat ke pichale pahar roz jagti hai hamen
har mulaqat ka anjam judai q hai
ab to har waqt yahi baat satati hai hamen

Poet of the Poem / Ghazal or Nazam : Shahryar

Sine mein jalan aankhon mein tufan sa q hai – Shahryar

Posted in Aankhon,Dil Shayari,Nazar by Anila

Sine mein jalan aankhon mein tufan sa q hai
is shahar mein har shakhs pareshan sa q hai
dil hai to dhadakane ka bahana koi dhundhe
pathar ke tarah behis-o-bejan sa q hai
tanhai ke ye kon si manzil hai rafiqo
ta-hadd-e-nazar ek bayaban sa q hai
hum ne to koi baat nikali nahi gham ke
wo zud-e-pasheman pasheman sa q hai
kya koi nai baat nazar aati hai hum mein
aaina hamen dekh ke hairan sa q hai

Poet of the Poem / Ghazal or Nazam : Shahryar

Kis-kis tarah se mujh ko na rusva kiya gaya – Shahryar

Posted in Dil Shayari,Zeher Shayari by Anila

kis-kis tarah se mujh ko na rusva kiya gaya
gairon ka naam mere lahu se likha gaya
nikala tha main sada-e-jaras ke talash mein
bhule se is sukut ke sehra mein aa gaya

kyon aj us ka zikr mujhe khush na kar saka
kyon aj us ka naam mera dil dukha gaya
is hadase ko sun ke karega yaqin koi
suraj ko ek jhonka hawa ka bujha gaya

Poet of the Poem / Ghazal or Nazam :Shahryar

Khoon mein lat-pat ho gaye saye bhi ashjar ke – Shahryar

Posted in Daravaze,Zalim by Anila

Khoon mein lat-pat ho gaye saye bhi ashjar ke
kitne gehare var the khushbu ke talvar ke
ik lambi chup ke siva basti mein kya reh gaya
kab se hum par band hain daravaze izhar ke
aao uttho kuch karen sahara ke janib chalen
baithe baithe thak gaye saye mein dildar ke
raste sune ho gaye divane ghar ko gaye
zalim lambi raat ke tariki se har ke
bilkul banjar ho gai dharati dil ke dasht ke
rukhsat kab ke ho gaye mausam sare pyar ke

Poet of the Poem / Ghazal or Nazam : Shahryar

Kabhi kisi ko mukammal jahan nahi milta – Shahryar

Posted in Aasman,Zuban by Anila

Kabhi kisi ko mukammal jahan nahi milta
kaheen zamin to kaheen aasman nahi milta
jise bhi dekhiye wo apne aap mein gum hai
zuban mili hai magar hamzuban nahi milta
bujha saka hai bhala kon waqt ke shole
ye aisi aag hai jis mein dhuan nahi milta
tere jahan mein aisa nahi ki pyar na ho
jahan umeed ho is ke vahan nahi milta

Poet of the Poem / Ghazal or Nazam : Shahryar

Justaju jis ke thi us ko to na paya hum ne – Shahryar

Posted in Ishq Shayari,Zindagi Shayari by Anila

justaju jis ke thi us ko to na paya hum ne
is bahane se magar dekh li duniya hum ne
tujh ko rusava na kiya khud bhi pasheman na huye
ishq ke rasm ko is tarah nibhaya hum ne
kab mili thi kahan bichadi thi hamen yaad nahi
zindagi tujh ko to bas khwab mein dekha hum ne
ae ‘ada’ aur sunaye bhi to kya hal apna
umr ka lamba safar tay kiya tanha hum ne
 

Poet of the Poem / Ghazal or Nazam :Shahryar

In aankhon ke masti ke mastane hazaron hain – Shahryar

Posted in Divane,Hazaron by Anila

In aankhon ke masti ke mastane hazaron hain
in aankhon se vabasta afasane hazaron hain
ik tum hi nahi tanha ulafat mein meri rusava
is shahar mein tum jaise divane hazaron hain
ik sirf hum hi may ko aankhon se pilate hain
kahane ko to duniya mein maikhane hazaron hain
is shamm-e-farozan ko aandhi se darate ho
is shamm-e-farozan ke paravane hazaron hain

Poet of the Poem / Ghazal or Nazam : Shahryar

Had-e-nigah tak ye zamin hai siyah phir – Shahryar

Posted in Honthoo by Anila

had-e-nigah tak ye zamin hai siyah phir
nikali hai juganuon ke bhatakati sipah phir
honton pe aa raha hai koi naam bar bar
sannaton ke tilism ko todegi aah phir
pichale safar ke gard ko daman se jhad do
aavaz de rahi hai koi suni rah phir
berang aasman ko dekhegi kab talak
manzar naya talash karegi nigah phir
dhili hui giraft junun ke ke jal utha
taq-e-havas mein koi charag-e-gunah phir

 
Poet of the Poem / Ghazal or Nazam : Shahryar

Dil cheez kya hai aap meri jan lijiye – Shahryar

Posted in Aasaman,Ehasan by Anila

Dil cheez kya hai aap meri jan lijiye
bas ek bar mera kaha man lijiye
is anjuman mein aapako aana hai bar bar
divar-o-dar ko gaur se pehchan lijiye
mana ke doston ko nahi dosti ka pas
lekin ye kya ke gair ka ehasaan lijiye
kahiye to aasaman ko zamin par utar layen
mushkil nahi hai kuch bhi agar than lijiye

 

Poet of the Poem / Ghazal or Nazam : Shahryar