Wo dil hi kya tere milane ke jo dua na kare
main tujh ko bhool ke zinda rahun khuda na kare
rahega sath tera pyar zindagi banakar
ye aur baat meri zindagi wafa na kare
ye thik hai nahi marata koi judai mein
khuda kisi se kisi ko magar juda na kare
suna hai usako mohabbat duayen deti hai
jo dil pe chot to khaye magar gila na kare
zamana dekh chuka hai parakh chuka hai use
“qateel” jan se jaye par iltaja na kare

Poet of the Poem / Ghazal or Nazam : Qateel Shifai

Mohabbat ke tabiyat mein
ye kaisa bachapana qudarat ne rakkha hai
ke jitani purani jitani bhi mazabut ho jaye
ise taid-e-taza ke zarurat phir bhi rahati hai
yaqin ke aakhiri had tak dilon mein lahlahati ho
nigahon se tapakati ho lahu mein jagmagati ho
hazaron tarah se dilkash hasin hale banati ho
use izhar ke lafzon ke hajat phir bhi rahati hai
mohabbat mangati hai yun gavahi apne hone ke
ke jaise tifl-e-sada sham ko ik bij boye
aur shab mein baura uthe
zamin ko khod kar dekhe
ke paudha ab kahan tak hai
mohabbat ke tabiyat mein ajab takarar ke khu hai
ke ye iqrar ke lafzon ko sunane se nahi thakati
bichadane ke ghadi ho ya koi milane ke sa’at ho
ise bas ek hi dhun hai
kaho mujh se mohabbat hai
kaho mujh se mohabbat hai
kuch aisi besakuni hai wafa ke sarzaminon mein
ke jo ahal-e-mohabbat ko sada bechain rakhati hai
ke jaise phul mein khsuhbu ke jaise hath mein tara
ke jaise sham ka tara
mohabbat karne valon ke sahar raton mein rahati hai
gumanam ke shakhchon mein aashiyan banata hai ulfat ka
ye ain visal mein bhi hijr ke khadshon mein rahati hai
mohabbat ke musafir zindagi jab kat chukate hain
thakan ke karachiyan chunate wafa ke ajaraken pahane
samay ke rahguzar ke aakhiri sarhad pe rukate hain
to koi dubati sanson ke dori tham ker
dhire se kehta hai
ke ye sach hai na
hamari zindagi ik dusare ke naam likhi thi
dhundhalaka sa jo aankhon ke qarib-o-dur phaila hai
isi ka naam chahat hai
tumhen mujh se mohabbat thi
tumhen mujh se mohabbat hai
mohabbat ke tabiyat mein
ye kaisa bachapana qudarat ne rakkha hai

Poet of the Poem / Ghazal or Nazam : Amjad Islam Amjad

Tumhare khat mein naya ik salam kis ka tha
na tha raqib to aakhir wo naam kis ka tha
wo qatl kar ke har kisi se puchate hain
ye kam kis ne kiya hai ye kam kis ka tha
wafa karenge nibhayenge baat manenge
tumhen bhi yaad hai kuch ye kalam kis ka tha
raha na dil mein wo be-dard aur dard raha
muqim kon hua hai maqam kis ka tha
na puch-pach thi kisi ke na aav-bhagat
tumhari bazm mein kal ehatamam kis ka tha
hamare khat ke to purze kiye padha bhi nahi
sun jo tum ne ba-dil wo payam kis ka tha
inhin sifat se hota hai aadmi mashahur
jo lutf aap hi karte to naam kis ka tha
guzar gaya wo zamana kahen to kis se kahen
khayal mere dil ko subah-o-sham kis ka tha
har ek se kahate hain kya “dag” bevafa nikala
ye puche in se koi wo gulam kis ka tha

Poet of the Poem / Ghazal or Nazam : DaaG Dehlvi

Ya to mit jaiye ya mita dijiye
kijiye jab bhi sauda khara kijiye
ab jafa kijiye ya wafa kijiye
aakhari waqt hai bas dua kijiye
apne chehare se zulfen hata dijiye
aur phir chand ka samana kijiye
har taraf phul hi phul khil jayenge
aap aise hi hanste raha kijiye
aap ke ye hansi jaise ghungaru baje
aur qayamat hai kya ye bata dijiye

Poet of the Poem / Ghazal or Nazam :Wajida Tabassum

Ya rab! gam-e-hijran mein itna to kiya hota
jo hath jigar pe hai wo dast-e-dua hota

ik ishq ka gham aafat aur us pe ye dil aafat
ya gham na diya hota ya dil na diya hota
gairon se kaha tum ne gairon se suna tum ne
kuch hum se kaha hota kuch hum se suna hota
umeed to bandh jati taskin to ho jati
wada na wafa karte wada to kiya hota
nakam-e-tamanna dil is soch mein rehta hai
yun hota to kya hota yun hota to kya hota

Poet of the Poem / Ghazal or Nazam : Charag Hasan Hasrat

wafa ke bhes mein koi raqib-e-shahar bhi hai
hazar! ke shahar ke qatil tabib-e-shahar bhi hai
wohi sipah-e-sitam khemazan hai charon taraf
jo mere bakht mein tha ab nasib-e-shahar bhi hai
udhar ke aag idhar bhi pahunch na jaye kaheen
hawa bhi tez hai jangal qarib-e-shahar bhi hai
ab us ke hijr mein rote hain us ke ghayal bhi
khabar na thi ke wo zalim habib-e-shahar bhi hai
ye raz nara-e-mansur hi se hum pe khula
ke chub-e-mimbar-e-masjid salib-e-shahar bhi hai
kadi hai jang ke ab ke muqabile pe ‘faraz’
amir-e-shahar bhi hai aur khatib-e-shahar bhi hai

Poet of the Poem / Ghazal or Nazam :Ahmed Faraz

Socha nahi acha bura dekha suna kuch bhi nahi
manga khuda se raat din tere siva kuch bhi nahi
dekha tujhe socha tujhe chaha tujhe puja tujhe
meri khata meri wafa teri khata kuch bhi nahi
jis par hamari aankh ne moti bichaye raat bhar
bheja wahi kagaz use hum ne likha kuch bhi nahi
ik sham ke dahaliz par baithe rahe wo der tak
aankhon se ke baten bahut muh se kaha kuch bhi nahi
do char din ke baat hai dil khak mein so jayega
jab aag par kagaz rakha baki bacha kuch bhi nahi
ahasas ke khushbu kahan, aavaz ke jugnu kahan
khamosh yadon ke siva, ghar mein raha kuch bhi nahi

Poet of the Poem / Ghazal or Nazam : Bashir Badr

Tere nisar saqiya jitani piyun pilaye ja
mast nazar ka vasta mast mujhe banaye ja
tujh ko kisi se garaz kya bijli kaheen giraye ja
dil jale ya jigar jale tu yun hi muskuraye ja
samane mere aa ke dekh rukh se naqab hata ke dekh
khilaman-e-dil hai muntazair barq-e-nazar giraye ja
‘wafa’-e-badanasib ko bakhsha hai tune dard jo
hai koi is ke bhi dawa itna zara bataye ja

Poet of the Poem / Ghazal or Nazam : Rustom Sehgal Wafa

Phir kahoge tum muqabil ko saza ke vaste
aaine ko hath se rakh do khuda ke vaste
kaba-e-dil ko na takotum jafa ke vaste
ae buto ye ghar khuda ka hai khuda ke vaste
ya ilahi kis taraf se pas hai bab-e-asar
kon sa nazadik hai rasta dua ke vaste
kah gaye kya dekh kar nabzon ko kya jane tabib
hath uthaye hain azizon ne dua ke vaste
tum bhi nam-e-khuda ho mashq-e-zulm-o-jor ho
aasman se mashvara kar lo jafa ke vaste
mujh ko us matti se khaliq ne banaya hai “qamar”
reh gain thi jo azal ke din wafa ke vaste

Poet of the Poem / Ghazal or Nazam : Qamar Jalalwi

hum dosti ehasaan wafa bhool gaye hain
zinda to hain jine ke ada bhool gaye hain
khushbu jo lutate hain masalate hain usi ko
ehasas ka badala ye milta hai kali ko
ehasas to lete hain sila bhool gaye hain
karte hain muhabbat ka aur ehasas ka sauda
matalab ke liye karte hain iman ka sauda
dar maut ka aur khauf-e-khuda bhool gaye hain
ab mom mein dhalakar koi pathar nahi hota
ab koi bhi qurban kisi par nahi hota
q bhatake hain manzil ka pata bhool gaye hain

Poet of the Poem / Ghazal or Nazam :Payam Saeedi

aaye kuch abr kuch sharab aaye
us ke bad aaye jo azab aaye

bam-e-mina se mahatab utare
dast-e-saqi mein aaftab aaye

har rag-e-khun mein phir charagan ho
samane phir wo benaqab aaye

umr ke har waraq pe dil ko nazar
teri meher-o-wafa ke bab aaye

kar raha tha gam-e-jahan ka hisab
aj tum yad behisab aaye

na gai tere gam ke saradari
dil mein yun roz inqalab aaye

jal uthe bazm-e-gair ke dar-o-bam
jab bhi hum khanamankharab aaye

is tarah apani khamashi gunji
goya har simt se jawab aaye

‘faiz’ thi rah sar basar manzil
hum jahan pahunche kamayab aaye

Poet of the Poem / Ghazal or Nazam : Faiz Ahmed Faiz

Piyar Kisi Se Jitna Kiya Ruswai Hi Mili
Wafa Chahe Jitni Bhi Ki Bewafai Hi Mili
Jitna Bhi Kisi Ko Apna Bana Kar Dekha
Jab Aankh Khuli To Tanhai Hi Mili

Share By : Bindu Mahajan