Zakhm Tha Zakham Ka Nishan Bhi Tha
Dard Ka Apna Ik Makan Bhi Tha

Dost Tha Mehrban Bhi Tha
Le Raha Mera Imtihan Bhi Tha

Sheyron Men Gazab Ufan Bhi Tha
Karz Men Doobta Kisan Bhi Tha

Koyi Kaam Aayaa Kb Museebat Men
Kahne Ko Apna Khandan Bhi Tha

Mr Ke Dozakh Mila To Samjhe Hum
Vakyi Doosaraa Zahan Bhi Tha

Umr Bhr Saath Nibhana Tha Jinhen
Fasalaa Unke Drmiyan Bhi Tha

Aas Thi Jeene Ki Abhi Baaki
Rastemen Magar Masaan Bhi Tha

Khudkushi `Shyam’ Kr Li Kyon Toone
Teri Kismat Men Aasmaan Bhi Tha..!!!

Kamaal Ka Shakhs Tha
Jis Ne Zindagi Tabah Kur Dee…!
Raaz Ki Bat hai Dil Us Se Khafa
Ab B Nahi !!! ♥ ♥

Ye jo hum hijr mein divar-o-dar ko dekhte hain
kabhi saba ko kabhi namabar ko dekhte hain
wo aaye ghar mein hamare khuda ke kudarat hai
kabhi hum un ko kabhi apne ghar ko dekhte hain
nazar lage na kaheen usake dast-o-bazu ko
ye log kyon mere zakhm-e-jigar ko dekhte hain
tere javahir-e-tarf-e-kulah ko kya dekhen
hum auj-e-tala-e-lal-o-guhar ko dekhte hain

Poet of the Poem / Ghazal or Nazam : Mirza Ghalib

Ye mojaza bhi muhabbat kabhi dikhaye mujhe
ki sang tujhape gire aur zakhm aaye mujhe
wo maharaban hai top iqarar q nahi karta
wo badaguman hai to sau bar aazamaye mujhe
main apne panv tale raundata hun saye ko
badan mera hi sahi dopahar na bhaye mujhe
main ghar se teri tamanna pahan ke jab nikalun
barahana shahar mein koi nazar na aaye mujhe
wo mera dost hai sare jahan ko hai malum
daga kare wo kisi se to sharm aaye mujhe
main apni zat mein nilam ho raha hun ‘qateel’
gam-e-hayat se kah do kharid laye mujhe

Poet of the Poem / Ghazal or Nazam : Qateel Shifai

Tumhari yaad ke jab zakhm bharne lagate hain
kisi bahane tumhen yaad karne lagate hain
hadis-e-yar ke unavan nikharane lagate hain
to har harim mein gesu sanvarane lagate hain
har ajanabi hamen maharam dikhai deta hai
jo ab bhi teri gali gali se guzarne lagate hain
saba se karte hain gurbat-nasib zikr-e-vatan
to chashm-e-subah mein aansu ubharne lagate hain
wo jab bhi karte hain is nutq-o-lab ke bakhiyagari
faza mein aur bhi naghmay bikharne lagate hain
dar-e-qafas pe andhere ke muhar lagti hai
to “faiz” dil mein sitare utarane lagate hain

Poet of the Poem / Ghazal or Nazam : Faiz Ahmed Faiz

Wo to khushbu hai hawaon mein bikhar jayega
masala phul ka hai phul kidhar jayega
hum to samajhe the ke ek zakhm hai bhar jayega
kya khabar thi ke rag-e-jan mein utar jayega
wo hawaon ke tarah khanabajan phirta hai
ek jhonka hai jo aayega guzar jayega
wo jab aayega to phir us ke rafaqat ke liye
mausam-e-gul mere aangan mein thahar jayega
aakhirash wo bhi kaheen ret pe baithi hogi
tera ye pyar bhi dariya hai utar jayega
Poet of the Poem / Ghazal or Nazam :parveen shakir

Vusa’t-e-chashm ko andoh-e-basarat likha
main ne ik vasl ko ik hijr ke halat likha
main ne likkha ke safa-e-dil kabhi khali na ho
aur kabhi khali ho bhi to malamat likha
main ne paravaz likhi hadd-e-falaq se aage
aur be-bal-o-pari ko bhi nihayat likha
main ne dastak ko likha kash-ma-kash-e-be-khabari
jumbish-e-parda ko aane ke ijazat likha
main ne khushbu ko likha dastaras-e-gum-shudagi
rang ko fasala rakhane ke riyayat likha
zakhm likhane ke liye main ne likhi hai gafalat
khoon likhana tha magar main ne hararat likha
husn-e-goai ko likhana tha likhi saragoshi
shor likhana tha so aazar-e-sama’at likha
main ne tabir ko taharir mein aane na diya
khwab likhate hue mohataj-e-basharat likha
koi aasan rafaqat nahi likhi main ne
qarb ko jab bhi likha jazb-e-raqabat likha
itane daon se guzar kar ye khayal aata hai
‘azm’ kya tum ne kabhi harf-e-nadamat likha

Poet of the Poem / Ghazal or Nazam : Azm Behzad

Zist aazar hui jati hai
sans talavar hui jati hai
jism bekar hua jata hai
ruh bedar hui jati hai
kan se dil mein utarati nahi baat
aur guftar hui jati hai
dhal ke nikali hai haqiqat jab se
kuch purasrar hui jati hai
ab to har zakhm ke munhband kali
lab-e-izahar hui jati hai
phul hi phul hain har simt ‘nadeem’
reh dushvar hui jati hai

Poet of the Poem / Ghazal or Nazam : Ahmed Nadeem Qasmi

Tum aankhon se dur ho hui neend aankhon se dur
mere sathi gham ke chot se hua dil ka shisha choor
mujhe shikwa hai taqadir se nahi tum se koi gila
mujhe lakar yun pardes mein mera sab kuch chin liya
meri aankhon mein aansu aa base hun rone par majabur
mere zakhm hue pardesiya aa ris-ris ke nasur
mujhe rogi karake pyar ka diya gham ka rog laga
mere jalate hue charag ko meri qismat gai bujha
mujhe dhoka diya nasib ne nahi mera koi kusur
mujhe dhoka diya nasib ne nahi mera koi kusur

Poet of the Poem / Ghazal or Nazam : Aziz Kashmiri

Shola hun bhadakane ke guzarish nahi karta
sach muh se nikal jata hai koshish nahi karta
girti hui divar ka hamdard hun lekin
chadte hue suraj ke parastish nahi karta
mathe ke pasine ke mahak aaye to dekhen
wo khoon mere jism mein gardish nahi karta
hamdardi-e-ahbab se darta hun ‘muzaffar’
main zakhm to rakhta hun numaish nahi karta

Poet of the Poem / Ghazal or Nazam : Muzaffar Warsi

Tohamaten chand apne zimme dhar chale
jis liye aaye the so hum kar chale
zindagi hai ya koi tufan hai
hum to is jine ke hathon mar chale
kya hamen kam is gulon se ae saba
ek dam aaye idhar udhar chale
dosto dekha tamasha yan ka sab
tum raho khush hum to apne ghar chale
aah bas jee mat jala tab janiye
jab koi afsun tera us par chale
shama ke manind hum is bazm mein
chashm-nam aaye the daman-tar chale
dhundhate hain aap se usako pare
shekh sahib chod ghar bahar chale
hum jahan mein aaye the tanhavale
sath apne ab use lekar chale
jun sharar ae hasti-e-bebud yan
bare hum bhi apni bari bhar chale
ek main dil resh hun vaisa hi dost
zakhm kitanon ka suna hai bhar chale
hum na jane paye bahar aap se
wo bhi aade aa gaya jidhar chale
saqiya yan lag raha hai chal chalao
jab talak bas chal sake sagar chale
“dard” kuch malum hai ye log sab
kis taraf se aaye the kidhar chale

Poet of the Poem / Ghazal or Nazam : Khwaja Mir Dard

Tere pas aane ko jee chahata hai
naye zakhm khane ko jee chahata hai
idhar aaye shayad wo mauj-e-tarannum
gazal gungunane ko jee chahata hai
zamana mera aazamaya hua hai
tujhe aazamane ko jee chahata hai
wohi baat reh reh ke yaad aa rahi hai
jise bhool jane ko jee chahata hai
labon par mere khelata hai tabassum
jab aansu bahane ko jee chahata hai
kai martaba dil pe bijli giri hai
magar muskurane ko jee chahata hai
takalluf na kar aj barq-e-tajalli
nasheman jalne ko jee chahata hai
rukh-e-zindagi se naqaben ulat kar
haqiqat dikhane ko jee chahata hai

Poet of the Poem / Ghazal or Nazam : Sikander Ali Wajd

Sach ye hai bekar hamen gham hota hai
jo chaha tha duniya mein kam hota hai
dhalata suraj phaila jangal rasta gum
hum se pucho kaisa aalam hota hai
gairon ko kab furasat hai dukh dene ke
jab hota hai koi ham-dam hota hai
zakhm to hum ne in aankhon se dekhe hain
logon se sunate hain maraham hota hai
zahan ke shakhon par ashar aa jate hain
jab teri yadon ka mausam hota hai
updates by fahd hashim

Poet of the Poem / Ghazal or Nazam : Javed Akhtar

Zakhm ko phul to sar sar ko saba kahate hain
jane kya daur hai kya log hain kya kahate hain
kya qayamat hai ke jin ke liye ruk ruk ke chale
ab wohi log hamen aabalapa kahate hain
koi batalao ke ik umr ka bichada mahbub
ittefaqan kaheen mil jaye to kya kahate hain
ye bhi andaz-e-sukhan hai ke jafa ko teri
gamza-o-ishva-o-andaz-o-ada kahate hain
jab talak dur hai tu teri parastish kar lain
hum jise chu na saken us ko khuda kahate hain
kya ta’ajjub hai ke hum ahl-e-tamanna ko ‘faraz’
wo jo maharum-e-tamanna hain bura kahate hain

Poet of the Poem / Ghazal or Nazam : Ahmed Faraz

Zakhm jo aap ke inayat hai is nishani ko kya naam de hum
pyar divar ban ke reh gaya hai is kahani ko kya naam de hum
aap ilzam dhar gaye hum par ek ehsaan kar gaye hum par
aap ke ye meharabani hai meharabani ko kya naam de hum
aap ko yun hi zindagi samajha dhup ko hum ne chandani samajha
bhool hi bhool jis ke aadat hai ik javani ko naam kya de hum
raat sapana bahar ka dekha din hua to gubar sa dekha
bevafa waqt bezuban nikala bezubani ko naam kya de hum

Poet of the Poem / Ghazal or Nazam : Sudarshan Faakir