Dhup mein nikalo ghataon mein naha kar dekho
zindagi kya hai kitabon ko hata kar dekho
wo sitara hai chamakane do yun hi aankhon mein
kya zaruri hai use jism banakar dekho
pattharon mein bhi zuban hoti hai dil hote hain
apne ghar ki dar-o-divar saja kar dekho
fasala nazaron ka dhoka bhi to ho sakata hai
wo mile ya na mile hath bada kar dekho

Poet of the Poem / Ghazal or Nazam : Nida Fazli

han kis ko hai mayassar ye kam kar guzarana
ik bankpan se jina ik bankpan se marana
dariya ki zindagi par sadqe hazar jane
mujh ko nahi gavara sahil ki maut marana
sahil ki lab se pucho dariya ki dil se pucho
ik mauj-e-tah-nashin ka muddat ki bad ubharana
jo zist ko na samajhe jo maut ko na jane
jina unhin ka jina marana unhin ka marana

 
Poet of the Poem / Ghazal or Nazam : Jigar Moradabadi

Dekha hai zindagi ko kuch itna qarib se
chehare tamam lagane lage hain ajeeb se
is rengati hayat ka kab tak uthayen bar
bimar ab ulajhane lage hain tabib se
har gham par hai majama-e-ushshaq muntazir
maqtal ki rah milati hai ku-e-habib se
is tarah zindagi ne diya hai hamara sath
jaise koi nibah raha ho raqib se
ae ruh-e-asar jag kahan so rahi hai tu
aavaz de rahe hain payambar salib se

Poet of the Poem / Ghazal or Nazam : Sahir Ludhianvi

Dayar-e-dil ki raat mein chirag sa jala gaya
mila nahi to kya hua wo shaql to dikha gaya

judaion ki zakhm dard-e-zindagi ne bhar diye
tujhe bhi neend aa gai mujhe bhi sabr aa gaya
ye subah ki safediyan ye dopahar ki zardiyan
ab aaine mein dekhata hun main kahan chala gaya
pukarati hain fursaten kahan gai wo sohabaten
zamin nigal gai unhen ya aasaman kha gaya
wo dosti to khair ab nasib-e-dushmanan hui
wo choti choti ranjishon ka lutf bhi chala gaya
ye kis khushi ki ret par gamon ko neend aa gai
wo lahar kis taraf gai ye main kahan sama gaya
gaye dinon ki lash par pade rahoge kab talak
utho amalkashon utho ki aafatab sar pe aa gaya

Poet of the Poem / Ghazal or Nazam : Nasir Kazmi

apne khvabon mein tujhe jis ne bhi dekha hoga
aankh khulate hi tujhe dhundhane nikala hoga
zindagi sirf tere naam se mansub rahe
jane kitne hi dimagon ne ye socha hoga
dost hum us ko hi paigam-e-karam samajhenge
teri furqat ka jo jalta hua lamha hoga
daman-e-zist mein ab kuch bhi nahi hai baqi
maut aayi to yaqinan
use dhoka hoga
roshni jis se utar aayi lahu mein mere
ae masiha wo mera zakhm-e-tamanna hoga

 
Poet of the Poem / Ghazal or Nazam :  Abbas Dana

ab ke tajdid-e-vafa ka nahi imkan janan
yaad kya tujh ko dilayen tera paiman janan

yun hi mausam ke ada dekh ke yaad aaya hai
kis qadar jald badal jate hain insan janan
zindagi teri ata thi so tere naam ke hai
hum ne jaise bhi basar ke tera ehasan janan

dil ye kehta hai ki shayad ho fasurda tu bhi
dil ke kya bat karen dil to hai nadan janan

avval-avval ke muhabbat ke nashe yaad to kar
bepiye bhi tera chehara tha gulistan janan

aakhir aakhir to ye aalam hai ki ab hosh nahi
rag-e-mina sulag uthi ki rag-e-jan janan

muddaton se ye aalam na tavaqqo na umeed
dil pukare hi chala jata hai janan janan

hum bhi kya sada the hum ne bhi samajh rakha tha
gam-e-dauran se juda hai gam-e-janan janan

ab ke kuch aisi saji mahafil-e-yaran janan
sar-ba-zanu hai koi sar-ba-gireban janan

har koi apni hi aavaz se kanp uthta hai
har koi apne hi saye se hirasan janan

jis ko dekho wohi zanjir-ba-pa lagata hai
shahar ka shahar hua dakhil-e-zindan janan

ab tera zikr bhi shayad hi gazal mein aaye
aur se aur hua dard ka unvan janan

hum ki ruthi hui rut ko bhi mana lete the
hum ne dekha hi na tha mausam-e-hijran janan

hosh aaya to sabhi khwab the reza-reza
jaise udate huye auraq-e-pareshan janan

Poet of the Poem / Ghazal or Nazam :Ahmed Faraz

aaya tha ghar sanvarane ehasan kar gaya
barbadiyon ka aur bhi saman kar gaya
ab tak rahi us ke yaad meri zindagi ke sath
do char pal ke mujh se jo pehchan kar gaya
aankhon ne jis ke shauq mein raten sajai thin
khvabon ke anjuman wohi viran kar gaya
jhonka nasim-e-subah ka aaya to tha magar
gulshan ke har kali ko pareshan kar gaya
 

Poet of the Poem / Ghazal or Nazam :Poet Unknown

aao ki koi khwab bunen kal ke vaste
varana ye raat aj ke sangin daur ke
das legi jan-o-dil ko kuch aise ki jan-o-dil
ta-umr phir na koi hasin khwab bun saken
go hum se bhagati rahi ye tez-gam umr
khvabon ke aasare pe kati hai tamam umr
zulfon ke khvab, honton ke khvab, aur badan ke khwab
meraj-e-fan ke khvab, kamal-e-sukhan ke khwab
tahazib-e-zindagi ke, farog-e-vatan ke khwab
zindan ke khvab, kucha-e-dar-o-rasan ke khwab
ye khwab hi to apani javani ke pas the
ye khwab hi to apne amal ke asas the
ye khwab mar gaye hain to be-rang hai hayat
yun hai ki jaise dast-e-tah-e-sang hai hayat
aao ki koi khwab bunen kal ke vaste
varana ye raat aj ke sangin daur ke
das legi jan-o-dil ko kuch aise ki jan-o-dil
ta-umr phir na koi hasin khwab bun saken
 
Poet of the Poem / Ghazal or Nazam :Sahir Ludhianvi

aansuon ke jahan payamali rahi
aisi basti charagon se khali rahi
dushmanon ke tarah us se ladate rahe
apani chahat bhi kitni nirali rahi
jab kabhi bhi tumhara khayal aa gaya
phir kai roz tak bekhayali rahi
lab tarasate rahe ik hansi ke liye
meri kashti musafir se khali rahi
chand tare sabhi ham-safar the magar
zindagi raat thi raat kali rahi
mere sine pe khushbu ne sar rakh diya
meri banhon mein pulon ke dali rahi

 
Poet of the Poem / Ghazal or Nazam :Bashir Badr

Beqarari si beqarari hai
din bhi bhari hai raat bhari hai
zindagi ke bisat par aksar
jiti bazi bhi hum ne hari hai
todo dil mera shauq se todo
cheez meri nahi tumhari hai
bar-e-hasti utha saka na koi
ye gam-e-dil jahan se bhari hai
aankh se chup ke dil mein baithe ho
hae kaisi ye parda-dari hai

Poet of the Poem / Ghazal or Nazam : Tabish Dehlvi

aankhon mein bas ke dil mein sama kar chale gaye
khvabida zindagi thi jaga kar chale gaye
chehare tak aastin wo lakar chale gaye
kya raz tha ki jis ko chipakar chale gaye
rag rag mein is tarah wo sama kar chale gaye
jaise mujh hi ko mujhase churakar chale gaye
aaye the dil ke pyas bujhane ke vaste
ik aag si wo aur laga kar chale gaye
lab thar-thara ke rah gaye lekin wo ae “jigar”
jate huye nigah milakar chale gaye

Poet of the Poem / Ghazal or Nazam : Jigar Moradabadi

aankh se dur na ho dil se utar jayega
waqt ka kya hai guzarata hai guzar jayega
itna manus na ho khilvat-e-gam se apani
tu kabhi khud ko bhi dekhega to dar jayega

tum sar-e-rah-e-vafa dekhte rah jaoge
aur wo bam-e-rafaqat se utar jayega

zindagi teri ata hai to ye janevala
teri bakhshish teri dahaliz pe dhar jayega

dubate dubate kashti to ochala de dun
main nahi koi to sahil pe utar jayega

zabt lazim hai magar dukh hai qayamat ka ‘faraz’
zalim ab ke bhi na royega to mar jayega
 

Poet of the Poem / Ghazal or Nazam : Ahmed Faraz

Bahut mila na mila zindagi se gam kya hai
mata-e-dard baham hai to besh-o-kam kya hai

hum ek umr se vaqif hain ab na samajhao
ke lutf kya hai mere meharaban sitam kya hai

kare na jag mai alav to sher kis maqasad
kare na shahar mai jal-thal to chashm-e-nam kya hai

ajal ke hath koi aa raha hai paravana
na jane aj ke feharist mai raqam kya hai

sajao bazm gazal gao jam taza karo
bahut sahi gam-e-geti sharab kam kya hai

lihaz mai koi kuch dur sath chalata hai
vagarna dahar mai ab khizr ka bharam kya hai

Poet of the Poem / Ghazal or Nazam : Faiz Ahmed Faiz

aj ke daur mai ae dost ye manzar kyun hai
zakhm har sar pe har ik hath mai patthar kyun hai

jab haqiqat hai ke har zarre mai tu rahata hai
phir zamin par kaheen masjid kaheen mandir kyun hai

apana anjam to malum hai sab ko phir bhi
apani nazaron mai har insan sikandar kyun hai

zindagi jine ke qabil hi nahi ab “fakir”
varna har aankh mai ashkon ka samandar kyun hai

 
Poet of the Poem / Ghazal or Nazam : Sudarshan Faakir

Sudarshan Faakir

aj jane ke zid na karo
yun hi pahalu mai baithe raho
haye! mar jayege, hum to lut jayege
aisi baten kiya na karo

tum hi socho zara kyun na roke tumhen
jan jati hai jab uthake jate ho tum
tum ko apani kasam jan-e-jan
bat itani meri man lo

waqt ke qaid mai zindagi hai magar
chand ghadiyan yahi hain jo aazad hai
in ko kho kar abhi jan-e-jan
umr bhar na taraste raho

kitana masum-o-rangin hai ye sama
husn aur ishq ke aj meraj hai
kal ki kisako khabar jane-jan
rok lo aj ke rat ko

gesuon ke shikan hai abhi shabanami
aur palakon ke saye bhi madahosh hain
husn-e-masum ko jane-jan
bekhudi mai na rusva karo

Poet of the Poem / Ghazal or Nazam : Faiyaz Hashmi