hosh valon ko khabar kya bekhudi kya cheez hai
ishq kije phir samajhiye zindagi kya cheez hai
un se nazaren kya mili raushan fizayen ho gain
aj jana pyar ke jadugari kya cheez hai
khulati zulfon ne sikhai mausamon ko shayari
jhukati aankhon ne bataya maikashi kya cheez hai
hum labon se kah na paye un se hal-e-dil kabhi
aur wo samajhe nahi ye khamoshi kya cheez hai

Poet of the Poem / Ghazal or Nazam :Nida Fazli

hijr ke shab nala-e-dil wo sada dene lage
sunane wale raat katane ke dua dene lage
kis nazar se aap ne dekha dil-e-majaruh ko
zakhm jo kuch bhar chale the phir hawa dene lage
juz zamin-e-ku-e-janan kuch nahi pesh-e-nigah
jis ka daravaza nazar aaya sada dene laga
bagban ne aag di jab ashiyane ko mere
jin pe takiya tha wohi patte hawa dene lage
mutthiyon mein khak lekar dost aaye vaqt-e-dafn
zindagi bhar ke muhabbat ka sila dene lage
aaina ho jaye mera ishq un ke husn ka
kya maza ho dard agar khud hi dawa dene lage

 
Poet of the Poem / Ghazal or Nazam : Saqib Lucknawi

hijr ke shab hai aur ujala hai
kya tasavvur bhi lutane vala hai
gham to hai ain zindagi lekin
gamgusaron ne mar dala hai
ishq majabur-o-namurad sahi
phir bhi zalim ka bolbala hai
dekh kar barq ke pareshani
aashiyan khud hi phunk dala hai
kitne ashkon ko kitni aahon ko
ik tabassum mein us ne dhala hai
teri baton ko main ne ae waiz
ahatarama hansi mein tala hai
maut aaye to din phire shayad
zindagi ne to mar dala hai
sher nazmen shaguftagi masti
gham ka jo rup hai nirala hai
lagzishen muskurai hain kya kya
hosh ne jab mujhe sambhala hai
dam andhere mein ghut raha hai khumar
aur charon taraf ujala hai

 
Poet of the Poem / Ghazal or Nazam : Qateel Shifai

hazar gham the meri zindagi akeli thi
khushi jahan ke mere vaste paheli thi
wo aj bach ke nikalate hain mere saye se
ki main ne jin ke liye gham ke dhup jheli thi
juda hui na kabhi mujh se gardish-e-dauran
meri hayat ke bachpan se ye saheli thi
chadha rahe hain wo hi aj aastin mujh par
ki jin ke pith pe kal tak meri hatheli thi
ab un ke qabr pe jalta nahi diya koi
ki jin ke dahar mein roshan bahut haveli thi
wo jhuk ke phir meri turbat pe kar rahe hain salam
isi ada ne to “mahir” ke jan le li thi

Poet of the Poem / Ghazal or Nazam :Mahir Ratlami

har tamashai faqat sahil se manzar dekhata
kon dariya ko ulatata kon gohar dekhata

wo to duniya ko meri divangi khush aa gai
tere hathon mein vagarna pahala pathar dekhata

aankh mein aansu jade the par sada tujh ko na di
is tavaqqo par ki shayad tu palat kar dekhata

meri qismat ke lakiren mere hathon mein na thin
tere mathe par koi mera muqaddar dekhata

zindagi phaili hui thi sham-e-hijran ke tarah
kis ko itna hausla tha kon jee kar dekhata

dubne vala tha aur sahil pe cheharon ka hujum
pal ke mohalat thi main kis ko aankh bhar ke dekhata

tu bhi dil ko ik lahu ke bund samajha hai ‘faraz’
aankh gar hoti to qatre mein samandar dekhata

Poet of the Poem / Ghazal or Nazam : Ahmed Faraz

har ek ruh mein ek gham chupa lage hai mujhe
ye zindagi to koi bad-dua lage hai mujhe
jo aansu mein kabhi raat bhig jati hai
bahut qarib wo aavaz-e-pa lage hai mujhe
main so bhi jaun to meri band aankhon mein
tamam raat koi jhankata lage hai mujhe
main jab bhi us ke khayalon mein kho sa jata hun
wo khud bhi baat kare to bura lage hai mujhe
main sochata tha ki lautunga ajanabi ke tarah
ye mera gaon to pahachana sa lage hai mujhe
bikhar gaya hai kuch is tarah aadmi ka vajud
har ek fard koi saneha lage hai mujhe

Poet of the Poem / Ghazal or Nazam : Jan Nissar Akhtar

har ek chehare ko zakhmon ka aaina na kaho
ye zindagi to hai rahamat ise saza na kaho
na jane kon si majaburiyon ka qaidi ho
wo sath chod gaya hai to bevafa na kaho
tamam shahar ne nezon pe q uchala mujhe
ye ittefaq tha tum is ko hadasa na kaho
ye aur baat ke dushman hua hai aj magar
wo mera dost tha kal tak use bura na kaho
hamare aib hamen ungaliyon pe ginvao
hamari pith ke piche hamen bura na kaho
main vaqiyat ke zanjir ka nahi qayal
mujhe bhi apne gunahon ka silsila na kaho
ye shahar wo hai jahan rakshas bhi hai “rahat”
har ek tarashe huye but ko devata na kaho

Poet of the Poem / Ghazal or Nazam : Rahat Indori

har dam duayen dena har lamha aahen bharana
in ka bhi kam karana apana bhi kam karana
yan kis ko hai mayyasar ye kam kar guzarana
ek bankpan pe jina ek bankpan pe marana
jo zist ko na samajhe jo maut ko na jane
jina unhin ka jina marana unhin ka marana
hariyali zindagi pe sadaqe hazar jane
mujhko nahi gavara sahil ke maut marana
ranginiyan nahi to ranaiyan bhi kaisi
shabanam si nazanin ko aata nahi sanvarna
teri inayaton se mujhko bhi aa chala hai
teri himayaton mein har-har qadam guzarana
kuch aa chali hai aahat is payanaz ke si
tujh par khuda ke rahamat ae dil zara thaharana
khun-e-jigar ka hasil ik sher tak ke surat
apana hi aks jis mein apana hi rang bharana

Poet of the Poem / Ghazal or Nazam : Jigar Moradabadi

har bezaban ko sholanava kah liya karo
yaro sukut hi ko sada kah liya karo
khud ko fareb do ki na ho talkh zindagi
har sangdil ko jane-e-vafa kah liya karo
gar chahate ho khush rahen kuch bandagan-e-khas
jitne sanam hain un ko khuda kah liya karo
insan ka agar qad-o-qamat na badh sake
tum is ko nuqs-e-ab-o-hava kah liya karo
apne liye ab ek hi rah-e-nijat hai
har zulm ko raza-e-khuda kah liya karo
le de ke ab yahi hai nishan-e-ziya “qateel”
jab dil jale to us ko diya kah liya karo

Poet of the Poem / Ghazal or Nazam : Qateel Shifai

hansane wale ab ek kam karen
jashn giriya ka ahatamam karen
hum bhi kar lain jo roshni ghar mein
phir andhere kahan qayam karen
mujh ko maharumi-e-nazara qabul
aap jalave na aap ke aam karen
ik guzarish hai hazarat-e-naseh
aap ab aur koi kam karen
aa chalen us ke dar pe ab ae dil
zindagi ka safar tamam karen
hath hatata nahi hai dil se ‘khumar’
hum unhen kis tarah salam karen

Poet of the Poem / Ghazal or Nazam :Khumar Barabankvi

ham-safar ban ke hum sath hain aj bhi
phir bhi hai ye safar ajanabi ajanabi
rah bhi ajanabi mod bhi ajanabi
jayen hum kidhar ajanabi ajanabi
zindagi ho gai hai sulagata safar dur tak aa raha hai dhuan sa nazar
jane kis mod par kho gai har khushi deke dard-e-jigar ajanabi ajanabi
hum ne chun chun ke ti,nke banaya tha jo aashiyan hasaraton se sajaya tha jo
hai chaman mein wohi aashiyan aj bhi lag raha hai magar ajanabi ajanabi
kis ko malum tha din ye bhi aayenge mausamon ke tarah dil bhi badal jayenge
din hua ajanabi raat bhi ajanabi har ghadi har pahar ajanabi ajanabi

 
Poet of the Poem / Ghazal or Nazam :   Madan pal

hamen koi gham nahi tha gam-e-ashiqi se pahale
na thi dushmani kisi se teri dosti se pahale
hai ye meri badanasibi tera kya qasur is mein
tere gham ne mar dala mujhe zindagi se pahale
mera pyar jal raha hai ae chand aj chup ja
kabhi pyar tha hamen bhi teri chandni se pahale
main kabhi na muskurata jo mujhe ye ilm hota
ki hazaron gham milenge mujhe ik khushi se pahale
ye ajeeb imtehan hai ki tumhi ko bhulana hai
mile kab the is tarah hum tumhen bedili se pahale

 
Poet of the Poem / Ghazal or Nazam :Faiyaz Hashmi

hamsafar hota koi to bant lete duriyan
rah chalte log kya samajhen meri majaburiyan
muskurate khwab chunati gungunati ye nazar
kis tarah samajhe meri qismat ke namanzuriyan
hadason ke bheed hai chalata hua ye karavan
zindagi ka naam hai lachariyan majaburiyan
phir kisi ne aj cheda zikr-e-manzil is tarah
dil ke daman se lipatane aa gai hain duriyan
 

Poet of the Poem / Ghazal or Nazam : Sardar Anjum

Dil mein ik lahar si uthi hai abhi
koi taza hawa chali hai abhi
shor barpa hai khana-e-dil mein
koi divar si giri hai abhi
kuch to nazuk mizaj hain hum bhi
aur ye chot bhi nai hai abhi
bhari duniya mein jee nahi lagata
jane kis cheez ke kami hai abhi
tu sharik-e-sukhan nahi hai to kya
ham-sukhan teri khamoshi hai abhi
yaad ke be-nishan jaziron se
teri aavaz aa rahi hai abhi
shahar ke becharag galiyon mein
zindagi tujh ko dhundhati hai abhi
so gaye log us haveli ke
ek khidaki magar khuli hai abhi
tum to yaro abhi se uth baithe
shahar mein raat jagti hai abhi
waqt acha bhi aayega ‘nasir’
gham na kar zindagi padi hai abhi

Poet of the Poem / Ghazal or Nazam : Nasir Kazmi

Dil aur wo bhi tuta hua dil
ab zindagi hai jine ke qabil
kya zindagi ka ehasas-e-shamil
tere bagair ek garat-gari dil
hota hai jitana khun-e-tamanna
badati hai utani rangini-e-dil
josh-e-junun mein yak sa hai dono
kya gard-e-sehra, kya khak-e-manzil
taqdir-e-insan aur ye zamana
ek marg-e-asan aur wo bhi mushqil
lab par tabassum, aankhon mein aansu
hum likh rahen hain afsana-e-dil
‘taskeen’ se aksar hum bhi mile hain
kuch bhi ho lekin hai sahib-e-dil

Poet of the Poem / Ghazal or Nazam : Taskeen Qureshi