Labon pe narm tabassum racha ke dhul jayen
khuda kare mere aansu kisi ke kam aayen
jo ibtada-e-safar mein diye bujha baithe
wo badnasib kisi ka surag kya payen
talash-e-husn kahan le chali khuda jane
umang thi ki faqat zindagi ko apanayen
bula rahe hain ufaq par jo zard-ru tile
kaho to hum bhi fasane ke raz ho jayen
na kar khuda ke liye bar-bar zikr-e-bahisht
hum aasman ka mukarrar fareb kyon khayen
tamam maikada sunsan maigusar udas
labon ko khol kar kuch sochati hain minayen

Poet of the Poem / Ghazal or Nazam : Ahmed Nadeem Qasmi

Lab pe pabandi nahi ehasas pe pahara to hai
phir bhi ahal-e-dil ko ahaval-e-bashar kahana to hai
apni gairat bech dalen apna masalaq chod den
rahnumaon mein bhi kuch logon ko ye mansha to hai
hai jinhen sab se zyada dava-e-hubb-e-vatan
aj un ke vajah se hubb-e-vatan rusava to hai
bujh rahe hain ek ek kar ke aqidon ke diye
is andhere ka bhi lekin samana karana to hai
jhooth q bolen farog-e-maslahat ke naam par
zindagi pyari sahi lekin hamen marana to hai

Poet of the Poem / Ghazal or Nazam : Sahir Ludhianvi

Lab pe aati hai dua banake tamanna meri
zindagi shamma ke surat ho khudaya meri
dur duniya ka mere dam andhera no jaye
har jagah mere chamakane se ujala ho jaye
ho mere dam se yun hi mere watan ke zinat
jis tarah phul se hoti hai chaman ke zinat
zindagi ho meri parawane ke surat ya rab
ilm ke shamma se ho mujhko mohabbat ya rab
ho mera kam garibon ke himayat karana
dard-mandon se zaifon se mohabbat karana
mere ALLAH burai se bachana mujhko
nek jo reh ho us reh pe chalana mujhko

Poet of the Poem / Ghazal or Nazam : Allama Iqbal

Itna to zindagi mein kisi ke khalal pade
hansane se ho sukun na rone se kal pade
jis tarah hans raha hun main pi-pi ke ashk-e-gam
yun dusara hanse to kaleja nikal pade
ek tum ke tum ko fikr-e-nasheb-o-faraz hai
ek hum ke chal pade to baharahal chal pade
muddat ke bad us ne jo ke lutf ke nigah
jee khush to ho gaya magar aansu nikal pade
saqi sabhi ko hai gam-e-tashnalabi magar
may hai usi ke naam pe jis ke ubal pade

Poet of the Poem / Ghazal or Nazam : Kaifi Azmi

Ishq lamahadud jab tak rahanuma hota nahi
zindagi se zindagi ka haq ada hota nahi
is se bad kar dost koi dusara hota nahi
sab juda ho jayen lekin gham juda hota nahi
bekaran hota nahi be-inteha hota nahi
qatara jab tak bad ke qulzam aashna hota nahi
zindagi ik hadasa hai aur aisa hadasa
maut se bhi khatm jis ka silasila hota nahi
dard se mamur hoti ja rahi hai qayanat
ik dil-e-insan magar dard aashna hota nahi
is maqam-e-qurb tak ab ishq pahuncha hai jahan
dida-o-dil ka bhi aksar vasta hota nahi
ALLAH ALLAH ye kamal-e-irtabat-e-husn-o-ishq
fasale hon lakh dil se dil juda hota nahi
waqt aata hai ik aisa bhi sar-e-bazm-e-jamal
samane hote hain wo aur samana hota nahi
kya qayamat hai ke is daur-e-taraqqi mein “jigar”
aadmi se aadmi ka haq ada hota nahi

Poet of the Poem / Ghazal or Nazam : Jigar Moradabadi

Ishq fana ka naam hai ishq mein zindagi na dekh
jalva-e-aftab ban zarre mein roshani na dekh
shauq ko rahnuma bana jo ho chuka kabhi na dekh
aag dabi hui nikal aag bujhi hui na dekh
tujh ko khuda ka vasta tu meri zindagi na dekh
jis ke sahar bhi sham ho us ke siyah shavi na dekh

Poet of the Poem / Ghazal or Nazam : Jigar Moradabadi

Is tarah har gham bhulaya kijiye
roz maikhane mein aaya kijiye
chod bhi dijiye takalluf shekh jee
jab bhi aayen pi ke jaya kijiye
zindagi bhar phir na uterega nasha
in sharabon mein nahaya kijiye
ae hasinon ye guzarish hai meri
apne hathon se pilaya kijiye

Poet of the Poem / Ghazal or Nazam : Hasrat Jaipuri

jahan phoolon ko khilana tha waheen khilate to acha tha
tumhin ko hum ne chaha tha tumhin milate to acha tha
koi aakar hamen puche tumhen kaise bhulaya hai
tumhare khat ko ashkon se shab-e-gam mein jalaya hai
hazaron zakhm aise hain agar silate to acha tha
tumhen jitana bhulaya hai tumhari yaad aayi hai
bahar-e-nau jo aayi hai wo hi khushbu lai hai
tumhare lab meri khatir agar hilate to acha tha
mila hai lutf bhi hum ko hasin yadon ke jhil-mil mein
katati hai zindagi tum bin magar itni si hai dil mein
agar tum aate to acha tha agar milate to acha tha

Poet of the Poem / Ghazal or Nazam : Saadullah Shah

jab nazar aap ke ho gai hai
zindagi zindagi ho gai hai
barha bar-khilaf-e-har-ummid
dosti dushmani ho gai hai

hai wo takamil purakariyon ke
jo meri sadagi ho gai hai

teri har pursish-o-meharbani
ab meri bekasi ho gai hai

bhool baitha hai tu kah ke jo baat
wo meri zindagi ho gai hai
bazm mein aankh uthane ke taqasir
ae “firaq” aj bhi ho gai hai

Poet of the Poem / Ghazal or Nazam :Firaq Gorakhpuri

Ik tum ke dil mein dard kisi gair ke liye
ik hum ke dard ban gaye khud aap ke liye
hum apne aashiyane mein tere muntazir
tum tinke chun rahe the kisi aur ke liye
hum janate hain dil mein tumhare nahi hain hum
jo khat tumhari aankhon mein the hum ne padh liye
gham hai ke tu ne lut liya aitamad ko
ik daag de diye hain hamen umr ke liye
qatil ke is ada pe bhi qurban jaye
khud de ke zeher aankhon mein aansu bhi bhar liye
thi kon si khata ke mili jis ke ye saza
hum ne to umr bhar tere nqash-e-qadam liye
“azra” ye mana bojh hai ab tujh pe zindagi
par zindagi to teri nahi hai tere liye

Poet of the Poem / Ghazal or Nazam : Azra Adil Rashid

Ik muamma hai samajhane ka na samajhane ka
zindagi kahe ko hai khwab hai divane ka
zindagi bhi to pasheman hai yahan lake mujhe
dhundhati hai koi hila mere mar jane ka
haddiyan hain kai lipati hui zanjiron mein
liye jate hain janaza tere divane ka
tum ne dekha hai kabhi ghar ko badalate hue rang
aao dekho na tamasha mere gumkhane ka
ab ise dar pe leja ke sula de saqi
yun behakana nahi acha tere divane ka
hum ne chani hain bahot dair-o-haram ke galiyan
kaheen paya na thikana tere divane ka
har nafas umr-e-guzashta ke hai mayyat “fani”
zindagi naam hai mud mud ke jiye jane ka

Poet of the Poem / Ghazal or Nazam : Fani Badayuni

jan-e-afasana yahi kuch bhi ho afasane ka naam
zindagi hai dil ke dhadakan tez ho jane ka naam
qatara qatara zindagi ke zeher ka pina hai gham
aur khushi hai do ghadi pi kar bahak jane ka naam
intazar-e-fasl-e-gul mein kho chuke aankhon ka nur
aur bahar-e-bag leti hi nahi aane ka naam
tab-e-nakami nahi to aarzoo karta hai kya
aarzoo hai mauj ke sahil se takarane ka naam
aj tu kal koi aur hoga sadar-e-bazm-e-may
saqiya tujh se nahi hum se hai maikhane ka naam
vaqif-e-“mullah” na thi bazm-e-khirad, ye tay hua
ho na ho, ye hai kisi mashahur divane ka naam

Poet of the Poem / Ghazal or Nazam :Anand Narain Mullah

husn phir fitnagar hai kya kahiye
dil ke janib nazar hai kya kahiye
phir wohi rahaguzar hai kya kahiye
zindagi rahabar hai kya kahiye
husn khud pardadar hai kya kahiye
ye hamari nazar hai kya kahiye
aah to be-asar thi barason se
nagma bhi be-asar hai kya kahiye
husn hai ab na husn ke jalve
ab nazar hi nazar hai kya kahiye
aj bhi hai ‘majaz’ khaknashin
aur nazar arsh par hai kya kahiye

Poet of the Poem / Ghazal or Nazam :Majaz Lucknawi

hoti hai tere naam se vahshat kabhi kabhi
barham hui hai yun bhi tabiyat kabhi kabhi
ae dil kise nasib ye taufiq-e-iztirab
milati hai zindagi mein ye rahat kabhi kabhi
tere karam se ae alam-e-husn-e-afrin
dil ban gaya hai dost ke khilvat kabhi kabhi
dil ko kahan nasib ye taufiq-e-iztirab
milati hai zindagi mein ye rahat kabhi kabhi
josh-e-junun mein dard ke tugayaniyon ke sath
ashkon mein dhal gai teri surat kabhi kabhi
tere qarib rah ke bhi dil mutamain na tha
guzri hai mujh pe bhi ye qayamat kabhi kabhi
kuch apana hosh tha na tumhara khayal tha
yun bhi guzar gai shab-e-furqat kabhi kabhi
ae dost hum ne tark-e-muhabbat ke bavajud
mahasus ke hai teri zarurat kabhi kabhi

 
Poet of the Poem / Ghazal or Nazam : Nasir Kazmi

Duniya se dil lagakar duniya se kya milega
yad-e-khuda kiye ja tujh ko khuda milega
daulat ho ya hukumat taqat ho ya javani
har cheez mitane vali har cheez aani-jani
ye sab gurur ik din matti mein ja milega
aata nahi palatakar guzra hua zamana
kya khwab ka bharosa kya maut ka thikana
ye zindagi ganva kar kya fayeda milega

Poet of the Poem / Ghazal or Nazam : Charag Hasan Hasrat