manzil-e-janan ko jab ye dil ravan tha dosto
tum ko main kaise bataun kya saman tha dosto
har guman pahane hue tha ek malbus-e-yaqin
har yaqin jan dada-e-husn-e-guman tha dosto
dil ki har dhadakan makan-o-lamakan par thi muhit
har nafas raz-e-doalam ka nishan tha dosto
kya khabar kis justaju mein is qadar aawara tha
dil ke jo ganjina-e-sarr-e-nihan tha dosto
dhundhane par bhi na milta tha mujhe apna vujud
main talash-e-dost mein yun benishan tha dosto
markad-e-iqbal par hazir thi jab dil ki tadap
zindagi ka ek parda darmiyan tha dosto
qarb ne paida kiya tha khud hi duri ka saman
fasala warna hail kahan tha dosto
bekhudi mein jab mere honton ne chuma qabr ko
mere sina se gada-e-fursiyan tha dosto
ru-ba-ru-e-jalva-e-markad vujud-e-kam ayar
zar-e-naqis sharmasar-e-imtehan tha dosto
partav-e-dil mein nihan thi tah-bateh ye khamoshi
ishq ka wo bhi ik izhar-e-bayan tha dosto
jalvagah-e-dost ka aalam kahun main tum se kya
jalva hi jalva vahan tha main kahan tha dosto
sajdagah-e-khurshiyan tha yan na jane kya tha wo
jo meri nazron ke aage aastan tha dosto
dil ne har lamhe ko dekha ik nirale rang mein
lamha lamha dastan dar dastan tha dosto
jis ke sher-o-nagmagi par vusat-e-alam thi tang
har subah ko wo dopahre bekaran tha dosto
so raha tha khak ke niche jahan-e-zindagi
raz-e-hasti meri nazron par ayan tha dosto
kash tum bhi meri palkon ka nazara dekhte
ye nazara kahkashan dar kahkashan tha dosto

Poet of the Poem / Ghazal or Nazam :Jagannath Azad

Kabhi yun bhi aa meri aankh mein ke meri nazar ko khabar na ho
mujhe ek raat navaz de magar uske bad sahar na ho
wo bada rahim-o-karim hai mujhe ye sifat bhi ata kare
tujhe bhulane ke dua karun to dua mein meri asar na ho
mere bazuon mein thaki thaki , abhi mahav-e-khvab hai chandani
na uthe sitaron ke palaki, abhi aahaton ka guzar na ho
ye gazal ki jaise hiran ke aankhon mein pichali raat ke chandani
na bujhe kharabe ke roshani, kabhi becharag ye ghar na ho
wo firaq ho ya visal ho, teri yaad mahakegi ek din
wo gulab ban ke khilega kya, jo chirag ban ke jala na ho
kabhi dhup de, kabhi badaliyan, dil-o-jan se donon qubul hain
magar us nagar mein na qaid kar jahan zindagi ke hawa na ho
kabhi din ke dhup mein jhum ke kabhi shab ke phul ko choom ke
yun hi sath sath chalen sada kabhi khatm apna safar na ho
mere pas mere habib aa zara aur dil ke qarib aa
tujhe dhadakanon mein basa lun main ke bichadane ka kabhi dar na ho

Poet of the Poem / Ghazal or Nazam : Bashir Badr

Kabhi to aasman se chand utre jam ho jaye
tumhare naam ke ik khubasurat sham ho jaye
hamara dil savere ka sunahara jam ho jaye
charagon ke tarah aankhen jalen jab sham ho jaye
ajab halat the yun dil ka sauda ho gaya aakhir
mohabat ke haveli jis tarah nilam ho jaye
samandar ke safar mein is tarah aavaz do hamako
havayen tez hon aur kashtiyon mein sham ho jaye
main khud bhi ehatiyatan us gali se kam guzarata hun,
koi masum kyon mere liye badanam ho jaye
mujhe malum hai us ka thikana phir kahan hoga
parinda aasman chune mein jab naqam ho jaye
ujale apni yadon ke hamare sath rahane do
na jane kis gali mein zindagi ke sham ho jaye

Poet of the Poem / Ghazal or Nazam : Bashir Badr

main nazar se pi raha hun ye sama badal na jaye
na jhukao tum nigahen kaheen raat dhal na jaye
mere ashk bhi hain is mein ye sharab ubal na jaye
mera jam chunevale tera hath jal na jaye
abhi raat kuch hai baqi na utha naqab saqi
tera rind girate girate kaheen phir sambhal na jaye
meri zindagi ke malik mere dil pe hath rakhna
tere aane ke khushi mein mera dam nikal na jaye
mujhe phunkane se pahale mera dil nikal lena
ye kisi ke hai amanat kaheen sath jal na jaye

Poet of the Poem / Ghazal or Nazam :Anwar Mirzapuri

Kabhi mujh ko sath lekar, kabhi mere sath chal kar
wo badal gaye achanak meri zindagi badal kar
huye jis pe meharaban tum koi khushnasib hoga
meri hasaraten to nikalin mere aansuon mein dhal ke
teri zulf-o-rukh ke qurban dil-e-zar dhundhata hai
wohi champai ujale wohi suramai dhundalake
koi phul ban gaya hai koi chand koi tara
jo chirag bujh gaye hain teri anjuman mein jal ke
mere dosto khudara mere sath tum bhi dhundo
wo yahin kaheen chupe hain mere gham ka rukh badal ke
teri bejhijhak hansi se na kisi ka dil ho maila
ye nagar hai aainon ka yahan sans le sambhal ke

Poet of the Poem / Ghazal or Nazam : Ehsan Danish

Kabhi khwabon mein mila wo to khayalon mein kabhi
reh chalte na mila din ke ujale mein kabhi
zindagi hum se to is darja tagaful na barat
hum bhi shamil the tere chahanevalon mein kabhi
jinaka hum aj talak pa na sake koi javab
khud ko dhundha kiye un talkh sawalon mein kabhi
thodi rusavai tumhari bhi to hogi yaro
chap gae sher hamare jo risalon mein kabhi

Poet of the Poem / Ghazal or Nazam : Salman Akhtar

Kabhi kabhi mere dil mein khayal aata hai
ke zindagi teri zulfon ke narm chaon mein
guzarne pati to shadab ho bhi sakati thi
ye tirgi jo meri zist ka muqaddar hai
teri nazar ke shuaon mein kho bhi sakati thi
ajab na tha ke main begana-e-alam ho kar
tere jamal ke ranaiyon mein kho rehta
tera gudaz badan teri nim-bar aankhen
inhin hasin fasanon mein maho rehta
pukaratin mujhe jab talkhiyan zamane ke
tere labon se halawat ke ghunt pi leta
hayat chikhati phirati barahana-sar, aur main
ghaneri zulfon ke saye mein chup ke jee leta
magar ye ho na saka aur ab ye aalam hai
ke tu nahin, tera gam, teri justaju bhi nahi
guzar rahi hai kuch is tarah zindahi jaise
ise kisi ke sahare ke aarzoo bhi nahi
zamane bhar ke dukhon ko laga chuka hun gale
guzar raha hun kuch anjani guzargahon se
muhib saye meri simt badate aate hain
hayat-o-maut ke purhaul kharazaron se
na koi jada na manzil na roshani ka surag
bhatak rahi hai khalaon mein zindagi meri
inhin khalaon mein reh jaunga kabhi khokar
main janata hun meri ham-nafas magar yun hi
kabhi kabhi mere dil mein khayal aata hai

Poet of the Poem / Ghazal or Nazam : Sahir Ludhianvi

Kabhi aansu kabhi khushi bechi
hum garibon ne bekasi bechi
chand sanse kharidane ke liye
roz thodi si zindagi bechi
jab rulane lage mujhe saye
main ne uqta ke roshni bechi
ek hum the ke bik gaye khud hi
varana duniya ne dosti bechi

Poet of the Poem / Ghazal or Nazam :  Abu Talib

Kabhi aah lab pe machal gai kabhi ashk aankh se dhal gaye
wo tumhare gham ke chirag hain kabhi bujh gaye kabhi jal gaye
main khayal-o-khvab ke mahafilen na baqadr-e-shauq saja saka
tumhari ik nazar ke sath hi mere sab irade badal gaye
kabhi rang mein kabhi rup mein kabhi chanv mein kabhi dhup mein
kaheen aafatab-e-nazar hain wo kaheen mahatab mein dhal gaye
jo fana huye gam-e-ishq mein unhen zindagi ka na gham hua
jo na apni aag mein jal sake wo parai aag mein jal gaye
ya unhen bhi meri tarah junun to phir un mein umjh mein ye farq kya
main giraft-e-gam se na bach saka wo hudud-e-gam se nikal gaye

Poet of the Poem / Ghazal or Nazam : Rashid Kamil

mal-e-soz-e-gam hae! nihani dekhte jao
bhadak uthi hai shamma-e-zindagani dekhte jao
chale bhi aao wo hai qabr-e-fani dekhte jao
tum apne marane wale ke nishani dekhte jao
abhi kya hai kisi din khoon rulayega ye khamoshi
zuban-e-hal ki jadd-o-bayani dekhte jao
garur-e-husn ka sadaqa koi jata hai duniya se
kisi ke khak mein milati javani dekhte jao
udhar muh pher kar kya zibah karte ho, idhar dekho!
meri gardan pe khanjar ke ravani dekhte jao
bahar-e-zindagi ka lutf dekha hai aur dekhoge
kisi ka aish marg-e-nagahani dekhte jao
sune jate na the tum se mere din raat ke shikave
kafan sarakao meri be-zubani dekhte jao
wo utha shor-e-matam aakhari didar-e-mayyat par
ab utha chahate hain nash-e-fani dekhte jao

Poet of the Poem / Ghazal or Nazam :Fani Badayuni

justaju jis ke thi us ko to na paya hum ne
is bahane se magar dekh li duniya hum ne
tujh ko rusava na kiya khud bhi pasheman na huye
ishq ke rasm ko is tarah nibhaya hum ne
kab mili thi kahan bichadi thi hamen yaad nahi
zindagi tujh ko to bas khwab mein dekha hum ne
ae ‘ada’ aur sunaye bhi to kya hal apna
umr ka lamba safar tay kiya tanha hum ne
 

Poet of the Poem / Ghazal or Nazam :Shahryar

Log toot jate hain ek ghar banane mein
tum taras nahi khate bastiyan jalne mein
aur jam tutenge is sharab-khane mein
mausamon ke aane mein mausamon ke jane mein
har dhadakate pathar ko log dil samajhate hain
umr bit jati hai dil ko dil banane mein
fakhta ke majboori ye bhi kah nahi sakati
kon sanp rakhta hai usake aashiyane mein
dusari koi ladaki zindagi mein aayegi
kitni der lagti hai usako bhool jane mein

Poet of the Poem / Ghazal or Nazam : Bashir Badr

jiyenge magar muskura na sakenge ke ab zindagi mein muhabbat nahi hai
labon pe tarane ab aa na sakenge ke ab zindagi mein muhabbat nahi hai
baharen chaman mein jab aaya karengi nazron ke mahafil sajaya karengi
nazare bhi hum ko hansa na sakengi ke ab zindagi mein muhabbat nahi hai
javani bulayegi savan ke raten zamana karega muhabbat ke baten
magar hum ye savan mana na sakenge ke ab zindagi mein muhabbat nahi hai

Poet of the Poem / Ghazal or Nazam :Kaif Irfani

jise ishq ka tir kari lage
use zindagi kyon na bhari lage
na chode mohabbat dam-e-marg lag
jise yar jani son yari lage
na hoye use jag mein hargiz qarar
jise ishq ke beqarari lage
har ik waqt mujh aashiq-e-pak kon
piyare teri baat piyari lage
“wali” kon kahe tu agar ek bachan
raqiban ke dil mein katari lage

Poet of the Poem / Ghazal or Nazam :Wali Mohammed Wali

Lamhon ke aazab sah raha hun
main apne vajud ke saza hun
zakhmon ke gulab khil rahe hain
khushbu ke hujum mein khada hun
is dasht-e-talab mein ik main bhi
sadiyon ke thaki hui sada hun
benam-o-numud zindagi ka
ik bojha uthaye phir raha hun
ik aisa chaman hai jis ke khushbu
sanson mein basaye phir raha hun
ik aisi zamin hai jis ko chukar
takadis-e-haram se aashna hun
ae mujh ko fareb dene wale
main tujh par yaqin kar chuka hun
main tere qarib aate aate
kuch aur bhi dur ho gaya hun

Poet of the Poem / Ghazal or Nazam : Athar Nafees