meri zindagi hai zalim, tere gham se aashkara
tera gham hai dar-haqiqat mujhe zindagi se pyara
wo agar bura na mane to jahan-e-rang-o-bu mein
main sukun-e-dil ke khatir koi dhundh lun sahara
ye fulak fulak havayen ye jhuki jhuki ghatayen
wo nazar bhi kya nazar hai jo samajh na le ishara
mujhe aa gaya yaqin sa yahi hai meri manzil
sar-e-rah jab kisi ne mujhe daffa’atan pukara
main bataun farq nasih, jo hai mujh mein aur tujh mein
meri zindagi talatum, teri zindagi kinara
mujhe guftagu se bad kar gam-e-izn-e-guftagu hai
wahi baat puchte hain jo na kah sakun dobara
koi aye ‘shakeel’ dekhe, ye junun nahi to kya hai
ke usi ke ho gaye hum jo na ho saka hamara

Poet of the Poem / Ghazal or Nazam : Shakeel Badayuni

meri tasvir mein rang aur kisi ka to nahi
gher lain mujhko sab aake main tamasha to nahi
zindagi tujhase har ik sans pe samajhauta karun
shauq jine ka hai mujhko magar itna to nahi
ruh ko dard mila dard ko aankhen na mili
tujh ko mahasus kiya hai tujhe dekha to nahi
sochate sochate dil dubne lagata hai mera
zahan ke tah mein ‘muzaffar’ koi dariya to nahi

meri tasvir mein rang aur kisi ka to nahi
gher lain mujhko sab aake main tamasha to nahi
zindagi tujhase har ik sans pe samajhauta karun
shauq jine ka hai mujhko magar itna to nahi
ruh ko dard mila dard ko aankhen na mili
tujh ko mahasus kiya hai tujhe dekha to nahi
sochate sochate dil dubne lagata hai mera
zahan ke tah mein ‘muzaffar’ koi dariya to nahi

Poet of the Poem / Ghazal or Nazam : Muzaffar Warsi 

mere sang-e-mazar par farahad
rakh ke tesha kahe hai ‘ya ustad’
hum se bin marg kya juda ho malal
jan ke sath hai dil-e-nashad
fikr-e-tamir mein na reh munim
zindagi ke kuch bhi hai buniyad
khak bhi sar pe dalane ko nahi
kis kharabe mein hum huye aabad
sunate ho tuk suno ki phir mujh bad
na sunoge ye nala-o-fariyad
har taraf hain asir ham-avaz
bag hai ghar tera to ae sayyad
hum ko marana ye hai ke kab hove
apni qaid-e-hayat se aazad

Poet of the Poem / Ghazal or Nazam : Meer Taqi Meer

Kon kehta hai mohabbat ke zuban hoti hai
ye haqiqat to nigahon se bayan hoti hai
wo na aaye to satati hai khalish si dil ko
wo jo aaye to khalish aur jawan hoti hai
ruh ko shad kare dil ko jo puranur kare
har nazare mein ye tanvir kahan hoti hai
zabt-e-sailab-e-mohabbat ko kahan tak roke
dil mein jo baat ho aankhon se ayan hoti hai
zindagi ek sulagati si chita hai “sahir”
shola banti hai na ye bhuj ke dhuan hoti hai

Poet of the Poem / Ghazal or Nazam : Sahir Hoshiarpuri

Kon kehta hai ke maut aayi to mar jaunga
main to dariya hun samandar mein utar jaunga
tera dar chod ke main aur kidhar jaunga
ghar mein ghir jaunga sahara mein bikhar jaunga
tere pehlu se jo uthunga to mushkil ye hai
sirf ik shakhs ko paunga jidhar jaunga
ab tere shahar mein aaunga musafir ke tarah
saya-e-abr ke manind guzar jaunga
tera paiman-e-vafa reh ke divar bana
warna socha tha ke jab chahunga mar jaun ga
charasazon se alag hai mera mayar ke main
zakhm khaunga to kuch aur sanvar jaun ga
ab to khurshid ko dube hue sadiyan guzarin
ab use dhundhane main ta-ba-sahar jaunga
zindagi shamma ke manind jalta hun ‘nadeem’
bujh to jaunga magar subah to kar jaunga

Poet of the Poem / Ghazal or Nazam : Ahmed Nadeem Qasmi

mere aansuon pe nazar na kar mera shikwa sun ke khafa na ho
use zindagi ka bhi haq nahi jise dard-e-ishq mila na ho
ye inayaten ye navazishen mere dard-e-dil ke dawa nahi
mujhe us nazar ke talash hai jo ada shanas-e-vafa na ho
tujhe kya bataun main bekhabar ki hai dard-e-ishq mein kya asar
ye hai wo latif si kaifiyat jo zuban tak aaye ada na ho
ye sharab rez-e-hasin ghata jo hai “kaif” nazish-e-mayakada
kisi tashna-kam ke aarzoo kisi tashna-lab ke dua na ho

Poet of the Poem / Ghazal or Nazam :Kaif Akrami

Kam nahi meri zindagi ke liye
chain mil jaye do ghadi ke liye
ae dil-e-zar kon hai tera
kyon tadapata hai yun kisi ke liye
kitne saman kar liye paida
itni choti si zindagi ke liye
aisa ‘faiyyaz’ gham ne ghera hai
lab taras hi gaye hansi ke liye

Poet of the Poem / Ghazal or Nazam : Faiyaz Hashmi

Kal na main itna bura tha kya hua
tera dil bhi aaina tha kya hua
zindagi mein mod kitne aa gaye
ye to sidha rasta tha kya hua
bheed q hai aashiyan ke aas pas
ek shola sa uthta tha kya hua
ye imarat aj q viran hai
is jagah par ek khuda tha kya hua
q “naseem” ab maikade jane lage
aadmi to parasa tha kya hua

Poet of the Poem / Ghazal or Nazam : Naseem Ajmeri

maut ik geet raat gati thi
zindagi jhum-jhum jati thi
kabhi divane ro bhi padate the
kabhi teri bhi yaad aati thi
kis ke matam mein chand taron se
raat bazm-e-aza sajati thi
rote jate the tere hijr nasib
raat furqat ke dhalati jati thi
khoi khoi si rahati thi wo aankh
dil ka har bhed pa bhi jati thi
zikr tha rang-o-bu ka au’ dil mein
teri tasvir utarati jati thi
husn mein thi in aansuon ke chamak
zindagi jin mein muskurati thi
dard-e-hasti chamak utha jis mein
wo hum ahal-e-vafa ke chati thi
tere un aansuon ke yaad aayi
zindagi jin mein muskurati thi
tha sukut-e-faza tarannum-rez
bu-e-gesu-e-yar gati thi
gam-e-janan ho yan gam-e-dauran
lau si kuch dil mein jhil-milati thi
zindagi ko wafa ke rahon mein
maut khud roshni dikhati thi
baat kya thi ki dekhte hi tujhe
ulfat-e-zist bhool jati thi
the na afalak gosh bar aavaz
bekhudi dastan sunati thi
karavaten le ufaq pe jaise subah
koi doshiza ras-masati thi
zindagi zindagi ko vaqt-e-safar
karavan-karavan chupati thi
samane tere jaise koi baat
yaad aa-a ke bhool jati thi
wo tera gham ho ya gam-e-duniya
shamma-si dil mein jhil-milati thi
gham ke wo dastan-e-nim-shabi
aasmanon koo neend aati thi
maut bhi gosh bhar sada thi “firaq”
zindagi koi geet gati thi

Poet of the Poem / Ghazal or Nazam :Firaq Gorakhpuri

maujon ka aks hai khat-e-jam-e-sharab mein
ya khoon uchal raha hai rag-e-mahatab mein
wo maut hai ki kahate hain jisako sukun sab
wo ain zindagi hai jo hai iztarab mein
dozakh bhi ek jalva-e-firdaus se husn hai
jo is se bekhabar hain wohi hain azab mein
us din bhi meri ruh thi mahv-e-nishat-e-did
musa ulajh gae the saval-o-javab mein
main iztarab-e-shauq kahun ya jamal-e-dost
ik barq hai jo kaundh rahi hai naqab mein

Poet of the Poem / Ghazal or Nazam :Asghar Gondvi

mere khwabon ke jharokon ko sajane wali
tere khwabon mein kaheen mera guzar hai ki nahi
puchakar apni nigahon se batade mujhko
meri raton ke muqaddar mein sahar hai ke nahi
char din ke ye rafaqat jo rafaqat bhi nahi
umr bhar ke liye aazar hui jati hai
zindagi yun to hamesha se pareshan-si thi
ab to har sans giranbar hui jati hai
meri ujadi hui nindon ke shabistanon mein
tu kisi khwab ke paikar ke tarah aai hai
kabhi apni si kabhi gair nazar aati hai
kabhi ikhalas ke murat kabhi harajai hai
pyar par bas to nahi haimera lekin phir bhi
tu bata de ki tujhe pyar karun ya na karun
tune khud apne tabassum se jagaya hai jinhen
un tamannaon ka izahar karun ya na karun
tu kisi aur ke daman ke kali hai lekin
meri raten teri khushbu se basi rahati hain
tu kaheen bhi ho tere phul se aariz ke qasam
teri palaken meri aankhon pe jhuki rahati hain
tere hathon ke hararat tere sanson ke mahak
tairati rahati hai ehasas ke pahanai mein
dhundhati rahati hain takhail ke banhen tujh ko
sard raton ke sulagati hui tanahai mein
tera altaf-o-karam ek haqiqat hai magar
ye haqiqat bhi haqiqat mein fasana hi na ho
teri manus nigahon ka ye mohatat payam
dil ke khoon karne ka ek aur bahana hi na ho
kon jane meri imroz ka farda kya hai
qurbaten bad ke pasheman bhi ho jati hai
dil ke daman se lipatati hui rangin nazaren
dekhte dekhte anjan bhi ho jati hai
meri daramanda javani ke tamannaon ke
muzmahil khwab ke tabir bata de mujhko
tere daman mein gulistan bhi hai, virane bhi
mera hasil meri taqdir bata de mujhko

Poet of the Poem / Ghazal or Nazam :Sahir Ludhianvi

Kaisa chalan hai gardish-e-lail-o-nahar ka
shikwa har ek ko hai gam-e-rozagar ka
tuti jo aas jal gaye palkon pe sau chirag
nikhara kuch aur rang shab-e-intazar ka
is zindagi i hum se haqiqat na puchiye
ik jabr jis ko naam diya ikhtiyar ka
ye kon aa gaya meri bazm-e-khayal mein
pucha mizaj kis ne dil-e-sogavar ka
dekho phir aj ho na jaye kaheen khun-e-aitamad
dekho na toot jaye fusun aitabar ka

Poet of the Poem / Ghazal or Nazam : Mumtaz Mirza

masti bhari nazar ka nasha hai mujhe abhi
ye jam dur rakh do pi lunga phir kabhi
dil ko jala ke bazm ko raushan na kijiye
us mahjabin ko aane mein kuch der hai abhi
hum ne to ashk pi ke guzri hai sari umr
hum se khafa hai kis liye aakhir ye zindagi
jam-e-subu ko dur hi rahane de saqiya
mujh ko utarana hai kal ka nasha abhi

Poet of the Poem / Ghazal or Nazam :Surender Malik Gumnam

Kaheen chat thi divar-o-dar the kaheen
mila mujhko ghar ka pata der se
diya to bahut zindagi ne mujhe
magar jo diya wo diya der se
hua na koi kam mamul se
guzri shab-o-roz kuch is tarah
kabhi chand chamaka galat waqt par
kabhi ghar mein suraj uga der se
kabhi ruk gaye reh mein besabab
kabhi waqt se pahale ghir aayi shab
huye band daravaze khul khul ke sab
jahan bhi gaya main gaya der se
ye sab ittifaqat ka khel hai
yahi hai judai yahi mel hai
main mud mud ke dekha kiya dur tak
bani wo khamoshi sada der se
saja din bhi raushan hui raat bhi
bhare jam laharai barsat bhi
rahe sath kuch aise halat bhi
jo hona tha jaldi hua der se
bhatakati rahi yun hi har bandagi
mili na kaheen se koi roshni
chupa tha kaheen bheed mein aadmi
hua mujh mein raushan khuda der se

Poet of the Poem / Ghazal or Nazam : Nida Fazli

marun to main kisi chehare mein rang bhar jaun
‘nadeem’ kash yahi ek kam kar jaun
ye dasht-e-tark-e-muhabbat ye tere qurb ke pyas
jo izan ho to teri yaad se guzar jaun

mera vajud meri ruh ko pukarata hai
teri taraf bhi chalun to thahar thahar jaun
tere jamal ka paratau hai sab hasinon par
kahan kahan tujhe dhundhun kidhar kidhar jaun

main zinda tha ki tera intazar khatm na ho
jo tu mila hai to ab sochata hun mar jaun
ye sochata hun ki main butparast q na hua
tujhe qarib jo paun to khud se dar jaun
kisi chaman mein bas is khauf se guzar na hua
kisi kali pe na bhule se panv dhar jaun
ye jee mein aati hai takhliq-e-fan ke lamhon mein
ki khoon ban ke rag-e-sang mein utar jaun

Poet of the Poem / Ghazal or Nazam :Ahmed Nadeem Qasmi