Yahi halat ibtada se rahe
log hum se khafa khafa se rahe
bevafa tum kabhi na the lekin
ye bhi sach hai ki bevafa se rahe
in chiragon mein tel hi kam tha
kyon gila phir hamen hawa se rahe
bahas, shatranj sher mausiqi
tum nahi rahe to ye dilase rahe
usake bandon ko dekhakar kahiye
hamako umeed kya khuda se rahe
zindagi ke sharab mangate ho
hum ko dekho ki pi ke pyase rahe

Poet of the Poem / Ghazal or Nazam : Javed Akhtar

Wo ke har ahad-e-muhabbat se mukarata jaye
dil wo zalim ke usi shakhs pe marata jaye
mere pehlu mein wo aaya bhi to khushbu ke tarah
main use jitana sametun wo bikharata jaye
kyon na hum usako dil-o-jan se chahen “tashna”
wo jo ek dushman-e-jan pyar bhi karta jaye

Poet of the Poem / Ghazal or Nazam :Alam Tab ‘Tashna’

Yaro mujhe mu’af karo main nashe mein hun
ab thodi dur sath chalo main nashe mein hun
jo kucch hi kah raha hun nasha bolata hai ye
is ka na kucch khayal karo main nashe mein hun
us maikade ke reh me gir jaun na kaheen
ab mera hath tham to lo main nashe mein hun
mujhko to apne ghar ka pata yaad hi nahi
tum mere aas pas raho main nashe mein hun
kaisi guzar rahi hai muhabbat mein zindagi
“hasrat” kuch apna hal kaho main nashe mein hun

Poet of the Poem / Ghazal or Nazam : Hasrat Jaipuri

Yon lage dost tera mujhase khafa ho jana
jis tarah phul se khushbu ka juda ho jana
ahal-e-dil se ye tera tark-e-ta’alluq
waqt se pahale asiron ka riha ho jana
yon agar ho to jahan mein koi kafir na rahe
mo’ajuza tere wade ka wafa ho jana
zindagi main bhi chalunga tere piche-piche
tu mere dost ka naqsh-e-kaf-e-pa ho jana
jane wo kon si kaifiyat-e-gamkhvari hai
mere pite hi “qateel” us ko nasha ho jana

Poet of the Poem / Ghazal or Nazam : Qateel Shifai

Yun na mil mujh se khafa ho jaise
sath chal mauj-e-saba ho jaise
log yun dekh kar hans dete hain
tu mujhe bhool gaya ho jaise
ishq ko shirk ke had tak na bada
yun na mil hum se khuda ho jaise
maut bhi aayi to is naz ke sath
mujhape ehsaan kiya ho jaise
aise anjan bane baithe ho
tum ko kuch bhi na pata ho jaise
hichakiyan raat ko aati hi rahin
tu ne phir yaad kiya ho jaise
zindagi bit rahi hai “danish”
ek bejurm saza ho jaise

Poet of the Poem / Ghazal or Nazam : Ehsan Danish

wohi phir mujhe yaad aane lage hain
jinhen bhulane mein zamane lage hain
wo hain pas aur yaad aane lage hain
muhabbat ke hosh ab thikane lage hain
suna hai hamen wo bhulane lage hain
to kya hum unhen yaad aane lage hain
hataye the jo raste se doston ke
wo pathar mere ghar mein aane lage hain
ye kahana tha un se muhabbat hai mujhko
ye kahane mein mujh ko zamane lage hain
qayamat yaqinan qarib aa rahi hai
‘khumar’ ab to masjid mein jane lage hain

Poet of the Poem / Ghazal or Nazam :Khumar Barabankvi

Yar bin talkh zindagani thi
dosti muddai-e-jani thi
sheb mein fayada ta’mmul ka
sochana tab tha hab javani thi
mere qisse se sab ke ninden gain
kuch ajab taur ke kahani thi
ku-e-qatil se bach ke nikala khizr
isi mein us ke zindagani thi
fitr par bhi tha ‘mir’ ke ik rang
kafani pahani to zafarani thi

Poet of the Poem / Ghazal or Nazam :Meer Taqi Meer

Wo nahi milta mujhe is ka gila apni jagah
us ke mere darmiyan ka fasala apni jagah

dil ki mausam ke nikharane ke liye bechain hai
jam gai hai un ke hothon ke ghata apni jagah
zindagi ke is safar mein sainkadon chehare mile
dil-kashi un ke alag paikar tera apni jagah

tujh se mil kar aane wale kal se nafarat mol li
ab kabhi tujh se na bichadun ye dua apni jagah
kar kabhi tu mere dil ke khvahishon ka ehataram
khvahishon ke bheed aur un ke saza apni jagah
ik musalsal daud mein hai manzilen aur fasale
panv to apni jagah hain rasta apni jagah

Poet of the Poem / Ghazal or Nazam : Iftikhar Imam Siddiqui

Wo sava yaad aaye bhulane ke bad
zindagi badh gai zeher khane ke bad
dil sulagata raha aashiyane ke bad
aag thandi hui ik zamane ke bad
roshni ke liye ghar jalana pada
kaisi zulmat badhi tere jane ke bad
jab na kuch ban pada arz-e-gam ka javab
wo khafa ho gaye muskurane ke bad
dushmanon se pasheman hona pada hai
doston ka khulus aazamane ke bad
bakhsh de ya rab ahal-e-havas ko bahisht
mujh ko kya chahiye tum ko pane ke bad
kaise kaise gile yaad aaye ‘khumar’
un ke aane se qabl un ke jane ke bad
Poet of the Poem / Ghazal or Nazam : Khumar Barabankvi

Zindagi ka dard lekar inqalab aaya to kya
ek joshida pe gurbat mein shabab aaya to kya
ab to aankhon par gam-e-hasti ke parde pad gaye
ab koi husn-e-mujassim benaqab aaya to kya
khud chale aate to shayad baat ban jati koi
bad tark-e-ashiqi khat ka jawab aaya to kya
muddaton bichde rahe phir bhi gale to mil liye
hum ko sharm aayi to kya un ko hijab aaya to kya
ek tajalli se munawwar kijiye qatl-e-hayat
har tajalli par dil-e-khanakharab aaya to kya
matala-e-hasti ke sazish dekhte hum bhi ‘shakil’
hum ko jab neend aa gayi phir mahatab aaya to kya

Poet of the Poem / Ghazal or Nazam : Shakeel Badayuni

Zindagi jaisi tamanna thi nahi kuch kam hai
har ghadi hota hai ehasas kaheen kuch kam hai
ghar ke tamir tasavvur hi mein ho sakati hai
apne naqshe ke mutabiq ye zamin kuch kam hai
bichde logon se mulaqat kabhi phir hogi
dil mein umeed to kafi hai yaqin kuch kam hai
ab jidhar dekhiye lagata hai ki is duniya mein
kaheen kuch cheez ziyada hai kaheen kuch kam
aj bhi hai teri duri hi udasi ka sabab
ye alag baat ki pahali si nahi kuch kam hai

Poet of the Poem / Ghazal or Nazam : Shahryar

Zindagi jab bhi teri bazm mein lati hai hamen
ye zamin chand se behatar nazar aati hai hamen
surkh phoolon se mahak uthati hain dil ke rahen
din dhale yun teri aavaz bulati hai hamen
yaad teri kabhi dastak kabhi saragoshi se
raat ke pichale pahar roz jagti hai hamen
har mulaqat ka anjam judai q hai
ab to har waqt yahi baat satati hai hamen

Poet of the Poem / Ghazal or Nazam : Shahryar

Zindagi ek kiraye ka ghar hai ek na ek din badalana padega
maut jab hum ko aavaz degi ghar se bahar nikalana padega
dher matti ka har aadmi hai bad marane ke hona yahi hai
ya zaminon mein turbat banenge ya chitaon pe jalana padega
raat ke bad hoga savera dekhana hai agar tum ko din sunehara
paon phoolon pe rakhane se pahale tum ko kanton pe chalana padega
aitabar un ke vadon ka mar kar warna ae dil mere zindagi bhar
tujh ko bhi mombatti ke tarah qatara qatara pighalana padega
ye javani hai pal bhar ka sapana dhund le koi mahbub apna
ye javani agar dhal gai to umr bhar hath malana padega

Poet of the Poem / Ghazal or Nazam : Surender Malik Gumnaam

Zinda hun is tarah ki gam-e-zindagi nahi
jalta hua diya hun magar roshani nahi
wo muddaten huin hain kisi se juda hue
lekin ye dil ki aag abhi tak bujhi nahi
aane ko aa chuka tha kinara bhi samane
khud usake pas meri hi nayya gai nahi
hoton ke pas aaye hansi , kya majal hai
dil ka muamala hai koi dillagi nahi
ye chand ye hawa ye fiza, sab hai mand mand
jo tu nahi to in mein koi dil-kashi nahi

Poet of the Poem / Ghazal or Nazam : Behzad Lucknawi

Pyar mujhase jo kiya tumane to kya paogi
mere halat ke aandhi mein bikhar jaogi
ranj aur dard ke basti ka main bashinda hun
ye to bas main hun ke is hal mein bhi zinda hun
khwab q dekhun wo kal jisape main sharminda hun
main jo sharminda hua tum bhi to sharamaogi
q mere sath koi aur pareshan rahe
meri duniya hai jo viran to viran rahe
zindagi ka ye safar tumako to aasan rahe
hamasafar mujhko banaogi to pachataogi
ek main kya abhi aayenge divane kitne
abhi gunjege muhabbat ke tarane kitne
zindagi tumako sunayegi fasane kitne
q samajhati ho mujhe bhool nahi paogi

Poet of the Poem / Ghazal or Nazam : Javed Akhtar