Ik lafz-e-mohabbat ka adana sa fasana hai – Jigar Moradabadi

Ik lafz-e-mohabbat ka adana sa fasana hai
simate to dil-e-ashiq phaile to zamana hai
ye kis ka tasavvur hai ye kis ka fasana hai
jo ashk hai aankhon mein tasbih ka dana hai
hum ishq ke maron ka itna hi fasana hai
rone ko nahi koi hansane ko zamana hai
wo aur vafa-dushman manenge na mana hai
sab dil ke shararat hai aankhon ka bahana hai
kya husn ne samajha hai kya ishq ne jana hai
hum khak-nashinon ke thokar mein zamana hai
wo husn-o-jamal un ka ye ishq-o-shabab apana
jine ke tamanna hai marana ka zamana hai
ya wo the khafa hum se ya hum the khafa un se
kal un ka zamana tha aj apana zamana hai
ashkon ke tabassum mein aahon ke tarannum mein
masum mohabbat ka masum fasana hai
aankhon mein nami si hai chup-chup se wo baithe hain
nazuk si nigahon mein nazuk sa fasana hai
hai ishq-e-junun-pesha han ishq-e-junun-pesha
aj ek sitamagar ko hans hans ke rulana hai
ye ishq nahi aasan itna to samajh lije
ek aag ka dariya hai aur dub ke jana hai
aansu to bahot se hain aankhon mein ‘jigar’ lekin
bindh jaye so moti hai rah jaye so dana hai



 

Poet of the Poem / Ghazal or Nazam : Jigar Moradabadi

Tags: , , , ,

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.