Khuda Karay Ke Meri Arz-E-Pak Per Utray



Khuda Karay Ke Meri Arz-E-Pak Per Utray
Woh Fasl-E-Gul Jissay Andesha-E-Zawwal Na Ho

Yahan Jo Phool Khillay Khila Rahay Sadiyon
Yahan Say Khizan Ko Guzarnay Ki Majaal Na Ho

Yahan Jo Sabza Ugay Hamesha Sabz Rahay
Aur Aisa Sabz Kay Jisski Koi Misaal Na Ho



Khuda Karay Kay Na Kham Ho Sir-E-Wiqar-E-Watan
Aur Iss Kay Husn Ko Tashweesh-E-Mah O Saal Na Ho

Har Aik Fard Ho Tahzeeb-O-Fun Ka Aouj-E-Kamaal
Koi Malool Na Ho, Koi Khasta Haal Na Ho

Khuda Karay Meray Aik Bhi Ham Watan Kay Liyay
Hayat Jurram Na Ho, Zindagi Wabaal Na Ho

Tags: , , , ,

Leave a Reply

Your email address will not be published. Required fields are marked *