Dard Chahy Kitna Ho Tabassum Ko Anna Hi Hota Hy
Diwana Toh Aakhir ‘Faisal’ Diwana Hi Hota Hy

Kin Kin Ghazloon Mein Meri Tera Zikr Aata Hai Wrna
Hr Ghazal Main Gunah-E-Shamma-Oh-Parwana Hi Hota Hy

Chalo Aj Mehfil Main Teri Wafa Ki Batein Krty Hain
Yun Toh Hr Mehfil Main Bewfaon Ka Afsaana Hi Hota Hay

Woh Ainy K Samny Aina-Sazzi Ki Fiqr Jaan-E-Jaan
Jahaan Tut’te Hain Aisy Ainy Woh Sanum-Khana Hi Hota Hy

Majnu Hay Koi Qais Hay Koi Murattab Kr Giya Ishq
Diwanaa Toh Aakhir ‘Faisal’ Diwana Hi Hota Hai…!!!

Gulshan Parast Hun Mujhy Gul He Nahi Aziz….

Kanton Se Bhi Nibah Kiye Ja Raha Hun Main

vo bulaaye.n to kyaa tamaashaa ho
ham na jaaye.n to kyaa tamaashaa ho

ye kinaaro.n se khelane vaale
Duub jaaye.n to kyaa tamaashaa ho

bandaa_parvar jo ham pe guzarii hai
ham bataaye.n to kyaa tamaashaa ho

aaj ham bhii terii vafaao.n par
muskuraaye.n to kyaa tamaashaa ho

terii suurat jo ittefaaq se ham
bhuul jaaye.n to kyaa tamaashaa ho

vaqt kii chand sa’ate.n ‘Sagar’
lauT aaye.n to kyaa tamaashaa ho

Poet of the Poems/Ghazal or Nazam:Sagar Siddiqui

wo baten teri wo fasane tere
shagufta shagufta bahane tere
bas ek zakhm nazzara hissa mera
baharen teri aashiyane tere
bas ek dag-e-sajda meri qayenat
jabinen teri aastane tere
zamir-e-sadaf mein kiran ka muqam
anokhe anokhe thikane tere
faqiron ka jamaghat ghadi do ghadi
sharaben teri badakhane tere
bahar-o-khizan kam nigahon ke vaham
bure ya bhale sab zamane tere
“adam” bhi hai tera hikayatkadah
kahan tak gaye hain fasane tere

Poet of the Poems/Ghazal or Nazam: Abdul Hameed Adam

wo apne chehare mein sau afatab rakhte hain
is liye to wo rukh pe naqab rakhte hain
wo pas baithe to aati hai dilab\ruba khushbu
wo apne hothon pe khilate gulab rakhte hain
har ek varq mein tum hi tum ho jan-e-mahabubi
hum apne dil ke kuch aisi kitab rakhte hain
jahan-e-ishq mein sohani kaheen dikhai de
hum apni aankh mein kitne chenab rakhte hain

Poet of the Poems/Ghazal or Nazam:Hasrat Jaipuri

wo anjuman mein raat badi shan se gaye
iman cheez kya thi kai jan se gaye
main to chupa hua tha hazaron naqab mein
lekin akele dekh ke pehchan se gaye
wo shama ban ke khud hi akele jala kiya
paravane kal ke raat pareshan se gaye
aaya tera salam na aaya hai khat koi
hum aakhiri safar ke bhi saman se gaye
“rahi” jinhen khuda bhi na samajha saka kabhi
baithe bithaye dekh lo ab man se gaye

Poet of the Poems/Ghazal or Nazam:Saeed Rahi

wo aake khwab mein taskin-e-iztirab to de
wale mujhe tapish-e-dil majal-e-khwab to de
kare hai qatl lagavat mein tera ro dena
teri tarah koi teg-e-nigah ko aab to de
dikhake jumbish-e-lab hi tamam kar hamako
na de jo bosa to muh se kaheen javab to de
pila de oak se saqi jo hum se nafrat hai
pyala gar nahi deta na de, sharab to de
‘asad’ khushi se mere hath panv phul gae
kaha jo us ne zara mere panv dab to de
poet of the poems/ghazal or nazam:mustafa zaidi

Poet of the Poems/Ghazal or Nazam:Mirza Ghalib

wo ahad ahad hi kya jise nibhao bhi
hamare vada-e-ulfat ko bhool jao bhi

bhala kahan ke hum aise guman wale hain
hazar bar hum aayen hamen bulao bhi

bigad chala hai bahut rasm-e-khudkushi ka chalan
darne valo kisi roz kar dikhao bhi
tumhari neend mein dubi hui aankhon ke qasam
hamen ye zid hai ki jago bhi aur jagao bhi

Poet of the Poems/Ghazal or Nazam:Mustafa Zaidi

us ke hasrat hai jise dil se mita bhi na sakun
dhundhane us ko chala hun jise pa bhi na sakun

dal kar khak mere khoon pe qatil ne kaha
kuch yeh mehandi nahi meri ke mita bhi na sakun
zabt kambakht ne aur aa ke gala ghonta hai
ke use hal sunaun to suna bhi na sakun

us ke pehlu mein jo leja ke sula dun dil ko
neend aisi use aaye ke jaga bhi na sakun

naqsh-e-pa dekh to lun lakh karunga sajade
sar mera arsh nahi hai ki jhuka bhi na sakun
bevafa likhate hain wo apni kalam se mujh ko
ye wo qismat ka likha hai jo mita bhi na sakun
is tarah soye hain sar rakh ke mere zanon par
apni soi hui qismat ko jaga bhi na sakun

Poet of  the Poems / Ghazal or Nazam :Ameer Minai

us ke jam-e-jam aankhen shisha-e-badan mera
us ke band mutthi mein sara bankpan mera
aao aj hum donon apna apna ghar chun lain
tum tabah-e-dil le lo khitta-e-badan mera
main ne apne chehare pe sab hunar sajaye the
fash kar gaya mujh ko sada pairahan mera
dil bhi kho gaya shayad shahar ke surabon mein
ab meri tarah se hai dard bevatan mera
ek dasht-e-khamoshi ab hmera muqaddar hai
yaad besada teri zakhm bechaman mera
roz apni aankhon ke khwab khoon karta hun
haye kin ganimon se aa pada hai ran mera
magrabi hawa ne phir ye sandesha bheja hai
muntazir tumhara hai khushbuon ka ban mera

Poet of  the Poems / Ghazal or Nazam :Abdullah Kamaal

us ke baten bahar ke baten
vadi-e-lalazar ke baten
gul-o-shabanam ka zikr kar na abhi
mujhko karani hai pyar ke baten
shekh jee mayakada hai kaba nahi
yan to hongi khumar ke baat
ishq ka karavan chala bhi nahi
aur abhi se gubar ke baat
ye qafas aur tera khayal-e-hasin
is pe har su bahar ke baat

Poet of  the Poems / Ghazal or Nazam :Saeed Rahi

wafa ke bhes mein koi raqib-e-shahar bhi hai
hazar! ke shahar ke qatil tabib-e-shahar bhi hai
wohi sipah-e-sitam khemazan hai charon taraf
jo mere bakht mein tha ab nasib-e-shahar bhi hai
udhar ke aag idhar bhi pahunch na jaye kaheen
hawa bhi tez hai jangal qarib-e-shahar bhi hai
ab us ke hijr mein rote hain us ke ghayal bhi
khabar na thi ke wo zalim habib-e-shahar bhi hai
ye raz nara-e-mansur hi se hum pe khula
ke chub-e-mimbar-e-masjid salib-e-shahar bhi hai
kadi hai jang ke ab ke muqabile pe ‘faraz’
amir-e-shahar bhi hai aur khatib-e-shahar bhi hai

Poet of the Poem / Ghazal or Nazam :Ahmed Faraz

us ke hasrat hai jise dil se mita bhi na sakun
dhundhane us ko chala hun jise pa bhi na sakun

dal kar khak mere khoon pe qatil ne kaha
kuch yeh mehandi nahi meri ke mita bhi na sakun
zabt kambakht ne aur aa ke gala ghonta hai
ke use hal sunaun to suna bhi na sakun

us ke pehlu mein jo leja ke sula dun dil ko
neend aisi use aaye ke jaga bhi na sakun

naqsh-e-pa dekh to lun lakh karunga sajade
sar mera arsh nahi hai ki jhuka bhi na sakun
bevafa likhate hain wo apni kalam se mujh ko
ye wo qismat ka likha hai jo mita bhi na sakun
is tarah soye hain sar rakh ke mere zanon par
apni soi hui qismat ko jaga bhi na sakun

poet of the poem / ghazal or nazam : Ameer minai

us ko juda hue bhi zamana bahut hua
ab kya kahen ye qissa purana bahut hua
dhalati na thi kisi bhi jatan se shab-e-firaq
ae marg-e-nagahan tera aana bahut hua
hum khuld se nikal to gaye hain par ae khuda
itane se vaqaye ka fasana bahut hua
ab hum hain aur sare zamane ke dushmani
us se zara rabt badhana bahut hua
ab kyon na zindagi pe muhabbat ko var den
is aashiqi mein jan se jana bahut hua
ab tak to dil ka dil se tarruf na ho saka
mana ki us se milana milana bahut hua
kya kya na hum kharab hue hain magar ye dil
ae yad-e-yar tera thikana bahut hua
kehta tha nasehon se mere muh na aaio
phir kya tha ek hu ka bahana bahut hua
lo phir tere labon pe usi bevafa ka zikr
ahmad ‘faraz’ tujh se kaha na bahut hua

Poet of the Poem / Ghazal or Nazam : Ahmed Faraz

us mod se shuru karen phir ye zindagi
har shay jahan hasin thi, hum tum the ajanabi
lekar chale the hum jinhen jannat ke khwab the
phoolon ke khwab the wo muhabbat ke khwab the
lekin kahan hai un mein wo pahali si dilakashi
rehte the hum hasin khayalon ke bheed mein
ulajhe hue hain aj sawalon ke bheed mein
aane lagi hai yaad wo fursat ke har ghadi
shayad ye waqt hum se koi chal chal gaya
rishta wafa ka aur hi rangon mein dhal gaya
ashkon ke chandani se thi bahatar wo dhup hi

Poet of  the Poems / Ghazal or Nazam : Sudarshan Faakir