Dil Ko Kabhi Bardasht Na Hoga, Aap Se Door Jana,
Kitne Aansoo Bahenge Aankh Se, Unki Ginte Na Hona,

Dil Tu Manta Hi Nahi Hai Ap Se Bichadna,
Is Janam Mein Nahi Ho Sakata, Apko Ko Bhulana

Ye jo hai hukm mere pas na aaye koi
is liye ruth rahe hain ki manaye koi
tak mein hai nigah-e-shauq khuda khair kare
samane se mere bachata hua jaye koi
hal afalaq-o-zamin ka jo bataya bhi to kya
baat wo hai jo tere dil ke bataye koi
aapane ‘dag’ ko muh bhi na lagaya afsos
us ko rakhta tha kaleje se lagaye koi
ho chuka aish ka jalasa to mujhe khat bheja
aap ke tarah se mehaman bulaye koi

Poet of the Poem / Ghazal or Nazam : DaaG Dehlvi

Ye kis khalish ne phir is dil mein aashiyana kiya
phir aj kis ne sukhan hum se gayebana kiya
gam-e-jahan ho, rukh-e-yar ho ke dast-e-udu
salook jis se kiya hum ne aashiqana kiya
the khak-e-rah bhi hum log qahar-e-tufan bhi
saha to kya na saha aur kiya to kya na kiya
khusha ke aj har ik muddai ke lab par hai
wo raz jis ne hamen rand-e-zamana kiya
wo hilagar jo vafaju bhi hai jafakhu bhi
kiya bhi “faiz” to kis but se dostana kiya

Poet of the Poem / Ghazal or Nazam : Faiz Ahmed Faiz

Ye kya jane mein jana hai, jate ho khafa hokar
main tab janu mere dil se chale jao juda hokar
qayamat tak udegi dil se uthakar khak aankhon tak
isi raste gaya hai hasaraton ka kafila hokar
tumhin ab dard-e-dil ke naam se ghabraye jate ho
tumhin to dil mein shayad aaye the dard-e-ashiyan hokar
yun hi hamdam ghadi bhar ko mila karte to bahatar tha
ke dono waqt jaise roz milate hain juda hokar

Poet of the Poem / Ghazal or Nazam : Seemab Akbarabadi

Ye kya jagah hai dosto ye kon sa dayar hai
hadd-e-nigah tak jahan gubar hi gubar hai
ye kis mukam par hayat mujh ko leke aa gai
na bas khushi pe hai jahan na gham pe ikhtiyar hai
tamam umr ka hisab mangati hai zindagi
ye mera dil kahe to kya ye khud se sharmsar hai
bula raha kya koi chilamanon ke us taraf
mere liye bhi kya koi udas beqarar hai
na jis ke shakl hai koi na jis ka naam hai koi
ik aisi shai ka kyon hamen azal se intazar hai

Poet of the Poem / Ghazal or Nazam : Shahryar

Ye din bahar ke ab ke bhi ras na aa sake
ki gunche khil to sake khil ke muskura na sake
meri tabahi dil par to raham kha na saki
jo roshni mein rahe roshni ko pa na sake
na jane aah! ki un aansuon pe kya guzri
jo dil se aankh tak aaye mishgan tak aa na sake
rahen khulus-e-muhabbat ke hadasat jahan
mujhe to kya mere naqsh-e-qadam mita na sake
karenge mar ke baqa-e-davam kya hasil
jo zinda reh ke muqam-e-hayat pa na sake
naya zamana banane chale the divane
nai zamin, naya aasaman bana na sake

Poet of the Poem / Ghazal or Nazam : Josh Malihabadi

Ye dil kabhi na muhabbat mein kamayab hua
mujhe kharab kiya, aap bhi kharab hua
ajal men, zist mein turabat men, hashr mein zalim
tere sitam ke liye main hi intakhab hua
nigah-e-mast ko saqi ke kon de ilzam
mera nasib ki rusava mera shabab hua
hamare ishq ke das-bis ne bhi dad na di
kisi ka husn zamane mein intakhab hua
fana ka dawa hazaron ko tha zamane mein
habab ne mujhe dekha to aab-ab hua

Poet of the Poem / Ghazal or Nazam :Bekhud Dehlvi

Wo firaq aur wo visal kahan
wo shab-o-roz-o-mah-o-sal kahan
fursat-e-karobar-e-shauq kise
zauq-e-nazzara-e-jamal kahan
dil to dil wo dimag bhi na raha
shor-e-sauda-e-khat-o-khal kahan
thi wo ik shakhs ke tasavvur se
ab wo rannai-e-khayal kahan
aisa aasan nahi lahu rona
dil mein taqat jigar mein hal kahan
hum se chuta qimarkhana-e-ishq
van jo jayen girah mein mal kahan
fikr-e-duniya mein sar khapata hun
main kahan aur ye vabal kahan
muzamahil ho gaye quva ‘ghalib’
wo anasir mein aitadal kahan

Poet of the Poem / Ghazal or Nazam : Mirza Ghalib

Wo dil navaz hai nazar shanas nahi
mera ilaj mere charagar ke pas nahi
tadap rahe hain zaban par kai saval magar
mere liye koi shayan-e-iltamas nahi
tere ujalon mein bhi dil kanp kanp uthta hai
mere mizaj ko aasudagi bhi ras nahi
kabhi kabhi jo tere qurb mein guzri the
ab un dinon ka tasavvur bhi mere pas nahi
guzar rahe hain ajab marhalon se dida-o-dil
sahar ke aas to hai zindagi ke aas nahi
mujhe ye dar hai ki teri aarzoo na mit jaye
bahut dinon se tabiyat meri udas nahi

Poet of the Poem / Ghazal or Nazam : Nasir Kazmi

Wo dil nasib hua jis ko daag bhi na mila
mila to gam-kada jis mein chirag bhi na mila
gai thi keh k main lati hun zulf-e-yar ke bu
phiri to bad-e-saba ka dimag bhi na mila
asir karake hamen kyon riha kiya saiyad
wo ham-safir bhi choote wo bag bhi na mila
bhar aaye mahafil-e-saqi mein kyon na aankh apni
wo be-nasib hain khali ayag bhi na mila
chirag leke irada tha bakht dhundhate
shab-e-firaq thi koi chirag bhi na mila
khabar ko yar ke bheja tha gum hua aisa
havas-e-rafta ka ab tak surag bhi na mila
“jalal” bag-e-jahan mein wo andalib hain hum
chaman ko phul mile hum ko daag bhi na mila

Poet of the Poem / Ghazal or Nazam : Jalal Lucknawi

Ye chirag benazar hai ye sitara bezuban hai
abhi tujhase milta julata koi dusara kahan hai
wohi shakhs jisape apne dil-o-jan nisar kar dun
wo agar khafa nahi hai to zarur badaguman hai
kabhi pa ke tujh ko khona kabhi kho ke tujh ko pana
ye janam janam ka rishta tere mere daramiyan hai
mere sath chalanevale tujhe kya mila safar mein
wohi dukh bhari zamin hai wohi gham ka aasman hai
main isi guman mein barason bada mutmain raha hun
tera jism betagaiyyur hai mera pyar javidan hai
unhin raston ne jin par kabhi tum the sath mere
mujhe rok rok pucha tera hamasafar kahan hai

Poet of the Poem / Ghazal or Nazam :Bashir Badr

Wo dil hi kya tere milane ke jo dua na kare
main tujh ko bhool ke zinda rahun khuda na kare
rahega sath tera pyar zindagi banakar
ye aur baat meri zindagi wafa na kare
ye thik hai nahi marata koi judai mein
khuda kisi se kisi ko magar juda na kare
suna hai usako mohabbat duayen deti hai
jo dil pe chot to khaye magar gila na kare
zamana dekh chuka hai parakh chuka hai use
“qateel” jan se jaye par iltaja na kare

Poet of the Poem / Ghazal or Nazam : Qateel Shifai

Ye chandani bhi jin ko choote hue darati hai
duniya unhin phoolon kopairon se masalati hai
shoharat ke bulandi bhi pal bhar ka tamasha hai
jis dal pe baithe ho wo toot bhi sakati hai
loban mein chingari jaise koi rakh de
yun yaad teri shab bhar sine mein sulagati hai
aa jata hai khud khench kar dil sine se patari par
jab raat ke sarahad se ik rel guzarati hai
aansu kabhi palkon par ta der nahi rukate
ud jate hain ue panchi jab shakh lachakati hai
khush rang parindon ke laut aane ke din aaye
bichde hue milate hain jab barf pighalati hai

Poet of the Poem / Ghazal or Nazam :Bashir Badr

Tu pas bhi ho to dil beqarar apna hai
ke hum ko tera nahi intazar apna hai
mile koi bhi tera zikr ched dete hain
ke jaise sara jahan razdar apna hai
wo dur ho to baja tark-e-dosti ka khayal
wo samane ho to kab ikhtiyar apna hai
zamane bhar ke dukhon ko laga liya dil se
is aasre pe ke ik gamgusar apna hai
‘faraz’ rahat-e-jan bhi wohi hai kya kije
wo jis ke hath se sinafigar apna hai

Poet of the Poem / Ghazal or Nazam : Ahmed Faraz

Ye bhi kya sham-e-mulaqat aayi
lab pe mushkil se teri baat aayi
subah se chup hain tere hijr nasib
haye kya hoga agar raat aayi
bastiyan chod ke barase badal
kis qayamat ke ye barsat aayi
koi jab mil ke hua tha rukhsat
dil-e-betab wohi raat aayi
saya-e-zulf-e-butan mein ‘nasir’
ek se ek nai raat aayi

Poet of the Poem / Ghazal or Nazam :Nasir Kazmi