Lazim tha ki dekho mera rasta koi din aur
tanha gaye kyon ab raho tanha koi din aur
mit jayega sar, gar tera paththar na ghisega
hun dar pe tere nasiyafarsa koi din aur
aaye ho kal aur aj hi kahate ho ki jaun
mana ki hamesha nahi acha koi din aur
jate hue kahate ho qayamat ko milenge
kya khub! qayamat ka hai goya koi din aur
han ae falak-e-pir, jawan tha abhi aarif
kya tera bigadata jo na marata koi din aur
tum mah-e-shab-e-charduhum the mere ghar ke
phir kyon na raha ghar ka wo naqsha koi din aur
tum kon se aise the khare dad-o-sitad ke
karta malakulmaut taqaza koi din aur
mujhase tumhen nafrat sahi, nayyar se ladai
bachon ka bhi dekha na tamasha koi din aur
guzri na baharhal ya muddat khushi-nakhush
karana tha javanmarg! guzra koi din aur
nadan ho jo kahate ho ki kyon jite ho ‘ghalib’
qismat mein hai marane ke tamanna koi din aur

Poet of the Poem / Ghazal or Nazam : Mirza Ghalib

Ishq tasir se naumed nahi
jan supari shahjr-e-bed nahi
sultanat dast-ba-dast aai hai
jam-e-mai khatam-e-jamashed nahi
hai tajalli teri samane vajud
jara be paratave khurshid nahi
raz-e-mashuq na rusava ho jaye
warna mar jane mein kuch bhed nahi
gardish-e-rang-e-tarab se dar hai
gam-e-maharumi-e-javed nahi
kahate hain jite hain umeed pe log
hum ko jine ke bhi umeed nahi

Poet of the Poem / Ghazal or Nazam : Mirza Ghalib

Ishq mujhko nahi vahshat hi sahi
meri vahshat teri shoharat hi sahi
qata kije na ta’alluq hum se
kuch nahi hai to adavat hi sahi
mere hone mein hai kya ruswai
ye wo majalis nahi khalvat hi sahi
hum bhi dushman to nahi hain apne
gair ko tujh se mohabbat hi sahi
apni hasti hi se ho jo kuch ho
aagahi gar nahi gafalat hi sahi
umr har chand ke hai barq-e-khiram
dil ke khoon karne ke fursat hi sahi
hum koi tarq-e-vafa karte hain
na sahi ishq musibat hi sahi
kuch to de ae falak-e-nainsaf
aah-o-fariyad ke rukhasat hi sahi
hum bhi taslim ke khu dalenge
beniyazi teri aadat hi sahi
yar se cheda chali jaye “asad”
gar nahi vasl to hasrat hi sahi

Poet of the Poem / Ghazal or Nazam : Mirza Ghalib

jaur se baz aaye par baz aayen kya
kahate hain hum tum ko muh dikhalayen kya
raat din gardish mein hain sat aasman
ho rahega kuch na kuch ghabarayen kya
lag ho to us ko hum samajhen lagav
jab na ho kuch bhi to dhoka khayen kya
ho liye kyon namabar ke sath-sath
ya rab apne khat ko hum pahunchayen kya
mauj-e-khun sar se guzar hi kyon na jaye
aastan-e-yar se uth jayen kya
umr bhar dekha kiye marane ke rah
mar gae par dekhiye dikhalayen kya
puchate hain wo ki “ghalib” kon hai
koi batalao ki hum batalayen kya

Poet of the Poem / Ghazal or Nazam :Mirza Ghalib

Ibn-e-mariyam hua kare koi
mere dukh ke dawa kare koi
shura-o-ain par madar sahi
aise qatil ka kya kare koi
chal jaise kadi kaman ka tir
dil mein aise ke ja kare koi
baat par van zuban katati hai
wo kahen aur suna kare koi
bak raha hun junun mein kya kya kuch
kuch na samajhe khuda kare koi
na suno gar bura kahe koi
na kaho gar bura kare koi
rok lo gar galat chale koi
bakhsh do gar khata kare koi
kon hai jo nahi hai hajatamand
kisaki hajat rava kare koi
kya kiya khijr ne sikandar se
ab kise rahanuma kare koi
jab tavaqqo hi uth gayi “ghalib”
kyon kisi ka gila kare koi

Poet of the Poem / Ghazal or Nazam : Mirza Ghalib

hui takhir to kuch bais-e-takhir bhi tha
aap aate the magar koi inangir na tha
tum se beja hai mujhe apni tabahi ka gila
us mein kuch shaib-e-khubi-e-taqadir bhi tha
tu mujhe bhool gaya ho to pata batala dun
kabhi fitarak mein tere koi nakhchir bhi tha
qaid mein hai tere vahashi ko wohi zulf ke yaad
han kuch ek ranj-e-garanbari-e-zanjir bhi tha
bijli kaund gai aankhon ke aage, to kya
baat karate, ke main lab tashna-e-taqarir bhi tha
yusuf us ko kahun aur kuch na kahe, khair hui
gar bigag baithe to main layaq-e-ta’zir bhi tha
dekh kar gair ko q ho na kaleja thanda
nala karta tha wale talib-e-tasir bhi tha
peshe mein aib nahin, rakhiye na farhad ko naam
hum hi aashufta-saron mein wo jawan ‘meer’ bhi tha
hum the marane ko khade pas na aaya na sahi
aakhir us shaukh ke tarakash mein koi tir bhi tha
pakade jate hain farishton ke likhe par nahak
aadmi koi hamara dam-e-taharir bhi tha
rekhta ke tumhin ustad nahi ho “ghalib”
kahate hain agale zamane mein koi ‘mir’ bhi tha

 
Poet of the Poem / Ghazal or Nazam : Mirza Ghalib

hazaron khvahishen aisi ki har khvaish pe dam nikle
bahut nikle mere arman lekin phir bhi kam nikle
dare q mera qatil kya rahega usaki gardan par
wo khoon jo chashm-e-tar se umr bhar yun dam-ba-dam nikle
nikalana khuld se aadam ka sunate aaye hain lekin
bahut be-abaru hokar tere kuche se hum nikle
bharam khul jaye zalim tere qamat ke darazi ka
agar is turra-e-purapech-o-kham ka pech-o-kham nikle
magar likhavaye koi usako khat to hum se likhavaye
hui subah aur ghar se kan par rakkhar qalam nikle
hui is daur mein mansub mujhase bada-ashami
phir aaya wo zamana jo jahan se jam-e-jam nikle
hui jinase tavaqqo khastagi ke dad pane ke
wo hum se bhi ziyada khasta-e-teg-e-sitam nikle
muhabbat mein nahi hai farq jine aur marane ka
usi ko dekh kar jite hain jis kafir pe dam nikle
zara kar jor sine par ki tir-e-pursitam nikle
jo wo nikle to dil nikle jo dil nikle to dam nikle
khuda ke vaste parda na kabe se utha zalim
kaheen aisa na ho yan bhi wohi kafir sanam nikle
kahan maikhane ka daravaza ‘ghalib’ aur kahan waiz
par itna janate hain kal wo jata tha ke hum nikle

 
Poet of the Poem / Ghazal or Nazam : Mirza Ghalib

Dost gamkhvari mein meri sai farmayenge kya
zakhm ke bharne talak nakhun na badh jayenge kya
beniyazi had se guzri banda paravar kab talak
hum kahenge hal-e-dil aur aap farmayenge kya
hazarat-e-naseh gar aayen dida-o-dil farsh-e-rah
koi mujh ko ye to samajha do ki samajhayenge kya
aj van teg-o-kafan bandhe hue jata hun main
uzr mera qatl karne mein wo ab layenge kya
gar kiya naseh ne hum ko qaid acha yon sahi
ye junun-e-ishq ke andaz chut jayenge kya
khana zad-e-zulf hain zanjir se bhagenge kya
hain giraftar-e-vafa zindan se ghabarayenge kya
hai ab is mamure mein qahat-e-gam-e-ulfat asad
hum ne ye mana ki dilli mein rahe khayenge kya

Poet of the Poem / Ghazal or Nazam : Mirza Ghalib

Donon jahan deke wo samajhe ye khush raha
yann aa padi ye sharm ki takarar kya karen
thak thak ke har maqam pe do char rah gaye
tera pata na payen to nachar kya karen
kya shama ke nahi hai hawa khvah ahal-e-bazm
ho gham hi jan gudaz to gamkhvar kya karen

Poet of the Poem / Ghazal or Nazam : Mirza Ghalib

Diya hai dil agar us ko, bashar hai kya kahiye
hua raqib to ho, namabar hai, kya kahiye
ye zid, ki aj na aave aur aaye bin na rahe
qaza se shikwa hamen kis qadar hai, kya kahiye
rahe hai yun gah-o-begah ke ku-e-dost ko ab
agar na kahiye ki dushman ka ghar hai, kya kahiye
zih-e-karishma ke yun de rakha hai hamako fareb
ki bin kahe hi unhen sab khabar hai, kya kahiye
samajh ke karte hain bazar mein wo pursish-e-hal
ki ye kahe ki sar-e-rahaguzar hai, kya kahiye
tumhen nahi hai sar-e-rishta-e-vafa ka khayal
hamare hath mein kuch hai, magar hai kya kahiye
unhen saval pe zaom-e-junun hai, q ladiye
hamen javab se qata-e-nazar hai, kya kahiye
hasad saza-e-kamal-e-sukhan hai, kya kije
sitam, baha-e-mataa-e-hunar hai, kya kahiye
kaha hai kis ne ki “ghalib” bura nahi lekin
sivay isake ki aashuftasar hai kya kahiye

Poet of the Poem / Ghazal or Nazam : Mirza Ghalib

har ek baat pe kahate ho tum ki tu kya hai
tumhin kaho ke ye andaz-e-guftagu kya hai
na shole mein ye karishma na barq mein ye ada
koi batao ki wo shokh-e-tundakhu kya hai
ye rashk hai ki wo hota hai hamasukhan hum se
vagarna khauf-e-badamozi-e-ad kya hai
chipak raha hai badan par lahu se pairahan
hamari jeb ko an hajat-e-rafu kya hai
jala hia jism jahan dil bhi jal gaya hoga
kuredate ho jo ab rakh justaju kya hai
ragon mein daudate phirane ke hum nahi qayal
jab aankh hi se na tapaka to phir lahu kya hai
wo cheez jisake liye hamako ho bahisht aziz
sivae bada-e-gulfam-e-mushkabu kya hai
piyun sharab agar khum bhi dekh lun do char
ye shisha-o-qadah-o-kuza-o-subu kya hai
rahi na taqat-e-guftar aur agar ho bhi
to kis umeed pe kahiye ke aarzoo kya hai
bana hai shah ka musahib, phire hai itarata
vagarna shahar mein “ghalib” ke aabaru kya hai

Poet of the Poem / Ghazal or Nazam : Mirza Ghalib

Dil-e-nadan tujhe hua kya hai
aakhir is dard ke dawa kya hai
hum hain mushtaq aur wo bezar
ya ilahi ye majara kya hai
main bhi muh mein zaban rakhta hun
kash pucho ki mudda kya hai
jab ki tujh bin nahi koi maujud
phir ye hangama, ae khuda kya hai
qatah:
ye pari chehara log kaise hain
gamaza-o-ishva-o-ada kya hai
shikan-e-zulf-e-ambari kyon hai
nigah-e-chashm-e-surma sa kya hai
sabaza-o-gul kahan se aaye hain
abr kya cheez hai hawa kya hai
hamako unase wafa ke hai umeed
jo nahi janate wafa kya hai
han bhala kar tera bhala hoga
aur darvesh ke sada kya hai
jan tum par nisar karta hun
main nahi janata dua kya hai
main ne mana ki kuch nahi ‘ghalib’
muft hath aaye to bura kya hai

Poet of the Poem / Ghazal or Nazam : Mirza Ghalib

Dil se teri nigah jigar tak utar gai
donon ko ik ada mein razamand kar gai
shaq ho gaya hai sina khusha lazzat-e-farag
takleef-e-pardadari-e-zakhm-e-jigar gai
wo bada-e-shabana ke saramastiyan kahan
uthiye bas ab ke lazzat-e-khvab-e-sahar gai
udati phire hai khak meri ku-e-yar mein
bare ab ae hava, havas-e-bal-o-par gai
dekho to dil farebi-e-andaz-e-naqsh-e-pa
mauj-e-khiram-e-yar bhi kya gul katar gai
har bulahavas ne husn parasti shiar ke
ab aabaru-e-sheva-e-ahal-e- nazar gai
nazzare ne bhi kam kiya van naqab ka
masti se har nigah tere rukh par bikhar gai
farda-o-din ka tafarruqa yak bar mit gaya
kal tum gae ke hum pe qayamat guzar gai
mara zamane ne ‘asadullah khan” tumhen
wo valavale kahan, wo javani kidhar gai

Poet of the Poem / Ghazal or Nazam : Mirza Ghalib

hum rashk ko apne bhi gavara nahi karte
marate hain wale un ke tamanna nahi karte
dar parda unhen gair se hai rabt-e-nihani
zahir ka ye parda hai ki parda nahi karte
yah bais-e-naumidi-e-arbab-e-havas hai
galib ko bura kahate ho acha nahi karte

Poet of the Poem / Ghazal or Nazam :Mirza Ghalib

ghar jab bana liya hai tere dar par kahe bagair
janega ab bhi tu na mera ghar kahe bagair
kahate hain, jab rahi na mujhe taqat-e-sukhan
janun kisi ke dil ki main kyunkar kahe bagair
kam us se aa pada hai ki jisaka jahan mein
leve na koi naam sitamagar kahe bagair
jee mein hi kuch nahi hai hamare vagarna hum
sar jaye ya rahe na rahen par kahe bagair
chodunga main na us but-e-kafir ka pujana
chode na khalq go mujhe kafir kahe bagair
maqsad hai naz-o-gamza wale guftagu mein kam
chalata nahi hai, dashna-o-khanjar kahe bagair
har chand ho mushahida-e-haq ke guftagu
banati nahi hai bada-o-sagar kahe bagair
bahara hun main to chahiye duna ho iltafat
sunata nahi hun baat muqarrar kahe bagair
“ghalib” na kar huzur mein tu bar-bar arz
zahir hai tera hal sab un par kahe bagair

Poet of the poem/ghazal or Nazam: Mirza Ghalib