Dil mera soz-e-nihan se bemuhaba jal gaya
aatish-e-khamosh ke manind goya jal gaya
dil mein zauq-e-vasl-o-yad-e-yar tak baqi nahi
aag is ghar mein lagi aisi ki jo tha jal gaya
main adam se bhi pare hun warna gafil! barha
meri aah-e-atashin se bal-e-anqa jal gaya
arz kije jauhar-e-andesha ke garmi kahan
kuch khayal aaya tha vahshat ka ki sehra jal gaya
dil nahin, tujh ko dikhata warna dagon ke bahar
is charagan ka, karun kya, karafarma jal gaya
main hun aur afsurdagi ke aarzoo “ghalib”! ke dil
dekh kar tarz-e-tapak-e-ahl-e-duniya jal gaya

Poet of the Poem / Ghazal or Nazam : Mirza Ghalib

ghar hamara, jo na rote bhi, to viran hota
bahr gar bahr na hotato bayaban hota
tangi-e-dil ka gila kya, ye wo kafir dil hai
ke agar tang na hota, to pareshan hota
bad-e-yak umr-e-wara, bar to deta bare
kash rizawan hi dar-e-yar ka daraban hota

Poet of the poem/ghazal or Nazam: Mirza Ghalib

gam-e-duniya se gar pai bhi fursat sar uthane ke
falak ka dekhana taqarib tere yaad aane ke
khulega kis tarah mazamun mere maktub ka yarab
qasam khai hai us kafir ne kagaz ke jalne ke
lipatana paraniyan mein shola-e-atish ka aasan hai
wale mushkil hai hikamat dil mein soz-e-gam chupane ke
unhen manzur apne zakhmiyon ka dekh aana tha
uthe the sair-e-gul ko dekhana shokhi bahane ke
hamari sadagi thi iltafat-e-naz par marana
tera aana na tha zalim magar tamahid jane ke
laqad-kob-e-havadis ka tahammul kar nahi sakati
meri taqat ke zamin thi buton ke naz uthane ke
kahun kya khubi-e-auzag-e-ibna-e-zaman “ghalib”
badi ke usane jis se hum ne ke thi barha neki

Poet of the poem/ghazal or Nazam: Mirza Ghalib

Dil hi to hai na sang-o-khisht dard se bhar na aaye q
roenge hum hazar bar koi hamen sataye q
dair nahi haram nahi dar nahi aastan nahi
baithe hain rahaguzar pe hum gair hamen uthaye q
jab wo jamal-e-dilafaroz, surat-e-mahr-e-nimaroz
aap hi ho nazarasoz, parde mein muh chupaye q
dashna-e-gamza jansitan, navak-e-naz bepanah
tera hi aks-e-rukh sahi, samane tere aaye q
qaid-e-hayat-o-band-e-gam asl mein donon ek hain
maut se pahale aadmi gham se najat paye q
husn aur us pe husn-e-zan rah gai bulahavas ke sharm
apne pe etimad hai gair ko aazamaye q
van wo guroor-e-izz-o-naz yan ye hijab-e-pas vaza
rah mein hum milen kahan, bazm mein wo bulayen q
han wo nahi khudaparast, jao wo bevafa sahi
jisako ho din-o-dil aziz, usaki gali mein jaye q
“ghalib”-e-khasta ke bagair kon se kam band hain
roie zar-zar kya, kijie haye-haye q

Poet of the Poem / Ghazal or Nazam : Mirza Ghalib

Dekhana qismat ki aap apne pe rashk aa jaye hai
main use dekhun bhala kab mujhase dekha jaye hai
hath dho dil se yahi garmi gar andeshe mein hai
aabgina tundi-e-sahaba se pighala jaye hai
gair ko yarab wo kyon kar mana-e-gustakhi kare
gar haya bhi usako aati hai to sharma jaye hai
shauq ko ye lat ki hardam nala khenche jaiye
dil ki wo halat ki dam lene se ghabara jaye hai
dur chashm-e-bad teri bazm-e-tarab se vah vah
nagma ho jata hai van gar nala mera jaye hai
garche hai tarz-e-tagaful pardadar-e-raz-e-ishq
par hum aise khoye jate hain ki wo pa jaye hai
usaki bazmaraiyan sunakar dil-e-ranjur yan
misl-e-naqsh-e-mudda-e-gair baitha jaye hai
hoke aashiq wo parirukh aur nazuk ban gaya
rang khulata jaye hai jitana ki udata jaye hai
naqsh ko usake musavvir par bhi kya kya naz hai
khenchata hai jis qadar utana hi khinchata jaye hai
saya mera mujhase misl-e-dud bhage hai ‘asad’
pas mujh aatishba-jan ki kis se thahara jaye hai

Poet of the Poem / Ghazal or Nazam : Mirza Ghalib

gair lain mahafil mein bose jam ki
hum rahen yun tashnalab paigam ki
khastagi ka tum se kya shikwa ki ye
hathakande hain charkh-e-nili fam ki
khat likhenge garche matalab kuch na ho
hum to aashiq hain tumhare naam ki
raat pi zam-zam pe may aur subh-dam
dhoe dhabbe jama-e-eharam ki
dil ko aankhon ne phansaya kya magar
ye bhi halqe hain tumhare dam ki
shah ki hai gusl-e-sehat ki khabar
dekhiye din kab phiren hammam ki
ishq ne ‘ghalib’ nikamma kar diya
varna hum bhi aadmi the kam ki

Poet of the poem/ghazal or Nazam: Mirza Ghalib

gai wo bat ki ho guftagu to kyonkar ho
kahe se kuch na hua phir kaho to kyonkar ho
hamare zahan mein is fikr ka hai naam visal
ki gar na ho to kahan jayen ho to kyonkar ho
adab hai aur yahi kashamakash to kya kije
haya hai aur yahi gomago to kyonkar ho
tumhin kaho ki guzra sanam paraston ka
buton ki ho agar aisi hi khu to kyonkar ho
uljhate ho tum agar dekhte ho aaina
jo tum se shahar mein ho ek do to kyonkar ho
jise nasib ho roz-e-siyah mera sa
wo shakhs din na kahe raat ko to kyonkar ho
hamen phir un se umid aur unhen hamari qadr
hamari bat hi puche na wo to kyonkar ho
galat na tha hamen khat par guman tasalli ka
na mane dida-e-didar ju to kyonkar ho
batao us misha ko dekhakar ho mujh ko qarar
yah nesh ho rag-e-jan mein faro to kyonkar ho
mujhe junun nahi galib wale baqaul-e-huzur
firaq-e-yar mein taskin ho to kyonkar ho

Poet of the poem/ghazal or Nazam: Mirza Ghalib

Dard se mere hai tujh ko beqarari hae hae
kya hua zalim teri gafalatashi’ari hae hae
tere dil mein gar na tha aashob-e-gam ka hausla
tu ne phir q ki thi meri gam-gusari hae hae
q meri gam-khvaragi ka thujhako aaya tha khayal
dushmani apni thi meri dostadari hae hae
umr bhar ka tune paiman-e-vafa bandha to kya
umr bhar ko bhi to nahi hai payadari hae hae
zeher lagti hai mujhe aab-o-hava-e-zindagi
yani tujhase thi ise nasazagari hae hae
gulafishani hae naz-e-jalva ko kya ho gaya
khak par hoti hai teri lalakari hae hae
sharm-e-rusavai se ja chupana naqab-e-khak mein
khatm hai ulfat ki tujh par pardadari hae hae
khak mein namus-e-paiman-e-muhabbat mil gai
uth gai duniya se rah-o-rasm-e-yari hae hae
hath hi tegazama ka kam se jata raha
dil pe ik lagane na paya zakhmekari hae hae
kis tarah kate koi shab hae tar-e-barshigal
hai nazar khunkarda-e-akhtarshumari hae hae
gosh mahajur-e-payam-o-chashm maharum-e-jamal
ek dil, tis par ye na-ummidavari hae hae
ishq ne pakada na tha “ghalib” abhi vahashat ka rang
rah gaya tha dil mein jo kuch zauq-e-khvari hae hae

Poet of the Poem / Ghazal or Nazam : Mirza Ghalib

ek ek qatre ka mujhe dena pada hisab
khun-e-jigar vadiat-e-mishagan-e-yar tha
ab main hun aur matam-e-yak shahar-e-arazu
toda jo tu ne aaina timasal dar tha
galiyon mein meri nash ko khenche phiro ki main
jan dad-e-hava-e-sar-e-rahaguzar tha
mauj-e-sarab-e-dasht-e-vafa ka na puch hal
har zarra misl-e-jauhar-e-teg aabadar tha
kam janate the hum bhi gam-e-ishq ko par ab
dekha to kam hue pa gam-e-rozagar tha

Poet of the poem/ghazal or Nazam: Mirza Ghalib

Dard minnatkashe-dava na hua
main na acha hua, bura na hua
jama karte ho kyon raqibon ko
ik tamasha hua gila na hua
hum kahan qismat aazamane jayen
tu hi jab khanjar aazama na hua
kitne shirin hain tere lab ki raqib
galiyan khake bemaza na hua
hai khabar garm unake aane ki
aj hi ghar mein boriya na hua
kya wo namarud ki khudai thi
bandagi mein mera bhala na hua
jan di, di hui usi ki thi
haq to yun hai ki haq ada na hua
zakhm gar dab gaya lahu na thama
kam gar ruk gaya rava na hua
rahazani hai ki dilsitanee hai
leke dil, dilsitan rava na hua
kuch to padhiye ki log kahate hain
aj ‘ghalib’ gazalsara na hua

Poet of the Poem / Ghazal or Nazam : Mirza Ghalib

Dayam pada hua tere dar par nahi hun main
khak aisi zindagi pe ke paththar nahi hun main
q gardish-e-mudam se ghabara na jaye dil
insan hun, pyala-o-sagar nahi hun main
yarab! zamana mujh ko mitata hai kis liye
lauh-e-jahan pe harf-e-mukarrar nahi hun main
had chahiye saza mein uqubat ke waste
aakhir gunahagar hun, kafir nahi hun main
kis waste aziz nahi janate mujhe
lal-o-zumarud-o-zar-o-gauhar nahi hun main
rakhate ho tum qadam meri aankhon se q dareg
rutabe mein mahr-o-mah se kamatar nahi hun main
karte ho mujhako mana-e-qadambos kis liye
kya aasman ke bhi barabar nahi hun main
‘ghalib’ wazifakhwar ho, do shah ko dua
wo din gaye ki kahate the “naukar nahi hun main”

Poet of the Poem / Ghazal or Nazam : Mirza Ghalib

han dil-e-dardmand zam-zama saz
kyun na khole dar-e-khazina-e-raz

khame ka safhe par ravan hona
shakh-e-gul ka hai gul-fishan hona

mujh se kya puchata hai kya likhiye
nuqta haye khiradafishan likhiye

bare, aamon ka kuch bayan ho jaye
khama nakhle ratabafishan ho jaye

aam ka kon mard-e-maidan hai
samar-o-shakh, guve-o-chaugan hai

tak ke jee mein kyun rahe arman
aaye, ye guve aur ye maidan!

aam ke aage pesh jave khak
phodata hai jale phaphole tak

na chala jab kisi tarah maqadur
bada-e-nab ban gaya angur

ye bhi nachar jee ka khona hai
sharm se pani pani hona hai

mujhase pucho, tumhen khabar kya hai
aam ke aage neshakar kya hai

na gul us mein na shakh-o-barg na bar
jab khizan aaye tab ho us ke bahar

aur daudaie qayas kahan
jan-e-shirin mein ye mithas kahan

jan mein hoti gar ye shirini
‘kohakan’ bavajud-e-gamgini

 
Poet of the Poem / Ghazal or Nazam : Mirza Ghalib

Be-aitadaliyon se subuk sab mein hum hue
jitne ziyada ho gaye utane hi kam hue

pinhan tha dam sakht qarib aashiyan ke
udane na
paye the ki giraftar hum hue

hasti hamari apani fana par dalil hai
yan tak mite ke aap hum apani qasam hue

sakhtikashan-e-ishq ke puche hai kya khabar
wo log rafta-rafta sarapa alam hue

teri wafa se kya ho talafi ki dahar mein
tere siva bhi hum pe bahut se sitam hue

likhate rahe junun ke hikayat-e-khunchakan
harchand is mein hath hamare qalam hue

ALLAH re! teri tundi-e-khu jis ke bim se
azza-e-nala dil mein mere rizqe-ham hue

ahal-e-havas ke fatah hai tark-e-nabard-e-ishq
jo
panv uth
gaye wo hi un ke alam hue

nal-e-adam mein chand hamare supurd the
jo wan na khinch sake so wo yan aake dam hue

chodi ‘asad’ na hum ne gadai mein dillagi
sail hue to aashiq-e-ahal-e-karam hue

Poet of the Poem / Ghazal or Nazam : Mirza Ghalib

aamad-e-khat se hua hai sard jo bazar-e-dost
dud-e-shama-e-kushta tha shayad khat-e-rukhsar-e-dost

ae dil na’aqabat andesh zabt-e-shauq kar
kon la sakata hai tab-e-jalva-e-didar-e-dost

khana viransazi-e-hairat tamasha kijiye
surat-e-naqsh-e-qadam hun rafta-e-raftar-e-dost

ishq mein bedad-e-rashq-e-gair ne mara mujhe
kushta-e-dushman hun aakhir garche tha bimar-e-dost

 
Poet of the Poem / Ghazal or Nazam : Mirza Ghalib

Bas ki dushwar hai har kam ka aasan hona
aadmi ko bhi mayassar nahi insan hona

giriya chahe hai kharabi mere kashane ke
dar-o-divar se tapake hai bayaban hona

wa-e-diwangi-e-shauq ke har dam mujh ko
aap jana udhar aur aap hi hairan hona

jalva azbas ke taqaza-e-nigah karta hai
jauhar-e-aina bhi chahe hai mizagan hona

ishrat-e-qatlgah-e-ahal-e-tamanna mat puch
id-e-nazzara hai shamashir ka uriyan hona

le gaye khak mein hum dag-e-tamanna-e-nishat
tu ho aur aap basadrang-e-gulista n hona

ishrat-e-para-e-dil, zakhm-e-tamannakhana
lazzat-e-rish-e-jigar garq-e-namakdan hona

ke mere qatl ke bad us ne jafa se tauba
haye us zodpasheman ka pasheman hona

haif us char girah kapade ke qismat ‘ghalib’
jis ke qismat mein ho aashiq ka gareban hona

Poet of the Poem / Ghazal or Nazam : Mirza Ghalib