Mirza Ghalib Poetry shayari sms in Urdu for lovers and friends. Mirza Ghalib poetry , ghazal , poems and sher o shayari in Hindi. Best 1 line , 2 line and 4 line Mirza Ghalib Poetry shayari Collection Online. Mirza Ghalib is one of the best poets of Urdu language and his sad romantic and funny poetry is effecting love birds even now.
Bahot sahi gam-e-geti sharab kam kya hai
gulam-e-saqi-e-kausar hun mujhako gam kya hai
tumhari tarz-o-ravish janate hain hum kya hai
raqib par hai agar lutf to sitam kya hai
sukhan mai khama-e-galib ke aatashafashani
yaqin hai hamako bhi lekin ab us mai dam kya hai
Poet of the Poem / Ghazal or Nazam : Mirza Ghalib
Bazicha-e-atfal hai duniya mere aage
hota hai shab-o-roz tamasha mere aage
ik khel hai aurang-e-suleman mere nazadik
ik bat hai ejaz-e-masiha mere aage
juz nam nahi surat-e-alam mujhe manzur
juz vaham nahi hasti-e-ashiya mere aage
hota hai nihan gard mai sehara mere hote
ghisata hai jabin khak pe dariya mere aage
mat puch ke kya hal hai mera tere piche
tu dekh ke kya rang hai tera mere aage
sach kahate ho khudbin-o-khudara hun na kyon hun
baitha hai but-e-aina sima mere aage
phir dekhiye andaz-e-gulafshani-e-guftar
rakh de koi paimana-e-sahaba mere aage
nafrat ka guman guzri hai main rashk se guzara
kyon kar kahun lo nam na us ka mere aage
iman mujhe roke hai jo khinche hai mujhe kufr
kaba mere piche hai kalisa mere aage
aashiq hun pe mashuqfarebi hai mera kam
majanun ko bura kahati hai laila mere aage
khush hote hain par vasl mai yun mar nahi jate
aayi shab-e-hijaran ke tamanna mere aage
hai maujzan ik qulzum-e-khun kash! yahi ho
aata hai abhi dekhiye kya-kya mere aage
go hath ko jumbish nahi aankhon mai to dam hai
rahane do abhi sagar-o-mina mere aage
hampesha-o-hammasharab-o-hamraz
hai mera
‘ghalib’ ko bura kyon kaho acha mere aage
Poet of the Poem / Ghazal or Nazam : Mirza Ghalib
aaina kyun na dun ke tamasha kahen jise
aisa kahan se laun ke tujhasa kahen jise
hasarat ne la rakha teri bazm-e-khayal mein
guladasta-e-nigah suveda kahen jise
phunka hai kisane goshe muhabbat mein ae khuda
afasun-e-intazar tamanna kahen jise
sar par hujum-e-dard-e-garibi se daliye
wo ek musht-e-khak ke sahara kahen jise
hai chashm-e-tar mein hasarat-e-didar se nihan
shauq-e-inan gusekhta dariya kahen jise
darakar hai shiguftan-e-gul haye aish ko
subh-e-bahar panba-e-mina kahen jise
“ghalib” bura na man jo vaiz bura kahe
aisa bhi koi hai ke sab acha kahen jise
Poet of the Poem / Ghazal or Nazam : Mirza Ghalib
chahiye achchon ko jitana chahiye
chahiye achchon ko jitana chahiye
ye agar chahen to phir kya chahiye
sohabat-e-rinda se vajib hai hazar
ja-e-mai apne ko khencha chahiye
chahane ko tere kya samajha tha dil
bare ab is se bhi samajha chahiye
chak mat kar jeb be ayyam-e-gul
kuch udhar ka bhi ishara chahiye
dosti ka parda hai beganagi
munh chupana hum se choda chahiye
dushmani mein meri khoya gair ko
kis qadar dushman hai dekha chahiye
apani rusvai mein kya chalati hai sai
yar hi hangama aara chahiye
munhasir marane pe ho jis ke umid
naumidi us ke dekha chahiye
gafil in mah talaaton ke vaste
chahane vala bhi achcha chahiye
chahate hain khubaruon ko asad
aap ke surat to dekha chahiye
Poet of the poem/ghazal or nazam : Mirza Ghalib
aah ko chahiye ik umr asar hone tak
aah ko chahiye ik umr asar hone tak
q jita hai teri zulf ke sar hone tak
dam har mauj mein hai halqa-e-sadkam-e-nahang
dekhen kya guzare hai qatare pe gauhar hone tak
aashiqi sabr-talab aur tamanna betab
dil ka kya rang karun khun-e-jigar hone tak
hum ne mana ke tagaful na karoge lekin
khak ho jayenge hum tum ko khabar hone tak
partav-e-khur se hai shabanam ko fana ke talim
main bhi hun ek inayat ke nazar hone tak
yaknazar besh nahi fursat-e-hasti gafil
garmi-e-bazm hai ik raqs-e-sharar hone tak
gam-e-hasti ka ‘asad’ kis se ho juz marg ilaj
shamma har rang mein jalati hai sahar hone tak
Poet of the Poem / Ghazal or Nazam : Mirza Ghalib
aa ki meri jan mai qarar nahi hai
aa ki meri jan mai qarar nahi hai
taqat-e-bedad-e-intazar nahi hai
dete hain jannat hayat-e-dahar ke badle
nashsha baandaza-e-khumar nahi hai
giriya nikale hai teri bazm se mujh ko
haye! ki rone pe ikhtiyar nahi hai
hum se abas hai guman-e-ranjish-e-khatir
khak mai ushshaq ke gubar nahi hai
dil se utha lutf-e-jalva hai maani
gair-e-gul aaina-e-bahar nahi hai
qatl ka mere kiya hai ahad to bare
vaye! agar ahad ustavar nahi hai
tu ne qasam maikashi ke khai hai ‘ghalib’
teri qasam ka kuch aitabar nahi hai
Poet of the Poem / Ghazal or Nazam :Mirza Ghalib