Zindagi tujh ko manane nikle
hum bhi kis darja divane nikle

kuch to dushman the mukhalif-saf mein
kuch mere dost purane nikle

nazarandaz kiya hai us ne
khud se milane ke bahane nikle
be-basarat hai ye basti yaro
aaina kis ko dikhane nikle

in andheron mein jiyoge kab tak
koi to shama jalne nikle

Poet  of  the Poem / Ghazal or Nazam :Ameer Kazalbash

Zindagi tujh se mil kar zamana hua
aa tujhe aj hum maikade le chalen
raat ke naam honton ke sagar likhen
apni aankhon mein kuch rat-jage le chalen
kya hassin log hain
aankh aahon ke hain aur lab pankhadi
in ke aaraish-e-khal-o-khat ke liye
apni aankhon ke hum aaine le chalen
ajanabi chehare mein dost banate nahi
rishte-naton ke chandi barasti nahi
qurbaten sohabaten jin ke yaad aayengi
aise kuch doston ke pate le chalen
un ke aankhon ne jalate sulagte hue
manzaron ke siva kuch bhi dekha nahi
chehara-e-afsos ke sakinon ke liye
phul-o-khushbu saba zam-zamen le chalen
zindagi tujh se mil kar zamana hua

Poet  of  the Poem / Ghazal or Nazam : Zubair Rizvi

Zakhm jo aap ke inayat hai is nishani ko kya naam de hum
pyar divar ban ke reh gaya hai is kahani ko kya naam de hum
aap ilzam dhar gaye hum par ek ehsaan kar gaye hum par
aap ke ye meharabani hai meharabani ko kya naam de hum
aap ko yun hi zindagi samajha dhup ko hum ne chandani samajha
bhool hi bhool jis ke aadat hai ik javani ko naam kya de hum
raat sapana bahar ka dekha din hua to gubar sa dekha
bevafa waqt bezuban nikala bezubani ko naam kya de hum

Poet of the Poem / Ghazal or Nazam : Sudarshan Faakir

Zindagi tune lahu leke diya kuch bhi nahi
tere daman mein mere vaste kya kuch bhi nahi
mere in hathon ke chaho to talashi le lo
mere hathon mein lakiron ke siva kuch bhi nahi
hum ne dekha hai kai aise khudaon ko yahan
samane jin ke wo sach much ka khuda kuch bhi nahi
ya khuda ab ke ye kis rang se aayi hai bahar
zard hi zard hai pedon pe hara kuch bhi nahi
dil bhi ik zid pe ada hai kisi bache ke tarah
ya to sab kuch hi ise chahiye ya kuch bhi nahi

Poet  of  the Poem / Ghazal or Nazam : Rajesh Reddy

Zindagi yun hui basar tanha
qafila sath aur safar tanha
apne saye se chaunk jate hain
umr guzri hai is qadar tanha
raat bhar bolate hain sannate
raat kate koi kidhar tanha
din guzarata nahi hai logon mein
raat hoti nahi basar tanha
hum ne daravaze tak to dekha tha
phir na jane gaye kidhar tanha

Poet  of  the Poem / Ghazal or Nazam :Gulzar

Tere bagair ye ab zindagi kahan guzri
qadam qadam pe tere sath ka guman guzri
ye din jo dhire se phisala to sham ke manzar
tere bagair udasi ke daramiyan guzri
wo ashk hun ki sar-e-rah gir gaya tha kabhi
utha saka na koi kitne karavan guzri
main khushk hoke bikharata raha hun pairon mein
bahut zamana hua mujh pe kashtiyan guzri
tere badan ka aalao ho meri sanson mein
kabhi wo lamha bhi ik bar jan-e-jan guzri
ye baat ab bhi nahi hai kisi se kahane ke
tamam sajde tere dar se rayagan guzri

Poet of the Poem / Ghazal or Nazam : Hafeez Aatish

Tarz jine ka sikhati hai mujhe
tashnagi zeher pilati hai mujhe

raat bhar rahati hai kis baat ke dhun
na jagti hai na sulati hai mujhe
ruthata hun jo kabhi duniya se
zindagi aake manati hai mujhe
aaina dekhun to kyunkar dekhun
yaad ik shakhs ke aati hai mujhe
band karta hun jo aankhen kya kya
roshani si nazar aati hai mujhe
koi mil jaye to rasta kat jaye
apni parachai darati hai mujhe
ab to ye bhool gaya kis ke talab
des parades phirati hai mujhe

kaise ho khatm kahani gham ke
ab to kuch neend si aati hai mujhe

Poet of the Poem / Ghazal or Nazam : Khalil ur Rahman Azmi

Pathar sulag rahe the koi naqsh-e-pa na tha
hum us taraf chale the jidhar rasta na tha
parchaiyon ke shahar ke tanhaiyan na puch
apna sharik-e-gam koi apne siva na tha
yun dekhati hai gumshuda lamhon ke mod se
is zindagi se jaise koi vasta na tha
cheharon pe jam gai thin khayalon ke ulajhanen
lafzon ke justaju mein koi bolata na tha
khurshid kya ubharate dil ke tahon se hum
is anjuman mein koi saharashana na tha

Poet of the Poem / Ghazal or Nazam : Mumtaz Rashid

Tang aa chuke hain kash-ma-kash-e-zindagi se hum
thukra na den jahan ko kaheen bedili se hum
mayusi-e-ma’al-e-mohabbat na puchiye
apanon se pesh aaye hain beganagi se hum
lo aj hum ne tod diya rishta-e-ummid
lo ab kabhi gila na karenge kisi se hum
ubharenge ek bar abhi dil ke val-vale
go dab gaye hain bar-e-gam-e-zindagi se hum
gar zindagi mein mil gaye phir ittafaq se
puchenge apna hal teri bebasi se hum
ALLAH re fareb-e-masahiyat ke aj tak
duniya ke zulm sahate rahe khamoshi se hum
hum gam-zada hain laye kahan se khushi ke geet
denge wahi jo payenge is zindagi se hum

Poet of the Poem / Ghazal or Nazam : Sahir Ludhianvi

Phir is duniya se ummid-e-vafa hai
tujhe ae zindagi kya ho gaya hai
badi zalim nihayat bevafa hai
ye duniya phir bhi kitni khush-numa hai
har ik apne hi gham mein mubtila hai
kisi ke dard se kon aashna hai
mere naqqad meri shayari to
mere tute huye dil ke sada hai
kahan hun “shad” main to shad sa hun
wo shad-e-khush-nava to mar chuka hai

Poet of the Poem / Ghazal or Nazam : Naresh Kumar Shad

Phir mujhe dida-e-tar yaad aaya
dil jigar tashna-e-fariyad aaya
dam liya tha na qayamat ne hanoz
phir tera vaqt-e-safar yaad aaya
sadagi haye tamanna yani
phir wo nairang-e-nazar yaad aaya
uzr-e-vamandagi ae hasrat-e-dil
nala karta tha jigar yaad aaya
zindagi yun bhi guzar hi jati
kyon tera rahguzar yaad aaya
kya hi rizavan se ladai hogi
ghar tera khuld mein gar yaad aaya
aah wo jurrat-e-fariyad kahan
dil se tang aake jigar yaad aaya
phir tere kuche ko jata hai khayal
dil-e-gumgashta magar yaad aaya
koi virani-si-virani hai
dasht ko dekh ke ghar yaad aaya
main ne majanun pe ladakapan mein ‘asad’
sang uthaya tha ke sar yaad aaya

Poet of the Poem / Ghazal or Nazam : Mirza Ghalib

Tabiyat in dinon begana-e-gam hoti jati hai
mere hisse ke goya har khushi kam hotii jati hai
wohi hai shahid-o-saqi, magar dil bujhata jata hai
wohi hai shamma lekin roshani kam hoti jati hai
qayamat kya ye ae husn-e-do aalam hoti jati hai
ke mahafil to wahi hai, dilkashi kam hoti jati hai
wohi maikhana-o-sahaba, wohi sagar wahi shisha
magar aavaz-e-noshanosh maddham hoti jati hai
wohi hai zindagi lekin ‘jigar’ ye hal hai apna
ke jaise zindagi se zindagi kam hoti jati hai

Poet of the Poem /  Ghazal or Nazam: Jigar Moradabadi

pyar mujhase jo kiya tumane to kya paogi
mere halat ke aandhi mein bikhar jaogi
ranj aur dard ke basti ka main bashinda hun
ye to bas main hun ke is hal mein bhi zinda hun
khwab q dekhun wo kal jisape main sharminda hun
main jo sharminda hua tum bhi to sharamaogi
q mere sath koi aur pareshan rahe
meri duniya hai jo viran to viran rahe
zindagi ka ye safar tumako to aasan rahe
hamasafar mujhko banaogi to pachataogi
ek main kya abhi aayenge divane kitne
abhi gunjege muhabbat ke tarane kitne
zindagi tumako sunayegi fasane kitne
q samajhati ho mujhe bhool nahi paogi

Poet of the Poem / Ghazal or Nazam :Javed Akhtar

Tabahi ka apni nishan chod aaye
varaq dar varaq dastan chod aaye
har ek ajanabi se pata puchate hain
tujhe zindagi hum kahan chod aaye
wohi log jine ka fan janate hain
jo ehasas-e-sud-o-ziyan chod aaye
nikal aaye tanaha teri rahaguzar par
bhatakane ko hum karavan chod aaye

Poet of the Poem /  Ghazal or Nazam: Kaif Azeemabadi

rachi hai ratjago ke chandani jin ke jabinon mein
‘qateel’ ek umr guzri hai hamari un hasinon mein
wo jin ke aanchalon se zindagi takhalik hoti hai
dhadakata hai hamara dil abhi tak un hasinon mein
zamana parasai ke hadon se hum ko le aaya
magar hum aj tak rusva hain apne hamnashinon mein
talash un ko hamari to nahi puch zara un se
wo qatil jo liye phirate hain khanjar aastinon mein

Poet of The Poem / Ghazal or Nazam :Qateel Shifai