Jab tera hukm mila tark muhabbat kar di – Ahmed Nadeem Qasmi
jab tera hukm mila tark muhabbat kar di
dil magar is pe wo dhadhaka ki qayamat kar di
tujh se kis tarah main izhar-e-tamanna karta
lafz sujha to mani ne bagavat kar di
main to samajha tha ki laut aate hain jane wale
tune jakar to judai meri qismat kar di
mujh ko dushman ke iradon pe bhi pyar aata hai
teri ulfat ne muhabbat meri aadat kar di
puch baitha hun main tujh se tere kuche ka pata
teri halat ne kaisi teri surat kar di
Poet of the Poem / Ghazal or Nazam :Ahmed Nadeem Qasmi
Post a comment / SMS